2 Tesalonicenses 1:9 - Kaxinawá Bíblia (BR)

⁹ Hamẽ nuku haska wamisbuwẽ taeshũ habu kupikĩ nuitapawariakĩ ikibi imakĩ hawẽ kuxipa paewẽ benukĩ inũ hawẽ txasha pepa hawẽrua hatu uĩmakatsi ikama ha bebunua txaihaira hatu putashanikiki.

Kashinawa : Diosun Jesúswen taexun yuba bena yiniki

⁹ Jamen nuku jaska wamisbuwen taexun jabu kupikin nuitapawadiakin ikibi imakin jawen kushipa paewen benukin inun jawen chaxa pepa jawendua jatu uinmakatsi ikama ja bebunua chaijaida jatu putaxanikiki.

2 Tesalonicenses 1:9 Кръстосани препратки

Gênesis 3:8

bari matsiaya mapuabũ Senhor Deus bai neki huai hawẽ bana nĩkatã bai txaka merã huneabũ

Gênesis 4:16

Senhor Deus anua Caim tashnia Éden anua bari huaikiri ka Node mai pakea betsa anu hiweshũ

Salmos 16:11

Mĩ hiwekuiã kati bai mĩ ea unãmakubainaii. Mibe nia ẽ benimahairaya mĩ ea duawakubainaii.

Salmos 51:11

Ẽ mibe nia ea pashkayamawe. Mĩ Yushĩ Pepa ea meranua ea mebĩyamawe.

Isaías 1:28

Hakia itxakanikai sinatamisbu inũ txakabubu habu ea anu beabuma hatu kupikĩ ẽ yamawashanaii. Habũ ea henebaini mawashãkanikiki.

Isaías 33:14

Sião anu huni txakabu hiweshũ txakabuwamisbu datei habu saki saki ikaibũ habu patapai txakabumisbu date paepakĩ habũ yuikĩ: “Deusũ txiwẽ nuku kupikĩ yamawai inũ hawẽ txi nukaisma ikibi ikanurã, nukuburã, tsuabu nũ hari hiwetirubumẽ?” ikaibũ

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Mateus 22:13

hanushũ shanẽ ibũ ha habũ hatu piti inaĩbu hatu yuikĩ: “Na huni txakabu huneshkĩ meneshtã bukĩ hanu mexuhaira merã urẽtãkãwẽ, hau hari hiwea bika tenei kashai sheta yẽsh yẽsh ashanunã”, hatu waniki.

Mateus 24:30

nai anua haskai yurabũ uĩ mai hirabi anua datehairai kashai keyubaunaibũ ẽ matũ Hutxi Kayabi Iuwa shanẽ ibui kuxipahairai txashahaira nai anua nai kuĩ meranua ẽ huai uĩaĩbũ

Mateus 25:41

hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Mateus 26:24

Haska ekiri kenenibu txibaĩ matũ Hutxi Kayabi Iuwa ẽ haskai mawai kaii. Hakia ha hunĩ ea hatu atximai kairã, pemahairaki! Haskakẽ ha huni kaĩyãma inirã, pepakeanaii— nuku waya

Mateus 7:23

hatu yuikĩ: “Parananaĩ txanitxakakĩ mã txakabuwamiski. Mã enabumaki. Turi burikãwẽ”, ẽ hatu washanaii— itã

Lucas 13:27

hanushũ matu yuikĩ: “Mã enabumaki. Mã hania ikimẽkaĩ? Ẽ ma matu yuishuki. Txakabuwakĩ matũ xinã mã betsa waismaki. Nenua burikãwẽ”, ẽ matu washanaii.

João 5:14

txipu Jesus Templo hemaĩtĩ anu haki ana nukushũ yuikĩ: —Uĩwẽ, ikis ẽ ma mia shushawashuki. Haskakẽ txakabu xinãkĩ Deusũ hãtxa ana kaneyamashãwẽ, mĩ ana hamapai betsa kaneairã, hawara txakabuhairawẽ mĩ ana pikutirukirã— aka

Filipenses 3:19

Ha yurabu haskaburã, nukũ Deuskiri xinãma habũ deusrã, pikekĩ pi bestimisburã, ha inũ, hawẽ kẽmisburã, yurabu hawẽ dakebiaibũ habu dakeama hamapai txakabu na mai anua besti xinãkĩ abukĩ akubaĩmisbu hanu bari hawẽ heneaitiã habu benunũbarikanikiki, Deusũ hatu kupiarã.

1 Tesalonicenses 5:3

Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.

2 Tesalonicenses 2:8

Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 10:29

Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.

2 Pedro 2:17

Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.

Judas 1:13

Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya

Apocalipse 20:14

hatũ hatu mawamanika inũ hanu mawabu bumisbu anu ha iã hanu menui here hi hi ikai anu hau dabeki mawakĩ menunũbũ hatu urẽa

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.