Deuteronômio 12:5 - Kaxinawá Bíblia (BR)

⁵ Hene kesha betsauri matunabu shukuabu tibitũ mai pakea ibuwaimabũ haratura mae Senhor Deusũ ha mae katua hanu haki nukuti tari hiwe hawẽ kena hanua kaiã anu kashũ kẽwãkĩ matũ mekenika benimawakĩ mã kẽwãkubaĩtirubuki.

Deuteronômio 12:5 Кръстосани препратки

2 Reis 18:22

Ha inũ, matũ yuikĩ: Hau nuku merabewashanũ: Nukũ mekenika Senhor Deus ha besti nũ ikũwaiĩ, akĩ mã yuitiruki. Hakia matũ mekenika kẽwãpanãbũ matunabu Ezequiasĩ nemakĩ habũ mati keyatapa anua kẽwãti meribi inũ habu inabu kuashũkĩ menuti txi tapu dasibi hawẽ dayarubu txakabuwamakĩ yamawakĩ hatu keyumabiatã hanushũ Ezequiasĩ hatu yunukĩ Judá enabũ mai pakea anu hiweshũ Jerusalém anushũ besti Senhor Deus kẽwãkĩ inabu nami inũ hawẽ sheni kuakĩ menukĩ hau keyukubaĩshanũbũ mĩ shanẽ ibu Ezequiasĩ hatu yununiki, matũ mekenika sinatamakinã.

Esdras 3:2

haska Deusũ tsuma Moisĩ yununi Senhor Deus kẽwãkĩ hakishũ inabu nami kuakĩ keyushũkubaĩti hawenabu Jozadaquẽ huni bake Jesua inũ, hawẽ betsabu hawenabu Deusbe hãtxashunikabu inũ, Sealtielĩ huni bake Zorobabel hawenabubetã dasibi habũ Israelĩ enabu mekenika Deus kẽwãti txi tapu wakĩ taewakĩ

Esdras 6:12

Jerusalém anu Senhor Deus kẽwãti hiwe hanu hawẽ kena ipakeshanai katuni akaiburã, shanẽ ibu betsã txakabuwakasmakĩ nawa betsabu pubẽkĩ txakabuwakĩ hatu bika tenemaibu Deusũ hatu kupikĩ hau hatu yamawashanũwẽ. Ea Dariõ na hãtxa eska ẽ matu yunuairã, kaneama ashũkĩ menehairashũshãkãwẽ”, anikiaki.

Esdras 7:17

Jerusalém anu matũ mekenika Deus kẽwãti hiwe anu hawẽ txi tapu anushũ hau menukĩ keyushũkubaĩshanũbũ ina awa bake inũ, txashuwã bene inũ, txashuwã bake inũ, habuyabi menuti shekiwã trigo inũ, uva vinho na peiwẽ hati bikubaĩshãwẽ, hawa mina wamarã.

Êxodo 15:2

Hakiri ẽ kãtakũkainũ ea kushipa wakĩ Senhor Deusũ ea merabewamiski. Ẽ mekenika Deus kayabiki. Haskawẽ taeshũ heneama ẽ kẽhairawakubaĩshanaii. Ẽ epã mekenika Deus iniwẽ taeshũ hakiri hãtxa pepa besti ẽ hatu yuikubaĩshanaii.

Jeremias 26:2

yuikĩ: “Templo anushũ ea kẽwaĩ Judá enabũ mai pakea hatũ mae tibi anua bemisbu hatu yuinũ ika ẽ Templo hemaĩtĩ anu ka nishũ ha hãtxa mia yuikĩ ẽ mia yunushina dasibi hatu yuitãwẽ, hawa hãtxa betsa heneamarã.

Jeremias 7:12

Ha dikabi ha mae Siló ena wakĩ katutã hanu dukũ eki nukuti tari hiwe ẽ hatu pũtemani anu hanu bushũ uĩtãkãwẽ, ẽ haska wanimẽkainã, Israelĩ enabu ha Siló mae anushũ txakabuwaibuwẽ taeshunã.

Jeremias 7:14

Haskawẽ taeshũ ha ẽ kẽwãti hiwe meribi Siló anua ẽ txakabuwani keska wakĩ matũ shenipabu inũ matubu na ẽ kẽwãti hiwe matu meribi wamatã ẽ kena ẽ netani ha mã haki txiti ikabu habiaskari wakĩ ẽ txakabuwashanaii.

Deuteronômio 12:4

“Haska hatũ yushibubu kẽwãmisbu keska txibãkĩ nukũ mekenika Senhor Deus ha itsa watã kẽwãyamashãkãwẽ.

Colosenses 2:9

Cristorã, Deusuna hasbia nukũ yura keskatã na mai anu uĩti xarai tashnikiraniki.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Apocalipse 14:1

Hanushũ ana uĩkĩ Deusũ txashuwã bake Sião mati anu ha yurabu 144.000 habe mapuabu hatibu hawẽ kena inũ hawẽ Epa Deusũ kena ha dabetũ kena hatũ betũkuki kene nea habe mapuabu ẽ uĩshu matu yuinũ nĩkakãwẽ.