2 Tesalonicenses 2:8 - Kaxinawá Bíblia (BR)

⁸ Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

Kashinawa : Diosun Jesúswen taexun yuba bena yiniki

⁸ Janua ja juni chakabu taxniken nukun Xanen Ibu Jesús dasibi jawen chaxa kushipaya jukidan ja juni chakabun kushipa mebinkin paismawatan jawen jaxpawen xuun akin kupikin tenanxanikiki.

2 Tesalonicenses 2:8 Кръстосани препратки

Jó 4:9

Ha yurabu haskaburã, Deus hatuki sinatahairakĩ hatu shũ akĩ Deusũ hatu yamahairawamiski.

Isaías 11:4

Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.

Mateus 13:19

Heshekiri yuiarã, Deus shanẽ ibuaikiri yusĩti hãtxaki. Ha heshe hanu kati bai anu niri akarã, yurabũ Deuskiri hãtxa nĩkakĩ xinãbiaibũ hamakiria Satanás hushũ hawẽ hãtxa pepa hatũ huĩti anua mebĩmiski.

Mateus 13:38

Bairã, mai hirabiki. Heshe peparã, habũ Deusũ hãtxa nĩkakĩ pewamisburã, habu enabuki. Hakia heshe txakaburã, habũ ẽ hãtxa nĩkama Satanásã hãtxa besti txibãmisburã, hawenabuki.

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Mateus 16:28

—Ikũ kayabi ẽ matu yuiai nĩkakãwẽ. Na habia mã ebe mapuaburã, mã betsa betsapa mawariamakẽ ẽ matũ Hutxi Kayabi Iuwa ẽ matu Shanẽ Ibui taeshunai mã uĩshanaii— nuku aniki.

2 Tesalonicenses 2:3

Ha inũ, matube hiweshũ hawara ẽ matu yusĩtanimarã, mã ma daki hakimai ikai matu ana yuinũ nĩkakãwẽ. Deus ikũwaĩbu itxapabũ Deus danaĩ txĩtuaĩbũ Jesus hushanai ma kemaya huni txakabu kuxipa bebũkiri ha dukũ hushanikiki, ha huni txakabũ iburã, hau Deusũ kupiti tenetxakayamashanũ Deusũ ma haki tanashũ pewanirã. Ha Deuski sinatamistũ Deusũ yunuti inũ hawẽ nemati danãkĩ hamapai tibi kẽwãkĩ txibaĩbu nemanũ, iwanã, hamapai dami xarabu kẽwãmisbu hatu binukĩ maematã hamebi keĩ hanua Templo Jerusalém anu tsaushũ yuikĩ: “Earã, ẽ Deuski”, ishanikiki. Haskawẽ taeshũ hau matu parãyamashanũbũ hatu hawa nĩkamayamashãkãwẽ.

1 Timóteo 6:14

Na haska tibi ẽ mia yunuai haska txibãkĩ mĩ hiwea pe mekeshũ kaneama mikiri pe hatu uĩmairakubaĩwẽ, hanu nukũ Shanẽ Ibu Jesus Cristo kuxipai huaitiã hau mikiri hawa txakabu tsuã yuiyamashanunã.

2 Timóteo 1:10

Hanushũ txanima Deusũ hawẽ nuikipa nuku unãmakinã, hawẽ bake Jesus Cristo nukũ mekenãwãkĩ mawawẽ dasibibu nũ datemis hatũ maemakĩ nuku binushuniki. Ha kakape hakiri hiwea hãtxa yuikĩ datã ati xara ana huneama wakĩ shabakã tashnimakĩ shabakabi waniki.

2 Timóteo 4:1

Epa Deus inũ Jesus Cristo ha shanẽ ibuhairai hawẽ kuxipawẽ hushũ mawabu inũ hiweabu unãti washanaitũ nuku shabakabi uĩaĩbũ ẽ mia yunutxakayamai ea nĩkairawe.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 10:27

Txĩtũtã nũ hawẽ hiwei kairã, Deus hatuki sinatakĩ hatu kupitxakayamakĩ txi merã hatu menukĩ keyushanai besti manakanikiki. Uĩrakãwẽ, mesekirã.

1 João 2:13

Epabu inũ ewabuũ, Deusũ mai damiwariama hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, Deusũ hãtxa txibãhairakĩ huĩtinĩ mestẽwãtã mã yushĩ txakabu Satanás maemaiwẽ taeshũ ẽ matu kene bumaii.

1 João 3:12

Adãonẽ bake dabe inibukiri matu ana xinãmanũ nĩkakãwẽ. Caimnẽ Satanásã xinã txibãkĩ hawẽ betsa tenãnikiaki. Haskarawẽ taeshũ animẽ? Caimnẽ hawẽ hiwea pepamakẽ hawẽ betsã Deusũ yunua aki pepaya haki sinatakĩ tenãnikiaki. Caimnẽ hawẽ betsa Abel abuama ini keskariai nukuburã, haskayamakubainãkãwẽ.

1 João 5:18

Tsuãra ikũwãkĩ Deus hawẽ Epa wai ma haki dasiarã, ana txakabu mekubaĩtiruma nũ unaiĩ, Deusũ bake Jesusũ mekekubainayarã. Ha dikabi Satanásã yunukĩ ikũwaĩbu kanematirumaki.

Apocalipse 1:16

Ha inũ, hawẽ mekẽ yusiuri sete bixi tsuma inũ, hawẽ hashpanu nupe detenameti txaipahaira kenu dabeya tukuã hayaki. Ha inũ, hawẽ besu bari keska txashakĩ shabawaki.

Apocalipse 13:5

hanushũ yuxibu sheanãtũ yuinaka mese ha kuxipa haska tibiwẽ hau kuxipanũ yuikĩ: “Hamapai hãtxa atimapai Deuskiri shetxakai 42 ushe kuxipakũkaĩwẽ”, aka

Apocalipse 19:15

Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.

Apocalipse 2:16

Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii.

Apocalipse 20:10

hanu ha iã hanu enxofre paxinipa menui here hi hi ikai anu yuinaka mese atimapahaira inũ parã hãtxa yuishunika nai tsumabũ urẽnibu anu Satanásri urẽa haria bariri inũ mexu merã niti akama Deusũ hatu isĩ tenematxakayamashanikiki, hawa huĩrukũti hayama niti ikama akibi akinã.