Isaías 40:28 - Kaxinawá Bíblia (BR)

²⁸ matubunã, mã unãmamẽ? Mã nĩkaismamẽ? Nukũ Senhor Deus ikibi ini mai hirabi bawakĩ dami wanirã, harã, punu nukatiruma inũ hĩ itirumaki. Haska dasibi shinãkĩ unã keyuai tsuã nĩkakĩ tana keyutirumaki.

Isaías 40:28 Кръстосани препратки

Gênesis 21:33

Hanushũ Berseba anu hawẽ ũpash kini dapi hi betsa Abraão banatã hanua Senhor Deus hiwea ikibi ikabe hãtxakĩ kẽwanikiaki.

Jó 38:18

Mai hirabi hatishũ kesuakea hawẽ hashpa inũ hawẽ txaiparã, mĩ unaĩ? Haska ẽ mia yukakubainairã, txanima dasibi mĩ unã keyuimẽkaĩ, ea yuiwe.

Salmos 139:6

Ẽ haska hayatirumabiakẽ mĩ unanepa pehairawẽ mĩ ea “Habaa!” imakubainaii, nenumahaira ẽ hari shinãkĩ tapĩtirumawenã.

Isaías 40:21

Matubunã, haskarã, mã unãmahairamẽ? Haska yuiniburã, mã nĩkaismamẽ? Bebũkirirã, matu yuiama inibumẽ? U unu mai dami waitianã, nĩkakĩ mã unãma inimẽ?

Isaías 42:4

Hanushũ hawẽ yunuti kushipawẽ txakabu binuriama hawa huĩrukuãma inũ hawa punu nukai unãyamasama ishanikiki. Nawa shukua betsa betsapabu Ianẽwã Mediterráneo kesha anu hiweshũ ẽ tsumapã hãtxa nĩka pewashãkanikiki”, aka

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Marcos 16:14

hanua Jesus hawẽ 11 tsumabũ pi maniabuki nukua uĩ huĩti kuxikĩ Jesus besteã uĩbirã hatuki txanibiabu hawa hatu ikũwãma ibayaibũ Jesusũ hatu ha atã

Marcos 9:19

mapuabu Jesusũ hatu yuikĩ: —Ikũwaĩsbumaã, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Lucas 24:25

hanua Jesusbe hãtxai unãriabuma Jesusũ hatu yuikĩ: —Deusũ hãtxa yuishunikabũ merabenã Messias Cristokiri kenenibu unãbiakĩ unãshubira ikũ beshmas wakĩ xinã pewariama mã kaneaii.

João 14:9

—Filipeẽ, hatishũ ẽ matube hiwebiakũkainai mĩ ea unãriamamẽ? Txanima ea uĩkĩ Epa Deusri mã uĩaiĩ. Haskakĩ: “Epa Deus nuku uĩmawe”, akĩ mĩ ea yukai?

João 5:17

hatũ hãtxa nĩkatã Jesusũ hatu yuikĩ: —Ẽ Epa Deusũ hatu merabewai dayakũkaĩmiski. Eari habiaskariai ẽ dayariakũkainaii— hatu wa

Hechos 13:47

Hamẽ bebũkiri nukukiri Yavé Deusũ Isaías hãtxamakĩ yuini nĩkakãwẽ: ‘Nawa betsa betsapa txaihaira hiweakeakeabu haskai hiwekuĩtirubu mĩ hatu yusĩkubaũshanũ mia yunukĩ ẽ mia bĩ keska waii, hau mĩ hãtxa shabakabi mai hirabi anushũ nĩkashanũbunã’, akaya Isaíasĩ nĩkatã nuku keneshuniki— hatu wa

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

1 Coríntios 2:16

Na haskakiri Deusũ hãtxa yuishunika Isaíasĩ yuikĩ: “Deusũ xinã tsuã unãmahairaki. Ha inũ, tsuã Deus yusĩtirumariki”, abianikẽ nukuburã, nũ ma Cristõ xinã hayakẽ hawẽ Yushĩ Pepatũ nuku yusĩkubainikiki.

1 Coríntios 6:9

Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.

Filipenses 1:6

Eã ẽ matukiri xinãnã, haska Deusũ hawẽ daya matu anushũ taewanishũ haska abuai keska mã ikũwaĩ Jesusũ matu hiwemakubaĩkĩ niti akama matu pepa wakubaĩshanikiki, hanu Jesus Cristo txĩtũkiranaitianã.

1 Timóteo 1:17

Hanua Deus nũ uĩtirumabia ha bestitũ nuku mekei shanẽ ibuhairakũkaini niti ikama hiwemistũ dasibi damiwani heneama hau dasibibũ kẽwãkubainũbũwẽ. Haskakirã.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

1 Samuel 2:10

Naiuria kana tũ ikaĩkainai hatuki yunua tsuabura haki sinataibu Senhor Deusũ hatu yamawakubaĩmiski, mishki ture ture aka keska wakinã. Shanẽ ibu katushũ kushipa inãni ana hawẽ kushipa binumatã Senhor Deusũ mai hirabi anu hiwebaunabu hawẽ unãti watã kupikĩ keyushanikiki”, ishĩkẽ