Isaías 54:17 - Kaxinawá Bíblia (BR)

¹⁷ Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Isaías 54:17 Кръстосани препратки

Jó 1:11

Hakia hawara sharabu dasibi haya mebĩshãwẽ. Mĩ haska wa miki sinatakĩ habi yupukĩ mia berabĩwãshanikiki— aka

Jó 2:5

Hakia hawẽ yura mĩ itxakawaya txanima miabi yuputiruki, mia bebũshunã— aka

Jó 42:7

Jóbe hãtxakũkaini keyutã Senhor Deusũ Elifazri yuikĩ: “Ẽ tsuma Jó akubirãshina keskama ekiri txanima hãtxa mã yuiamawẽ taea mia inũ mĩ haibu dabeki ẽ sinatahairaii.

Salmos 32:6

Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Isaías 40:2

Hãtxa duapawẽ Jerusalém anuabu merabewakĩ ea hatu hãtxa washũkãwẽ. Hatu yuikinã, matu tsuma wanishũ matu dayamamisburã, ma keyuaki. Mã kanetxakayamakubaĩmiswẽ taeshũ ẽ kupiti kushipahaira bestikima ẽ ma matu tenemakubainimaki. Haska memakĩ matũ txakabu ẽ ma matu pakamaimaki”, ikaya

Isaías 41:11

Dasibi habũ matu danaĩbu ẽ hatu dakewa babushãkanikiki. Habu matuki sinatakĩ matu detemisbu manakukĩ ẽ matu hatu yamawashũshanaii.

Isaías 46:13

Eã ẽ matu tashnimabirãshanairã, ma kemaikiki. Mekekĩ hawairakirã ẽ matu piskumashanai ma txaimaikiki. Sião mekea haya wakinã, eã ẽ ashanaii. Haska watã Israelbu ẽ kushipa ẽ hatu anu buteshanaii”, itã,

Isaías 50:8

Hatũ ea mekemistũ ea keshekẽ tsuara eki sinatai huayarã, hatũ unãti wakĩ pewanikatũ hau nuku pewanũ hanu bunãkãwẽ. Tsuãra ẽ txakabukiri ea txitekatsis ikirã, hushũ hau ea yui benũbũwẽ.

Isaías 50:9

Senhor Jeová kushipatũ ea merabewamiswẽ taeshũ tsuã ea txitetã ea hawa itxakawatirubumaki. Dasibi habu eki sinatamisburã, yamashãkanikiki, ha nakashã tari pikĩ keyumis keskairã.

Isaías 54:15

Tsuãra mia ana detenũ ikairã, haskaiburã, eã ẽ ana mia hatu yunuamaki. Hakia tsuãra mia detenũ ikaiburã, miã ibubis mĩ hatu maemashanaii.

Isaías 54:16

Habũ mane mabu wakĩ habũ shũ shũ akĩ hawẽ detenameti mabu betsa betsapa wamisburã, eã ẽ hatu dami watã kaĩmamiski. Hunibu habũ hatu tenãkĩ hau hatu yamawakĩ nishma wanũbũ eã ẽ hatu dami watã kaĩmariamiski.

Isaías 58:14

Mã haskakubainaiburã, ea anua matũ benima pae mã bikubaĩshanaii. Matuki sinataibu ẽ kushipawẽ matu maemamatã matũ mae anu ana iyushũ ẽ matu shanẽ ibu washanaii. Matũ shenipabu Jacó ẽ yubani keska matubu ẽ matu inãshanaii, mã hawẽ benimashanũbunã”, ikĩ Senhor Deus kayabitũ hawẽ hãtxa haska mestẽwãkĩ yuikiki.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Daniel 3:26

hãtxakĩ yuikubaini kai, hanu karu kuamisbu kini kesha anu kemashũ hui kushipawẽ hatu kenakĩ: —Sadraque inũ, Mesaque inũ, Abede-Nego Deus dasibi binuatũ tsumabuũ, tashnibirani nenu eanu bekãwẽ— hatu wa, txi here anua ha dabe inũ besti mapekei kaĩbiranaibũ

Daniel 6:20

haki kemashũ kasha teneshũ Daniel kenakĩ yuikĩ: —Daniel, Deus hiweatũ dayaruũ, mĩ mekenika Deus txĩtuãma nĩkakĩ mĩ kẽwãkubainaitũ leão pubẽbu anu mia urẽbiabũ nemakĩ mia mekeshinamẽ?— aka

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Romanos 10:4

Haska inũ, hawẽ yunuti inũ hawẽ nemati hãtxa besti txibãkĩ Deus benimawapaibiabu nuku dasibibũ nũ atirumakẽ ha yusĩni Cristoki hikia hatũ shabakabi betsa wakĩ nukũ txakabu buai mawakĩ ha yununi ana hawẽ hiwetima wakĩ Cristo besti nũ ha ikũwaĩbu hau Deusũ nuku pepawashanũ Deus benimawai Cristo nuku ishuniki, Deusũ hãtxa Moisés hatu yusĩni txibaĩ ibubis pepai ana nũ haskayamashanũbunã.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

Josué 24:10

hakia Balaão matu yupunũ ishũ ea yukabia ẽ haska yunuamawẽ taeshũ matu yupumamakĩ hawẽ pepa hãtxa besti yuimakĩ matu yaushikĩ merabewakĩ ẽ matu mekeyamaki.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

Apocalipse 12:10

hanua hui kuxipa nai anua kaĩaĩ ẽ nĩkaya yuikĩ: “Nukũ betsabu habũ ikũwaĩbu bariri inũ mexu merã Deus bebũshũ nuku hatu txitẽkĩ yuãmis ma putabuki. Pehairaki. Natiã Deus shanẽ ibuaya hawẽ bake Messias Jesus Cristo habe shanẽ ibukĩ hatũ kuxipahairawẽ nuku mekekĩ taewakanikiki, ha yauxikĩ ana hawenabu benutimarã.