2 Coríntios 8:10 - Kaxinawá Bíblia (BR)

¹⁰ Haska inũ, na haska merabenãtikirirã, eã haska ẽ matukiri xinaĩ matu yuinũ ea nĩkakãwẽ. Hatu merabewakatsis ikĩ bari betsatiã matũ pei itxawakĩ taewakĩ benimayabi mã ayamaki.

Kashinawa : Diosun Jesúswen taexun yuba bena yiniki

¹⁰ Jaska inun, na jaska medabenantikididan, ean jaska en matukidi shinain matu yuinun ea ninkakanwen. Jatu medabewakatsis ikin badi betsatian matun pei ichawakin taewakin benimayabi man ayamaki.

2 Coríntios 8:10 Кръстосани препратки

Provérbios 19:17

Nuitapaibu merabewakĩ hau hawẽ dayanũ mã hatu pei inãyumisrã, Senhor Deus mã inãyua keskaki. Nuitapai pewaima keska wakĩ Senhor Deusũ manakukĩ ana inãshanikiki.

Mateus 10:42

Ha inũ, eki txiti iki beshmasbiabũ hatu ũpash matsipa yukabu ea txibãmisbuwẽ taeshũ hatuwẽ nuikĩ ũpash hatu amakubaĩmisbu ikũ hawẽ kupiti pepa bishãkanikiki— nuku aniki.

João 11:50

Nukunabu hau pashkai sa iyamashanũbũ huni bestitxai nukunabu mawashunaya mã pepakũkaĩshanai mã haska xinãmaki— hatu wanikiaki.

João 16:7

Hakia ikũkĩ ẽ matu yuiai nĩkakãwẽ. Ẽ matu kashũamakenã, Mekenã Bena matu anu hutirumaki. Hakia kashũ Mekenã Bena matu anu ẽ yunushanaii. Haskawẽ taea ẽ kayarã, maturã, mã pepakũkaĩshanaii.

João 18:14

bebũkiri judeubu hatu yuikĩ: “Nukunabu hau pashkai sa iyamashanũbũ huni bestitxai nukunabu mawashunaya mã pepakũkaĩshanaii”, akĩ hatu yuimanurã,

1 Coríntios 10:23

Tsuãra hamapai tibi atirurã, tsuã hatu nemamaki. Haskarã, txanimaki. Haskabia nuku merabewatirumaki. Haska xaraburã, ẽ heneaii. Dasibi tsuã nuku nemama nũ atirubia ikũwaĩbu dasibi merabewamarã, heneriatiki.

1 Coríntios 16:2

Matu anu ẽ kariama ea manama domingo tibi matũ dayawẽ mã pei biai itxapa mã biaitũ pei itxapa aruaya eskarabes mã biaitũ pei eskarabes arukĩ ea manakãwẽ. Mã ma itxawaxĩkẽ

1 Coríntios 6:12

Hawara Deusũ nema keyuama ini ẽ atirubia hawãra merabewakĩ ẽ huĩti ea kuxipa wama ẽ heneaii. Hawara Deusũ nemama ẽ atirubia hawãra ea beyawatã ea yabutirurã, ẽ heneriaii. Jesusũ ea yunua besti ẽ ashũkubaĩkatsis ikaii.

1 Coríntios 7:25

Hamẽ betsarã, beneyariabumakiri mã ea yukaima haskakiri nukũ Shanẽ Ibũ ea yunuamabia ewẽ dabanã ikĩ ea duawa hawẽ kuxipawẽ yununikai ẽ txĩtuãmawẽ taeshũ matukiri haska ẽ xinaĩ matu yusĩnũ nĩkairakãwẽ.

1 Coríntios 7:40

Hamẽ aĩbu hawẽ bene mawakẽ ana bene betsa bikatsi ikama ikũwã besti benimai hiwetiruki. Haska Deusũ Yushĩ Pepatũ ea xinãmaya haska xinãkĩ ẽ matu yusĩaiĩ.

2 Coríntios 12:1

Nama keskawẽ hawara nukũ Shanẽ Ibũ ea uĩmani ẽ matuki txani haskawẽ ẽ kẽtirumabia ekiri matu unãmahairakatsis ikĩ hawara nukũ Shanẽ Ibuã ea shabakabi unãmani ẽ matu yuiai nĩkairakãwẽ.

2 Coríntios 8:6

Haskakẽ pei itxawakĩ Macedônia mai pakea anu itxamisbu anushũ Titõ hatu taewamaima keska wakĩ matu anu kashũri hau matũ merabewati pepa mã itxawaxina hau matu itxawamakĩ pewai kashanũ Tito nũ haska yunuxinaki.

2 Coríntios 8:8

Haska matu yuikĩ ẽ matu yunuti mese washunamaki. Hakia Macedônia anuabũ hatu ashuĩmabu keska wakĩ Jerusalém anua nuitapaibu ikũwaĩbuwẽ maturi mã nuiai shabakabi dasibibu mã uĩmatirubuki, iwanã, ẽ matu haska xinãmaii.

Filipenses 4:17

Haskakẽ pei ẽ matu ea akamabia mã ea merabewamiswẽ taeshũ matũ pepa Deusũ hau matukiri ana xinãshanũ haska ẽ matukiri xinaiĩ.

Hebreus 13:16

Ha inũ, Deus xinã txãkãwanũ, iwanã, ana matũ hamapaiwẽ nuiama pepakĩ ikũwaĩ betsabuwẽ nuikĩ hatu merabewai hawara mã haya itxapa kasmai eskarabes pashkashũ yauxiama hatu inãkĩ heneyamakubaĩkãwẽ, haska wakĩ Deus xinã txãkãwãkinã.