Isaías 60:20 - Kaxinawá Bíblia (BR)

²⁰ Ea ẽ matũ Senhor Deus ẽ txasha ikibi ishanaiwẽ taea matũ bari hawa nuka taskama inũ matũ ushe hawẽ txasha keyui nukama ishanikiki. Hawara bika betsa betsapa mã tenekubaĩmis haskaitiã keyushãkanikiki.

Isaías 60:20 Кръстосани препратки

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Isaías 35:10

tsuabura Deusũ hawenawakĩ hatu binirã. Hawẽ maewã Sião anu hikibaini kãtai benibaĩshãkanikiki. Hari hikitã hiwea benimai heneama ipakeshãkanikiki. Haburã, benimai shinã txãkã bestishãkanikiki, haria ana kashai bika tenei eẽ ikama yamakaini pes dakashanikiki.

Isaías 60:1

“Jerusalém anuabuũ, benimai benirikãwẽ. Senhor Deusũ ana matu merabewai tashnitã hawẽ kushipa bĩ keska matu anu atximakĩ ma matu anu txasha waikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Isaías 65:19

Jerusalém ibubis ẽ bena washinawẽ taea ẽ benimahairashanaii, hanu enabu shinã txãkaĩ ea hiweshũshanaiburã. Ha mae meranuarã, ana hawa kashai inũ bibiski iki bika teneaibu ana tsuã hatu nĩkama ishanikiki.

Jeremias 31:12

Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.

Amós 8:9

Senhor Deusũ hawẽ hãtxa mestẽwãkĩ yuikĩ: “Ha shabatiã bari mananãbi txashabia bari ibubis nukai mai hirabi meshũ atxi keyushanikiki.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Apocalipse 21:23

Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki.

Apocalipse 21:4

Haskawẽ taea habu kashamisbu hatũ beũ tashka watã ana mawa hayama inũ, ana saĩ ikama inũ, kasha hayama inũ, isĩ hayama dasibi haska Deusũ hawẽ bika hiweti wani beshtekĩ ana ha hayama waki”, ikaya