1 Timóteo 2:4 - Kaxinawá Bíblia (BR)

⁴ Hatunã, hakiri hawẽ kakape txanima dasibibũ unãkĩ hau ikũwaĩ mekeshanũbũ Deusũ abuikiki.

Kashinawa : Diosun Jesúswen taexun yuba bena yiniki

⁴ Jatunan, jakidi jawen kakape chanima dasibibun unankin jau ikunwain mekexanunbun Diosun bechipaikiki.

1 Timóteo 2:4 Кръстосани препратки

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Isaías 55:1

“Tsuabũra mã ũpash manuaiburã, ea anu beshũ akãwẽ. Tsuabura mã pei hayamabia bekãwẽ, hawa pakama shekiwã trigo inũ, uva vinho inũ, awa txutxu bi beirã.

Ezequiel 18:23

Hunibu txakabu hatũ txakabuwẽ mawaibu ẽ betxipaiamaki. Hakia shinã betsa wakĩ hatũ txakabu henetã hiweaibu ẽ kupitiwẽ hawa dateama hau hiwekubaĩshanũbũ ẽ betxipaimiski. Ea Senhor Deusũ ẽ hãtxa txanimawẽ ẽ mestẽwaiĩ.

Habacuque 2:14

Ha haskaitianã, mai hirabi anu hiwebaunabu dasibibũ Senhor Deusũ kushipakiri unãshãkanikiki, ianẽwã matai dasibibũ uĩmisbu keskairã.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Marcos 16:15

hatu yunukĩ: —Mai hirabi anu bukĩ Deusũ kakape ekiri dasibibu hatu yusĩkubaĩshãkãwẽ.

Lucas 1:77

hau hawenabũ hatũ txakabuwẽ taea Deuski mesekĩ hatũ xinã txakabu henetã Deus buamatã hau meketi hiwea hatu inãshanunã.

Lucas 14:23

“Ẽ hiwe anu hau itxai teshke iki benũbũ nukũ mae dapi hiweabu daya hayabiabũ hatu bikawakĩ hatu ea ishũtãwẽ, hau piyui benũbunã.

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 17:17

Mĩ hãtxa txanima kayabiki. Ha txanima hãtxawẽ mĩ meribiki. Mĩ hãtxa haskawẽ taeshũ hatu meribi wawe, habũ mĩ hãtxa txanima txibãshanaiburã.

João 6:37

Hakia ea yununitũ xinãnẽ aki ẽ huniki, emebi ẽ xinãnẽ aki huamarã. Haskakẽ tsuabura katushũ Epa Deusũ ea anu hatu peshukĩ ekiri yunua ikũwãkĩ ea haibuwakubaĩshãkanikiki. Ha inũ, ea ikũwaĩbu ẽ hatu danãtaskama ishanaii.

1 Timóteo 4:10

Haskawẽ taea dayakĩ Deus hiweatũ yura betsa betsapabu merabewakatsis ibiaya tsuabũra hawẽ bake Jesus Cristo ikũwaĩbu besti hatu mekekubaĩshanaiwẽ taea nũ habe hiweshanai manakakĩ habias hawẽ hãtxa nũ yusĩayã nuku itxakawabiabu hatu ikũwãmanũ ika nũ dayakũkainaii.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

2 Timóteo 3:7

Habũ hawarakiri tapĩbiakubaĩkĩ hawa txanima hãtxa shabakabi nĩka pewatirubumaki.

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

Tito 2:11

Deusũ yurabu mai hirabi anua hawẽ duapawẽ hawẽ pashati Jesus Cristo hatu unãmakĩ bitirubu inũ biturubuma hatu shabakabi tashnimashuniki.

Hebreus 10:26

Ma Jesus Cristokiri unãti wakĩ txanima tapĩbiatã haratubũra hawa xinã betsa maewama ana nukũmebi txakabu mei atimapai huĩti kuxikĩ nũ akaiburã, ana hawa betsawẽ Deus daewati nũ hayamahairakiaki.

Santiago 3:14

Hakia matubu betsa unãnepakatsis ibiai yura betsabu tibi hawara haya mĩ mia haskatiruma xinaĩ matũ huĩtinĩ pubẽkĩ hatu pashkanũ ika shanẽ ibunũ ikĩ haska Deusũ abumis txanima mã hayamabia haska bestiwẽ mã kẽkubaĩkanaii.

2 Pedro 3:9

Hanu Jesus huti wani ma binuaya habũ xinãtxakai hãtxamisburã, eskaki, xinãkãwẽ. Nukũ Shanẽ Iburã, matuwẽ taearã, hĩ hĩ ikamaki. Dasibibu Deuskiri xinã betsatã hau benui mawa kayabi iyamashanũbũ tenetã matu manakai ikũkainikiki.

2 João 1:1

Earã, mekenikatũ ẽ matu hãtxa bumai uĩrakãwẽ. Deusũ matu katua hawẽ hãtxa nĩkai mã itxamisbu ẽ matu abuaii, eã bestimarã. Hakia dasibi habũ Deusũ kaka pepa txanima unãkĩ ikũwaĩbũ matu aburiakanikiki.

Apocalipse 14:6

Hanua ana betsa tashniai ẽ uĩayã nai tsuma betsa nai natukanu nayakaũkĩ Deusũ hãtxa kakape bunikatũ mai anu hiwebaunabu nawã mai pakea tibi anu inũ, yurabu shukuabu tibi anu inũ, hãtxa tibiyabu anu inũ, mae tibi anu hiwebaunabu hãtxa ikibi ika hatu yuinũ ika