Isaías 60:16 - Kaxinawá Bíblia (BR)

¹⁶ Nawa shukua tibibũ hatũ piti pepahaira beshũ matu inãshãkanikiki. Nawa shanẽ ibubũ hatũ mabu hawẽrua karuhaira matu beshũshãkanikiki. Matu haska waibu uĩkĩ ea Senhor Deus ẽ matũ piskumanika mã unãshanaii, Jacó merabenanika kushipahaira earã, ẽ matũ mebikinanikarã.

Isaías 60:16 Кръстосани препратки

Isaías 1:24

Haskawẽ taeshũ Senhor Deus kushipa dasibi binuatũ hawẽ kushipawẽ Israel merabewamis hawẽ hãtxa kushipawẽ hatu yuikĩ: “Hatishũ besti matũ txakabu ẽ tenetiruki! Mã habu eki sinataiburã, matũ txakabu tanatã matube detenameai keskakĩ ẽ matu kupishanaii.

Isaías 33:22

Ha shashuwã natxãkãki hawẽ dispi tibiki ha tari haki pũtea niwe bekĩ ana pũtes wamawẽ taea ha tari pea pea itiruma ishanikiki. Hatũ shashuwã ana harakiri katirumakẽ haki inatã habu nukuki sinatamisbũ mabu pepa dasibi mapematã mabu nũ pashkaibũ bekũbu inũ tekeyabũri habuna bishãkanikiki. Ha haskaibutianã, Senhor Deusrã, nukũ Shanẽ Ibu inũ, nukũ unãtinanika inũ, nukũ hãtxa pewatã txibãmanika ishanaiwẽ taea hatũ nuku piskumashanikiki.

Isaías 43:11

Ea besti ẽ Senhor Deuski. Eamaki hawa tsua betsa piskutirubumaki”, itã

Isaías 45:15

Isaíasĩ ana hatu yuikĩ: Haskabiaibũ miarã, tsuã mia uĩtiruma mĩ Israel mekekĩ piskumanika Deuski.

Isaías 45:21

Mã haratura dami yushĩbe hãtxakĩ yukakatsi ikairã, haska matu ashũtirumẽkaĩ, betsa tibi meakeakei habe hãtxakĩ unãti wakĩ unãkãwẽ. Na haska tibi inũbariairã, bebũkirihairarã, tsuã yui txaninimẽ? Ea besti ẽ ikama inimẽ, Senhor Deusrã? Deus kayabi betsa ea keska hayamaki. Deus kushipahaira maemakĩ mekekĩ binumanika tsua ea keska hayamaki.

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Isaías 49:26

Habũ matu yunu yunu akĩ bika tenemamisburã, ibubis hatunabubetãri bika teneshãkanikiki, hatũ nami ibubis piai keska wakinã. Ibubis hatũ himiwẽ paẽshãkanikiki, vinhowẽ paeã keskairã. Haskaibũ ha dasibi yura hiwebaunabũ ea ẽ Senhor Deus matũ mekenã piskumanika inũ ea ẽ Jacó kushipahaira inũ ea ẽ matũ mebikinanika habũ ea unãshãkanikiki”, itã,

Isaías 52:6

Hatiãra enabu merabewai ẽ ana huaya habũ ea unãshãkanikiki, haska ea Senhor Deus ẽ hãtxani hatu anua ẽ tashnimayarã”, ikaya

Isaías 60:17

Mã haskawẽ hiwenũ ẽ matu pewashũshanaii. Ana mane bronze matu inãma hawẽ shãtukũ mane ouro karuhaira ẽ matu inãshanaii. Ana mane kushipa ferro matu inãma hawẽ shãtukũ mane karu prata ẽ matu inãshanaii. Ana hi besha matu inãma hawẽ shãtukũ bronze ẽ matu inãshanaii. Ana mishki matu inãma hawẽ shãtukũ ferro mane kushipa ẽ matu inãshanaii. Eanã, ha unanuma hawama hiwetiwẽ ẽ matu shanẽ ibumashanaii, yunuti parananaĩsmawẽ matu yunumakinã.

Isaías 61:6

Habũ matu kenakinã: “Habu Senhor Deusũ tsumaburã, hawenabu Deusbe hãtxashunikabuki”, matu washãkanikiki. Nawabu txaikeshũ hatũ hamapai ibubis matu beshuãbu mã hawẽ benimai shinã txãkãshanaii, hatũ tari hawẽrua inũ hatũ dauti pepa sawea mapuarã.

Isaías 63:16

Miarã, mĩ nukũ epaki! Nukũ shenipabu Abraão ana nuku shinãma ma nuku hakimabiaya nũ Israelbubia haskatã nukunabube nũ ana hatuki dasi unãtinãtimaki. Nũ haskabiaya Senhor Deusuũ, miarã, habia mĩ nukũ epaki. Nuku mebikinaĩ taenishũ nuku heneama mĩ nuku akubainaii.

Isaías 63:8

Deusũ yuikinã: ‘Ha enabu ẽ bakebunã, hawa ea danãkĩ ea txakabuwama ishãkanikiki’, itã hatũ habu piskumaikiki,

Apocalipse 21:24

Haska inũ, nawabu dasibi ha maewã anu mapuirã, bĩ txasha keskawẽ mapushãkanikiki. Ha inũ, shanẽ ibu Deusunabu mai hirabi anuabũ hatũ mabu pepa Deus inãshãkanikiki.

Apocalipse 21:26

Ha inũ, beputi shui anu hikikĩ nawa betsa betsapa xarabũ Deus kẽwãkĩ dasibi hawẽ hawẽrua hayabu inanũ ika hikishãkanikiki.