2 Reis 2:4 - Kaxinawá Bíblia (BR)

⁴ hanushũ Eliasĩ Eliseu ana yuikĩ: —Jericó anu Senhor Deusũ ea hari yunuaiwẽ taea na habianu bashikuyuwe— aka hawa nĩkama Eliseũ kemakĩ ana yuikĩ: —Senhor Deus hiwea inũ mĩ hiweawẽ taeshũ ẽ mia yubaii. Mimesti mĩ kai ẽ mia heneamaki— atã Jericó anu ha dabe ana buaibũ

2 Reis 2:4 Кръстосани препратки

1 Reis 16:34

Acabe shanẽ ibuaitiã huni betsa Betel anua kaini hawẽ kena Hielĩ maewã sheni Jericó ana benawanikiaki. Hielĩ mae kenebaunũ, iwanã, hatu mai pukĩmaya hawẽ huni bake iyua dukũ Abirão mawai taenikiaki. Txipu hawẽ mishki benibaũkĩ keyutã hawẽ henekĩ hawẽ hikiti shui beputi hatu netãmanũ, iwanã, Hielĩ hatu yunuaya habiatiãri hawẽ bake mashkuri Segube mawanikiaki, haska Numnẽ bake Josué Senhor Deusũ bebũkiri yupumakĩ yuimakĩ tsuãra Jericó bena waitianã, hatũ huni bake dabe mawashanikiki, ani txanima haskanikiaki. Hawẽ bakebu haskabiaya atimas Jericó bena wakĩ Hielĩ hatu keyumanikiaki.

2 Reis 2:2

Eliasĩ Eliseu yuikĩ: —Betel anu Senhor Deusũ ea hari yunuaiwẽ taea na habianu bashikuyuwe— aka hakia Eliseũ kemakĩ yuikĩ: —Senhor Deus hiwea inũ mĩ hiweawẽ taeshũ ẽ mia yubaii. Mimesti mĩ kai ẽ mia heneamaki— aka hanua ha dabe Betel anu buaibũ

2 Reis 4:30

hakia ha bakeishtã ewã Eliseu yuikĩ: —Senhor Deus hiwea inũ mĩ hiweawẽ taeshũ miauma nenua ẽ kamaki, iwanã, ẽ mia yubaii. Ea nĩkawe— aka haska wa nĩkatã Eliseu aĩbube kaya

Lucas 19:1

hanua Jericó baiwẽ Jesus hikikaini mae kapukekainaya

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Josué 6:1

Israelĩ enabuki datekĩ nemanũ ishũ habu tsua kaĩtirubumawakĩ inũ Israelĩ enabu hikitirumawakĩ Jericó mishki kene keyatapakauna hawẽ hikiti shui tibi bepukĩ mestẽwãkĩ keyuabũ

Josué 6:26

Jericó hatu kuamakĩ keyutã yupu hãtxawẽ Josué hatu yuikĩ: “Uĩrakãwẽ. Na maewã Jericó haratura shanẽ ibũ ana mae bena wakĩ beniai Senhor Deusũ yupushanikiki. Mishki kenebaũkĩ taewaya kupikĩ hawẽ huni bake iyua tenãshanikiki. Hanu hikiti shui bebuti waya hawẽ huni bake hawẽ henea tenãriashanikiki”, akĩ nemakĩ hatu unãmanikiaki.

Rute 1:16

nĩkamas Rute kemakĩ yuikĩ: —Mia dapashkakĩ ẽ mia henebaĩtanũ ana ea yunuyamawe. Mĩ hanu kai anu ẽ mibe kaii. Hanu mĩ hiweai anu ẽ mibe hiweriashanaii. Minabu enaburi ishanikiki. Mĩ mekenika Deusrã, ẽ Deus iriashanikiki.

1 Samuel 1:26

Anã Eli yuikĩ: —Ẽ Shanẽ ibuũ, bari betsatiã mĩ uiãyã ẽ eskayama mia yuinũ nĩkawe. Txanima mia dapishũ ea aĩbũ ẽ kesha bestiwẽ Senhor Deus ẽ ea akĩ yukahairai uĩkĩ ẽ paeã keska mĩ ea yuiyamarã, ẽ eaki.