Provérbios 11:3 - Kaxinawá Bíblia (BR)

³ Huni pepabũ hatũ beya pepa tapĩtã txibãmisbuki. Hakia huni txanitxakamisbũ ibubis txakabuwakubaini hawẽ txani hãtxawẽ taea yamamisbuki.

Provérbios 11:3 Кръстосани препратки

Provérbios 11:5

Huni pepabũ kaneaibũ ha yunuti pepatũ hatũ shinã hatu kayatapĩmakubaĩmiski. Hakia huni txakabubũ kanekĩ hatũ txakabuwẽ ibubis ana pikumisbuki.

Provérbios 13:6

Huni duapabu hatũ pepawẽ mekemisbuki. Hakia hunĩ txakabuwakubaĩmisbu hatũ txakabuwẽ keyui yamamisbuki.

Provérbios 19:3

Huni betsa patapakĩ hawẽ hiwea ibubis txakabuwa hanushũ: “Senhor Deusũ ea kanemashinaki”, iki unaĩsmapabu haki paranamisbuki.

Provérbios 2:22

Hamẽ habu parananãmisbu inũ hunibu txakabukubaĩmisbu mibã betsea keska wakĩ Senhor Deusũ hatu urẽshanikiki, na mai anu ana hatu hiwemamarã.

Provérbios 21:7

Hawara yunuti kushipa pepa txibaĩ hiwei pekatsi ikamawẽ taeshũ huni txakabu mẽtsisipakĩ hatũ kushipawẽ hamapai txakabu betsa betsapa atimapa wai ibubis yamai keyushãkanikiki.

Provérbios 22:12

Senhor Deusũ unanepabu hatu mekekĩ hatu uĩkubainaya txanitxakamisbũ hatu yuikĩ: “Txanima nũ matu yuiaii”, ibiai txanitxakaibu Senhor Deusũ hatu shabakabi kayati wamakĩ hatu unãti wamamiski.

Isaías 1:28

Hakia itxakanikai sinatamisbu inũ txakabubu habu ea anu beabuma hatu kupikĩ ẽ yamawashanaii. Habũ ea henebaini mawashãkanikiki.

João 7:17

Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.