Isaías 45:20 - Kaxinawá Bíblia (BR)

²⁰ Senhor Deusũ ana yuikĩ: “Matu habu teshewayamabu hanira mã hiwebaunabuũ, dasibi ea anu itxai bekãwẽ. Hatira hawa unãbumã hatũ hi dami yushĩ iatã shuku dakabaini habe hãtxakĩ hawa hatu meketã piskumatirumabia hamẽ yukai hãtxawãmisbuki.

Isaías 45:20 Кръстосани препратки

Salmos 115:8

Tsuabũra ha yushĩ kẽwãti dami wamisburã, habia hatũ dami keskabuki. Ha habũ hatũ dami ikũwaĩbu habiaskaribuki.

Isaías 41:21

Senhor Deus Jacó Shanẽ Ibuhairatũ yuikĩ: “Damibuũ, beshũ matũ kushipakiri ea uĩmai bekãwẽ. Hawara mã amis beshũ akĩ ea uĩmakãwẽ.

Isaías 43:9

Mae tibi anuabu inũ nawabu mã shukuakeakeaburã, hanus hatube mã itxatiruki. Haska Deusũ hawenabu merabewai kai tsuã bebũkiri unãtã yuitirubu ikimamẽ? Haska txanimamẽkaĩ, tsuãra uĩmashũ nuku bebunua txanikãwẽ, nũ nĩkanunã, haska yui kayabimẽkainã”, ikĩ

Isaías 44:10

Tsuãra mane dami wakĩ yushĩ ha kẽwãti wakĩ hanushũ haki payumis anushũ hawẽ kẽwãti deus wairã, ha huninã, hanu hamapai dayatitiãbiakẽ benumiski.

Isaías 44:9

Tsuabũra habũ yushĩ dami wamisburã, haburã, hamẽki. Ha inũ, habũ yushĩ dami watã betxipaibiamisbu, hamẽriki. Tsuabũra ha dami hamẽbiakẽ kẽwaĩburã, haburã, bekũ inũ shinaũmabuki. Haskaburã, hatu usaĩ hatuki kasheti sharaki.

Isaías 46:1

hamẽ Babilônia anuabũ yushĩ dami Bel, hawẽ kena betsa Baal inũ Nebo datei saki saki iki maĩ tĩ imiski. Babilônia anuabũ hatũ yushĩ dami iyukinã, eska wabaĩmisbuki. Hatũ inapã mabu bumisbuki haki hatũ yushĩ dami peumatã bumamisbuki. Ina hi shãkama peumabainabu hĩ imisbuki.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

Efésios 2:16

Cristo hamebi haska nuku dasi wakatsi meneirã, nũ ha shuku dabe sinatai nũ danãnanãrabei hiwemis Cristo cruzkia mawakĩ Deus nukuki sinatai nuku ha dabe daewashuniki, nũ judeubu inũ mã judeubumarã. Nuku haska wakĩ nuku yura bestitxai keska waniki.