Isaías 40:31 - Kaxinawá Bíblia (BR)

³¹ Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Isaías 40:31 Кръстосани препратки

Salmos 20:9

Senhor Deusuũ, nũ mia yukakĩ kenai nuku kemawe, nukũ shanẽ ibu kushipa inãtã nukuki sinataibu maemamakinã.

Salmos 37:34

Tsuãra Deusũ yunuti nĩkakĩ mã ashuĩ haki txiti ikarã, hatũ matu duawakĩ na mai matu ibu wamakẽ hawa keyuama mã hanu hiwepakeshanaii. Hanua ha txakabui hiwekubainaibu Deusũ hatu kupikĩ yamawai ibubis mã uĩshanaii.

Salmos 40:1

Ẽ bika teneairã, Senhor Deusũ shinã ẽ manamiski. Ẽ kashayabi yukai Senhor Deus parabeketã ea nĩkatã

Salmos 84:7

Hatũ kushipa Deus anua bi ewakubaĩkĩ ha maewã Sião Jerusalém anu uĩkĩ Deus kushipa binua uĩshãkanikiki.

Salmos 84:8

Senhor Deus kushipahaira dasibi binuatuũ, Jacó Deusuũ, ẽ mibe hãtxakĩ mia yukai ea nĩkariwe!

Êxodo 19:4

“Hawara Egito nawabu ẽ akima inũ tete peiwẽ nuyai keska kushipawẽ matu iwekĩ ẽ matu mekebirana mã uĩkubirãshinaki.

Isaías 30:15

Ha Israelĩ enabũ Deus meribitũ hatu yuikĩ: “Eanu txĩtũtã unanuma mã bashikuairã, mã piskushanaii. Ha unanuma mã hawẽ hiwei hawa dateama mã haki txiti ikairã, hanu mã hawẽ kushipaii”, ẽ matu wabia hakia matubu mã haskakatsi ikamaki.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 41:1

“Mai pakea Mediterráneo Ianẽwã kesha anu hiweabuũ, hãtxama pestã ea nĩkakãwẽ. Ana dateama huĩti kushipakãwẽ. Haska mã sinatanamemisburã, neri itxai bekãwẽ, haska ẽ matu amamiskiri nũ hãtxanũbunã.

Isaías 64:4

Nũ miki txiti ikaibu mĩ nuku merabewamis keska tsua mia keska yushĩ betsa binua hayama nũ nĩkaisma inũ nũ uĩsmaki. Mia besti mĩ Deus kayabi kushipatũ dasibibu binuaki.

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.

Lucas 18:1

hanushũ hawẽ tsumabũ Deus kuxipa yukai hau punu nukayamashanũbũ miyuiwẽ Jesusũ hatu yusĩkĩ

Romanos 8:25

Habiaskabiakẽ hawara Deusũ mae nai anu kashũ nũ uĩriama nũ hawẽ nuiama Deusũ hãtxa ikũbestiwakĩ xinã mestẽwãtã nũ manayukubainaii.

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

2 Coríntios 4:16

Hawara bika shabakabi mekĩ nũ teneai hawaira keyushanaiwẽ nuiama haska Deusũ mekekĩ niti akama nuku habe hiwemashanai uĩriamabia xinãkĩ nũ uĩkatsis ikaii, ikibi ika hunea keskarã. Ha inũ, natiã na hiweawẽ nũ hiweairã, bikaixta nũ teneai hawama keskaki, hawaira hayabiatã keyumisrã. Hakia haska hawẽ taea nũ bika teneairã, Deusũ pewẽ kupikĩ nuku benimawatxakayamashanai akũhaira bikatsi nũ manaii. Haskakẽ nukũ yura ewanai babui mawabiaya bari tibi Deusũ nukũ hiwea tibi uke meranua nuku benawakubainaya punu nukai nũ txĩtũtirubumaki.

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

Hebreus 12:1

Haskakẽ nukunabũ habu dukũtũ Deusũ yubaka hãtxa ikũwãkĩ bika betsa betsapa hatu tenemakĩ memabu habuã hatũ xinã nuku uĩmakubainishũ natiã nuku uĩkanikiki. Xinanãkãwẽ. Nuku hatũ itimaska wai inũ hamapai txakabu tibitũ nuku beshetiru henetã beamabaĩkĩ hawara pepa Deusũ nuku yubamis ha xinaĩ kuxipai dayashũkĩ heneyamakubainãkãwẽ.

Hebreus 12:3

Ha inũ, yurabu hatu merabewakĩ hatu uĩmabia habũ ikũwãkatsi ikama huni txakabubũ Jesus itxakawabu yumãbiakĩ hawẽ Epã yunuti hãtxa Jesusũ heneama ini haska keska xinãkubaĩkãwẽ, Jesus ikũwaĩ punu nukai Deusũ baiwẽ kabiai mã beshtekeyamakubaĩshanũbunã.

Apocalipse 12:14

hanu tsua hiweabumanu txai harishũ bari dabe inũ besti namakis keska Deusũ aĩbu merabewakĩ pimakubainũ, iwanã, tete ewapã pũyã damiwatã Deusũ aĩbuki tsamĩa hawẽ nuyakaini hanu hiweshanai anu pashawashanũ ikaya

Apocalipse 2:3

ẽ hãtxa heneama ea duawanũ ika ewẽ taea nuitapabiai punu nukai txĩtuãma mã txibãkubainai ẽ matu unaiĩ.

Apocalipse 4:7

ha dukũ inu ewapa betsa hawẽ yura leão keska ha katxu ina awa bake keska ha katxu betsa hunĩ besuya keska ha katxu betsa tete ewapa nuyai keska

Juízes 16:28

hui kushipawẽ Sansãonẽ Senhor Deus kenakĩ yukakĩ: “Senhor Deusuũ, ẽ mia ea akĩ yukaii. Ẽ beru ea tsekaimabu keska wakĩ ẽ hatu dasibi kupiriai ea shinãkĩ na habiatiã ea ana besti wakĩ kushipa ea inãyuwe, ẽ ma mawairã”, aka