Isaías 54:13 - Kaxinawá Bíblia (BR)

¹³ Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Isaías 54:13 Кръстосани препратки

Isaías 11:9

Ianẽwã matahairamis keskai mai pakea hirabi anu dasibibu ẽ unanepa hayatã ea ẽ Senhor Deus unãshanaibuwẽ taea ẽ mati meribi anua ana hawa sinatai itxakanikama ishãkanikiki.

Isaías 2:3

Sião anu Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu nũ mapekenũ bekãwẽ, Jacó mekenika Senhor Deusũ kẽwãti hiwe anurã. Harishũ hawẽ pe hiweti shinãkiri nuku yusiãbu ha bai keska hawẽ yusiã txibãkĩ tapĩ nũ pepashãkanaii”, ika bebirã bebirãshãkanikiki.

Isaías 28:9

Patapakirã habu eanu bea hãtxakĩ yuikĩ: “Neri tashnikirã nuku yusĩwẽ. Haska Deusũ mia uĩmai nuku yusĩwẽ. Nukuburã, nũ bakeishta keskamẽkainã,

Isaías 50:4

Habu nuitapai punu nukabu ea Isaíasĩ ẽ hatu merabewakĩ benimawashanũ Senhor Deusũ ea unanepa watã ea yununiki. Ẽ shabakabi pe nĩkakubainũ merabewakĩ shaba tibi Deusũ ea pe yusĩkubaĩmiski.

Isaías 54:12

Mĩ hiwe keyatapa hanushũ uĩbaũti rubins tashi hushinipawẽ ẽ dapush shanaii. Hawẽ beputi rubins tashiwẽ ẽ bepush shanaii. Nẽkati karuhairawẽ dasibi mĩ mae hirabi ẽ mia kenebaũshanaii.

Isaías 55:12

Nenu Babilônia anu mã Israelbu benibu ana matũ mae anu txĩtũbaini benimabaini bui matũ mai pakea anu unanuma mã hikishãkanaii. Mã haskabainaibu matu uĩtã mati matipa inũ mawa tibi matuwẽ benimai kãtaibũ ni shukuabũ matu uĩtã matuwẽri benimakĩ mekẽ paush paush akai keskai bubi bubi ishãkanikiki.

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Miquéias 4:2

Sião anua Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu mapekenũ bekãwẽ, Jacó mekenika Senhor Deus kẽwãti Templo anurã. Harishũ hawẽ pe hiwekĩ shinãti nuku yusiã ha bai keska hawẽ yusiã hãtxa txibãkĩ tapĩ nũ maputiruki”, iki ma itxai keyua maniabũ

Mateus 16:17

Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.

Lucas 24:45

ha kenenibu una hau nĩka pewanũbũ

João 16:33

Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

1 Coríntios 2:10

Nukũ Epa Deusũ nuku haska wanũbariai nũ tapĩtirubumabiakẽ hawẽ Yushĩ Pepatũ nuku tapĩmaniki. Ha hawẽ Yushĩ Pepatunã, dasibi unãkĩ Deusũ xinaĩ yubakaniri unã keyuriaikiki.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Efésios 4:21

Haskawẽ taeshũ bebũkiri Deusũ Katuakiri hawẽ kakape ẽ matu yusĩma haskai ha hiwenikiri tapĩkĩ mã nĩkaimarã, txanima Jesus anua ha besti yui kayaki.

Filipenses 4:7

Mã haska waibu Deusũ unãnuma matu hiwemakĩ haska tsuã xinãkĩ nĩkatirumawẽ Deusũ hawẽ unãnumawẽ matũ huĩti inũ matũ xinã mekekubaĩshanikiki, Jesus Cristo nĩkakĩ mã txibaĩwẽ taeshunã.

1 Tesalonicenses 4:9

Ha inũ: “Jesus matubetã ikũwaĩbu hatube abunamei hatuwẽ nuikubaĩkãwẽ”, akĩ Deusũ ibubis matu yusĩkĩ yunuima tapĩmashũ mã akai Macedônia mai pakeanushũ ikũwaĩ dasibibũ mã hatube haskaiwẽ taeshũ hawa ana betsa maewama nui abunametxakayamakũkaini beshtekeama ipakekãwẽ. Mã haskakũkainaiwẽ taeshũ ana haskakiri nũ matu keneshũtirumaki.

Hebreus 8:10

Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.

Hebreus 8:11

Hatiã ẽ hatu haska wakẽ ẽ hatũ mekenã Deus dasibibũ unãshãkanikiki, shanẽ ibuhairabu inũ hawaumabũrirã. Dasibi habũ ma ibubis ea unã keyuaibũ tsuabũra hawẽ haibuaibu inũ hawẽ betsabu ekiri hatu xinãma ishãkanikiki.

1 João 2:20

Jesus Cristo meribitũ hawenabu wakĩ ma matu pashkaniki, hawẽ Yushĩ Pepawenã. Haska dasibitũ mã ma hakiri hawẽ hãtxa txanima mã ma hayakẽ ana tsuã matu parãtirumaki.

1 João 2:27

Hakia txanima Deusũ Yushĩ Pepa Jesus Cristõ matu inãkĩ ma matu meribi wani hatũ besti hawẽ yusĩa txanima hawa matu parãma yusĩkĩ matu merabewakubainaya ha parananãmisbũ hatũ hãtxawẽ matu yusĩtirubu hayamaki. Haskawẽ taea mã ma Jesus Cristoki dasiaburã, haska Deusũ Yushĩ Pepatũ besti matu yusĩaĩ betsa wakĩ heneyamakubaĩkãwẽ.