Êxodo 12:28 - Kaxinawá Bíblia (BR)

²⁸ hanushũ haska hau hawara anũbũ Senhor Deusũ Moisés inũ Arão yuishu tapĩkĩ unãtã akaibũ

Êxodo 12:28 Кръстосани препратки

2 Samuel 5:25

hawẽ hãtxa nĩkatã habias Senhor Deusũ yunua Davĩ akĩ hawẽ detenamenikabubetã Filisteu nawabu maemakĩ hatu deteabu pashaibu Geba anua hatu detekĩ txibãkubaĩkĩ Gezer anu hatu henetani txĩtũtanibukiaki.

1 Reis 17:5

haska Senhor Deusũ yunua bari huaikiri Jordão pukebaini kai pashku Querite anu bashikua hiwei kakẽ

Êxodo 12:27

eska hatu yuiwe: ‘Egito nawabu kupikĩ hatũ huni bake iyuabu Senhor Deusũ hatu tenãkĩ Israelĩ bababũ hiwe tibi dũkeakeakebaĩkĩ nukũ shenipabu meribi waniwẽ taeshũ himiwẽ pushakĩ nukũ mekenika yushĩ Senhor Deus nũ kẽwãmiski’, akĩ na habias hãtxa ẽ matu yuishu matunabu yuiritãkãwẽ”, akĩ Moisĩ hatu yuia bushũ hatunabu itxawashũ shanẽ ibu tibitũ hatu yui keyuabu nĩkatã Israelĩ enabu dasibi Senhor Deus kẽwanũ ika beui beti iki keyushũ kẽwãtã

Êxodo 12:29

habiatiãri bebũkiri haska yuia hukĩ yamenapũ Egito nawabũ hiwe tibi anushũ hatũ huni bake iyua tibi Senhor Deusũ hatu tenã akeakebaunaya Faraó shanẽ ibũ huni bake iyua hawẽ shãtukũ shanẽ ibutiru ha dukũ mawai taeaya hanua huni bitxiti hiwe meranuatũri bake iyuabu tibi mawai keyuriaibũ hatũ inabu bene ha dukũ kaiã mawai keyurianibuki.

Êxodo 12:35

haska Moisĩ yunushina hatũ ouro mabu inũ, hatũ prata mabu inũ, haya besiti tari Egito nawabu hatu ea amabaũshina

Êxodo 14:4

Hanushũ ana Faraó ẽ nĩkaisma wakẽ patapakĩ matu ana atxinũ ishũ hawẽ detenamenikabubetã Faraónẽ matu txibãshanikiki. Matu haska waya Faraó inũ hawẽ detenamenikabu ẽ hatu yamawaiwẽ taeshũ ‘Earã, ẽ Senhor Deus emebi ẽ hiwearã’, hawenabu Egito nawabũ ea hanu unãkayabishãkanikiki”, akĩ hatu unãmashũ Senhor Deusũ hatu yunua Israelĩ enabu txĩtũbiranaibũ

Êxodo 7:10

Moisés inũ Arão Faraó anu bushũ haska Senhor Deusũ yunushina keska wakĩ Faraó inũ hawẽ merabewanika shanẽ ibubu bebũshũ hawẽ mestẽti Arãonẽ puta dami dunua dakakẽ

Êxodo 7:6

Moisĩ nĩkatã haska Senhor Deusũ dasibi yunushina Moisés inũ Arãonẽ ashũkubainibukiaki.

Deuteronômio 34:9

Hanushũ bebũkiri Josué katukĩ hawẽ mekẽ dabewẽ Moisĩ mamepishũ hawẽ unanepati kushipa Moisĩ Josué yunuimawẽ taeshũ haska Senhor Deusũ Moisés yunumaima keska wakĩ Josué hãtxa Israelĩ enabũ hari nĩkakĩ taewabainibukiaki.

Hebreus 11:28

Ha inũ, Deusũ yunua nĩkatã ikũwãkĩ Moisés hawenabu Páscoa besi hatu tates taewamakĩ misi shashama inũ txashuwã bake nami shui hatu pimakĩ txashuwã himi hiwe tibi hanu hikiti shui sheshekaiã hatu kepushmakĩ keyukẽ Deusũ nai tsuma debuwanikatũ Egitonawã huni bake iuwabu dasibi hatu debuwabiakĩ Israelbu hawa meama dũkebainikiaki.

Josué 2:21

—Peki. Haska mã yuiai hau haskashanũwẽ— hatu watã nitxĩkĩ hawẽ hiwe manaũri uĩti shui anua dispiwẽ hatu butea buaibũ hawẽ uĩti shui anu Raabẽ dispi tashipa paniwã

Josué 4:8

hawẽ hãtxa nĩkashũ haska Senhor Deusũ Josué yunushu keska wakĩ 12 mishki Hene Jordão namakisa Israelĩ enabu shukuabu tibibũ hatu bishuã hanu ushaibu anu bushũ mãtxĩtã