Provérbios 4:24 - Kaxinawá Bíblia (BR)

²⁴ Txanitxakakĩ mĩ yuiarã, txakabuharaki. Ha henekĩ haska ana shinãyamakubaĩshãwẽ.

Provérbios 4:24 Кръстосани препратки

Jó 11:14

Hamapai txakabu sharabu mia inũ minabũ memisrã, hawaira henekĩ putariwe. ana hatubetã mekĩ betxipaiamarã.

Salmos 34:14

Txakabu betsa betsapa danãkĩ pe besti akubaĩkãwẽ. Haratura hawẽ unanuma kati bai betxitã ha txibãkubaĩkãwẽ.

Provérbios 10:32

Huni pepabũ hawara pepa yuikĩ habũ nĩkaibu hatu benimawakubaĩmisbuki. Hakia huni txakabubũ yuikĩ atimapa hãtxa besti yuikubaĩmisbuki.

Provérbios 17:20

Hawẽ shinã pemabia parananaĩ hãtxa txakakũkaĩmisrã, hawa pepa haki nuku taskama ikũkaĩshanikiki. Txanitxaka besti parananaĩ hãtxakubaĩmisbu dakei bika tenekubaĩshãkanikiki.

Provérbios 19:1

Unaĩsmapa inũ txani besti yuibauni mapumisburã, ha nuitapaibu inũ ha huni pepabu hatukiri pe yuimisbũ habũ hatu binuaki.

Provérbios 4:25

Huni txakabubũ betsa betsapa haikaimas shinãmisbu inũ tsuãra mia uĩtiruwẽ taea hatuki hawa dateama hariri mĩ kai txĩtuãma pe besti shinãkubaini hiwekũkaĩwẽ.

Provérbios 6:12

Huni txakabubũ hatu txakabuwamis pe shinãma txanitxakakĩ txani besti hatu yuibaũmisbuki.

Provérbios 8:13

Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Provérbios 8:8

Dasibi ẽ hãtxarã, yui kayabiki, haska ẽ matu yuiai ẽ kanetirumarã.

Ezequiel 18:31

Ea sinatamakubaĩkĩ matũ txakabu haska mã akubainai henetã shinã pepa shinãkĩ yushĩ pepa bena bikubaĩkãwẽ. Tsua mã mawayamanũ, iwanã, ẽ betxipaiamawẽ taea Israelĩ enabuũ, kupia yumaĩ haskai mã mawashanai? Matũ txakabu hene keyutã hiwei perikubaĩkãwẽ, ẽ hawẽ taeshũ ẽ matu kupiyamashanunã. Ana txakabuwama hiwei pe bestikubaĩkãwẽ, akĩ ea Senhor Deusũ ẽ hãtxa txanima ẽ mestẽwaiĩ”, ikaya ẽ hatu yuishuniki, Israelĩ enaburã.

Colosenses 3:8

natiã ana haska meama menã hawaira dasibi hene keyurikãwẽ, mã eskamisrã, mã sinatamisrã, mã kemumisrã, mã txakabu wamisrã, mã sheti ikama kũyã imisrã, sherabiãma mã hãtxa txakabu yui shetxakamisrã,

1 Timóteo 6:5

yura betsa betsapabube hatũ yusĩa hãtxa kayabi unãbumabe kemanamei heneisma inũ haska ikũwãkĩ yusĩaĩwẽ taeshũ pei itxapa bitikiri xinãkanikiki. Hatu uĩrakubaĩwẽ.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.

Santiago 1:26

Hakia tsuabũra Deus hiwea kẽwãkĩ xinãkĩ: “Deus ikũwaĩ ẽ hiweshũkũkainaii”, iwanã, xinãbiakĩ hawara atimapa xinãtxakakĩ yui sheti itibia nemai sheti itirumawẽ hatũ xinã pe mekeamawẽ taea ibubis parananãkĩ kanekĩ Deus benimawatirumaki, Jesus ikũwaĩ hamẽkinã.

1 Pedro 2:1

Haska inũ, hamapai txakabu tibi mã akeakemis inũ, mã parananãmis inũ, mã beparamemis inũ, tsuara hawara pepa hayakẽ mã haskatiruma xinaĩ mã hatuki sinatamis inũ, hawara yura betsa ikai uĩtã matunamabia hawẽ taea mã yuãnanãkeakemis ana haskakiri xinãma henerikubaĩkãwẽ.