João 3:18 - Kaxinawá Bíblia (BR)

¹⁸ Haskakẽ tsuãra Deusũ bake ikũwaĩbu Deusũ kupiamaki. Hakia tsuãra hawẽ bake bestitxai ikũwãmawẽ taeshũ Deusũ hatu danãtã kupishanikiki.

Kashinawa : Diosun Jesúswen taexun yuba bena yiniki

¹⁸ Jaskaken tsuanda Diosun bake ikunwainbu Diosun kupiamaki. Jakia tsuanda jawen bake bestichai ikunwanmawen taexun Diosun jatu danantan kupixanikiki.

João 3:18 Кръстосани препратки

Marcos 16:16

Habũ ea ikũwaĩ henewẽ mã hatu naximaya ẽ hatu mekeshanaii. Hakia habũ ea ikũwãkĩ xinã betsa wabuma ẽ hatu kupishanaii.

João 1:12

hakia hatiritũ hawẽ hãtxa nĩkatã ikũwãkĩ beya waibũ Deusũ Xinaĩ Hãtxatĩ hau Deusũ bakebu ishanũbũ hawẽ kuxipa hatu inãkĩ hatu duawakĩ taewaniki.

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

João 3:36

Haska inũ, tsuabũra hawẽ bake ikũwãkĩ txibaĩbu hiwekuĩshãkanikiki, ikibi ikirã. Hakia hawẽ bake danãkĩ ikũwãbuma hatu danãriakĩ Deus haki sinatakĩ hiwekuĩmama hatu kupikubaĩshanikiki, hiwe txakamakinã— iniki.

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

João 6:47

Hiwekuĩmati misirã, habia ẽ eaki. Txanima tsuabũra ea ikũwaĩ hiwekuĩkanikiki, ikibi ikirã.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:34

Haska inũ, Jesus Cristo debutã haska bestiama ana hiwei bestẽkaĩ nai anu Deusũ yusiuri tsaunishũ Jesus Cristo habe shanẽ ibukĩ Deus nuku ea ashũbiaya tsua betsa kuxipatũ Cristõ nuku pewashuni nematirumaki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Hebreus 3:19

Txanima Deusũ hãtxa ikũwãkĩ txibãkatsi ikama habu hikiabuma inibu haska hatukiri nũ unaiĩ.

1 João 3:23

Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.

1 João 4:9

Jesus ikũwaĩ hawẽ taea nũ hiwea hayashanũbũ Deusũ hawẽ bake bestitxai yurabu anu yununiki, nukuwẽ nuikĩ nuku abuai nuku uĩmakinã.

1 João 5:10

Tsuãra Deusũ bake ikũwaĩnã, hamebi hawẽ huĩti merã ha kaka haya yuimakĩ shabakabi wamaikiki. Hakia tsuãra Deus ikũwãmatunã: “Deusrã, txaniki”, ikĩ hatu xinãmamiski, ha txanitxakakinã, Deus ibubis hawẽ bakekiri txanini ikũwãmarã.

1 João 5:12

Ha inũ, tsuãra Deusũ bakeki ma dasikĩ ikũwaĩburã, ha hiwea ikibi ika hayaki. Hamẽ tsuara Deusũ bakeki dasikĩ ikũwãmarã, ha hiwekuĩa hayabumaki.