2 Tesalonicenses 3:5 - Kaxinawá Bíblia (BR)

⁵ Epa Deus nukuwẽ nuimis keskai betsabube mã nuinameairã, haska Cristõ bika tenei hawẽ kuxipa babuama ini keskai maturi mã babuyamanũbũ hau nukũ Shanẽ Ibũ matu merabewakubainũwẽ.

Kashinawa : Diosun Jesúswen taexun yuba bena yiniki

⁵ Epa Dios nukuwen nuimis keskai betsabube man nuinameaidan, jaska Criston bika tenei jawen kushipa babuama ini keskai matudi man babuyamanunbun jau nukun Xanen Ibun matu medabewakubainunwen.

2 Tesalonicenses 3:5 Кръстосани препратки

Salmos 40:1

Ẽ bika teneairã, Senhor Deusũ shinã ẽ manamiski. Ẽ kashayabi yukai Senhor Deus parabeketã ea nĩkatã

Provérbios 3:6

Hawara dasibi Senhor Deusũ betxipaiai shinãkĩ mĩ akubainaya Senhor Deusũ mia tapĩmakĩ hawẽ bai pepa mia yusĩkubaĩshanikiki.

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Romanos 5:5

Haska nũ manakatiru Deus nukuwẽ nuimis nuku unãmakĩ hawẽ Yushĩ Pepa nuku inã hawẽ taeshũ Deus ikũwãkĩ txibãkubaĩkĩ haska nuku yubani manai hamẽ nũ manakamaki. Haska xarabuwẽ taeshũ hamapai bika nũ teneairã, hawẽ taeshũ Deus nũ kẽwãkubainaii.

Romanos 8:25

Habiaskabiakẽ hawara Deusũ mae nai anu kashũ nũ uĩriama nũ hawẽ nuiama Deusũ hãtxa ikũbestiwakĩ xinã mestẽwãtã nũ manayukubainaii.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

1 Coríntios 8:3

Hamẽ tsuabũra Deus abukĩ duawakĩ hawẽ yunuti akaiburã, harã, Deusũ hatu unaĩkiki.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Tesalonicenses 3:11

Haskakẽ nukũ Epa Deus inũ nukũ Shanẽ Ibu Jesusũ nuku merabewakĩ hau matu anu nuku nitxĩkĩ nuku yunushanũbũwẽ, nũ matu uĩ kanunã.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

1 Pedro 4:1

Na mai anua hawẽ yurawẽ Cristo nuitapai yumani keskai ha ini keskariakĩ matũri txibãkubaĩkãwẽ, tsuãra hawẽ yurawẽ bika betsa betsapa txakabu tibi mebiai ha txakabu Cristõ binuni mã maemariatirubukirã.

2 Pedro 3:12

Hanũ hau Deusũ yurabu kupiyunũ manama hawaira hawẽ bakekiri kakape txanikĩ yuibaũkãwẽ, hau samama hurinunã. Hanu ana manama hukinã, nai txiwẽ menuaya ha habuã tsuma txĩ menukĩ metesha niri ishanikiaki.

1 João 4:19

Deusũ dukũ nuku abukĩ taewanikẽ hawẽ taea nukuri nũ hatube abunametiruki.

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

Apocalipse 13:10

“Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.