1 Timóteo 2:10 - Kaxinawá Bíblia (BR)

¹⁰ Hakia aĩbuaibũ Deus ikũwaĩ benimawakinã, haska abuai nishũ dayashũkĩ hatu merabewakĩ pepa besti aki hawẽ dauwa itsai hau duapakubainũbũwẽ.

Kashinawa : Diosun Jesúswen taexun yuba bena yiniki

¹⁰ Jakia ainbuaibun Dios ikunwain benimawakinan, jaska bechipaiai nixun dayaxunkin jatu medabewakin pepa besti aki jawen daua itsai jau jawenduakubainunbunwen.

1 Timóteo 2:10 Кръстосани препратки

Provérbios 31:25

Batxi pepa sawea keska wakĩ kushipa inũ shinã pepawẽ shinaĩ meshukiri hawara ishanai shinaĩ hawẽ nuikũkaĩsmaki.

Provérbios 31:31

Aĩbu pepa dayakapabu mae anu itxashũ yura dasibibũ hau kẽwãkubainũbũwẽ, haska hatu ashũkubaĩmis shinãkĩ yuikinã.

Hechos 9:36

Ha bari haskaitiã mae betsa txaima Jope anushũ aĩbu betsã Jesus ikũwaĩ hawẽ kena Tabita, Grego hãtxawẽ hawẽ kena Dorcasrã, aĩbu duapatũ hawauma nuitapaibu hatuwẽ dabanã ikĩ hatu merabewakubaĩmis

Hechos 9:39

hanua Pedro iyuabu hatube kai hikitanaya hanua Pedro ana uke merã iyukĩ hanu yura mawa datãbu anu hikimaibũ ha aĩbu beneuma nuitapaibũ keshebauna kashakĩ Dorcas hiweshũ hatu batxi washũmis Pedro uĩmai ana kashatxakayamaibũ

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

1 Timóteo 2:11

Hanushũ Deusũ hãtxa yuiaibu anu buarã, hau pes bestishũ yusĩaĩbu hau hatu nĩkakubainũbũwẽ.

1 Timóteo 2:9

Ha inũ, habiaskariai aĩbuaibũ ikũwaĩ mapuarã, hawẽruashũ hunibu kemumama inũ hatũ yuraki batxi hawẽ kemumati hatu xinãmakĩ hau saweyamanũbũwẽ. Bu txũpia inũ mane itxapa inũ batxi karuhaira haska bestiwẽ hau hawẽruayamakubainũbũwẽ.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

2 Pedro 3:11

Haska dasibi Deusũ yamawashanai mã unaĩwẽ taea natiã mã hiweyuarã, haska Deusũ abuai keska aki meribi pepai hiwepakekãwẽ.

Apocalipse 2:19

Haska matũ xinã pepa hayashũ ea txibaĩ mã hiwekũkainai ẽ unaiĩ. Haskakẽ nuinamekĩ ea ikũwaĩ txĩtuãma ea txibãkĩ ea duawanũ, iwanã, hamapai betsa betsapa pepa mã akĩ taewani mã binumai ẽ unãriaii.