1 Tesalonicenses 5:6 - Kaxinawá Bíblia (BR)

⁶ Nũ haskawẽ taearã, yura betsabu hawa unãma ushamisbu keskama txikixyamakubainãkãwẽ. Hakia ibubis mekekĩ pe besti xinãkĩ haska Jesusũ mia abuai keskai txibãkĩ manakubaĩkãwẽ.

Kashinawa : Diosun Jesúswen taexun yuba bena yiniki

⁶ Nun jaskawen taeadan, yuda betsabu jawa unanma uxamisbu keskama chikishyamakubainankanwen. Jakia ibubis mekekin pe besti shinankin jaska Jesúsun mia bechipaiai keskai chibankin manakubainkanwen.

1 Tesalonicenses 5:6 Кръстосани препратки

Provérbios 19:15

Tsuara txikish usha besti shinaĩ usha bestikũkaĩmisrã, dayamawẽ taea buni tenekubaĩshanikiki.

Jonas 1:6

hanushũ shashu bunikabũ shanẽ ibu Jonas anu kashũ bestẽwãtã yuikĩ: —Miarã, haskai mĩ hanu hua dakamẽ, ushabuũ? Benitã hau nuku merabewakĩ mekenũ mĩ mekenika yushĩ nuku yukashũwẽ. Nukuwẽ nuitirumẽkaĩ, nũ hasayamanunã— aka

Mateus 13:25

dasibi ushabũ hanua haki sinatamis hushũ heshe txakabu habe husikĩ sa abaĩkẽ

Mateus 24:42

Haskakẽ hatiãra ẽ ana hushanai mã unãmabia hawa txikixama ea manakakĩ heneyamashãkãwẽ.

Mateus 25:13

—Na miyuirã, haska mã nĩkashumẽ? Ẽ matũ Hutxi Kayabi Iuwa hatiãra ẽ ana hushanai tsuã mã unãmawẽ taea tsuara ebe hiwekatsi iki unãnepai hawa txikixama pepakũkaini Deusbe hãtxakĩ ea manakĩ uĩrakubaĩshãkãwẽ— nuku watã

Mateus 25:5

hanu ha huni hatuki nukuti waxina binuaya manatxakayamaxinaibũ ha txipax mekẽ dabeti ushabũ

Mateus 26:38

hatu yuikĩ: —Ẽ yurawẽ mawakĩ ẽ matu shunũbaĩshanai xinaĩ ẽ punu nukahairaki. Na habianushũ ushama ea manakãwẽ— hatu wabaini

Marcos 13:37

ẽ matu yuiai hakimama uĩrakubaĩshãkãwẽ, habiaskariai dasibibuki ẽ hatuki txaniriairã— hatu anikiaki.

Lucas 12:37

Hanũkaĩ hatiã huimẽkainã? yamenapũ kasmai takara keui taeaya kasmai hiwe ibu hukĩ hawẽ tsuma ushabuma betxituxiaya hawẽ tsumabu benimahairashãkanikiki. Hanushũ hiwe ibũ hawẽ tsumabu duawakĩ hau habetã pinũbũ hatu bashti imatã hatu pimashanikiki.

Lucas 12:39

Ha inũ, hatiara yumetsu huai bebũkiri unãkĩ hiwe ibũ beshtekatsi manatiruki, hau hikiyamanunã.

Lucas 21:36

Hamẽ matunã, ẽ hãtxa txibãkĩ heneama Deusbe bari tibi hãtxakubaĩshãkãwẽ. Haska mese tibi tashnishanai binutã mã ma pewẽ taea hanu matũ Hutxi Kayabi Iuwa ẽ matuki nukuaitiã ea bebũ mã mapushãkanaii— hatu wanikiaki.

Lucas 22:46

Jesusũ hatu yuikĩ: —Haskai mã ushamẽ? Bestẽtã txakabu huaya mã kaneyamanũ Deusbe hãtxakĩ hau matu merabewanũ yukakãwẽ— hatu wai

Hechos 20:31

Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.

1 Coríntios 15:34

Matu dakewanũ, iwanã, na haska ẽ matu yuaii. Yurabu Deusũ bestẽwãshanai betsabũ ikũwãma kanekanikiki. Matubu niti itã hatũ hãtxa ana nĩkai txakabuwama matũ xinã bestẽwãtã pe besti Deuskiri xinãkubaĩkãwẽ.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Efésios 5:14

Haskakẽ haska xinã betsa watirubu xinãkĩ Deuskiri nawati yuikĩ: “Txakabũ matu tsumarã, mepamarikãwẽ. Mã mawabiani hanũ beniribirãkãwẽ. Matũ txakabu mã heneaya Messias Cristõ hawẽ txashawẽ matu yusĩkĩ matu unãmashanikiki”, ikaki.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Filipenses 4:5

Hau dasibibũ matu unãnũbũ ikũwaĩ pepabu ikubaĩkãwẽ, ma nukũ Shanẽ Ibu hua kemaikikirã.

Colosenses 4:2

Mã Cristo txibaĩbunã, hawara betsakiri mã xinaĩ Deusbe hãtxakinã, hawa txikixkĩ heneama apakekãwẽ, haskawẽ taeshũ Deusũ matu ashuã uĩkĩ kẽwaĩ: “Peki”, ikũkainirã.

1 Tesalonicenses 4:13

Ẽ betsabu inũ ẽ puibuũ, Jesus ikũwaĩ betsa mawaya mã punu nukayamashanũbũ matu yusĩnũ ea nĩkakãwẽ. Jesus ikũwaĩ mawai habũ Jesus ikũwãma keskabumaki. Haskawẽ taea kashai bis itxakayamai: “Ana hiweamaki”, iwanã, xinãkĩ yuiyamakubaĩkãwẽ.

1 Tesalonicenses 5:8

Hakia nukuburã, nũ ma mexua anua shabaki tashnia keskabu nũ ikũwãkĩ pewakubaĩmiswẽ taea nukũ Shanẽ Ibu ana hushanai hawa hakimama manakubainãkãwẽ. Nũ habubetã ikũwaĩ betsabube duapai abunamei merabenãkĩ nukũ Epa Deus ha bestiki txiti ikubainãkãwẽ. Nũ haskaiburã, Romano soldadobũ hawẽ yura hunenũ, iwanã, mane tari manãkiria sawemis keskai hawaki dateama nũ pe mekea hiwetirubuki. Haskai hawa dateama nukũ Shanẽ Ibu manakĩ hatũ besti nuku mekeshanai nũ manaii. Haskakĩ hau soldadobu tsuã hatu deteyamanũbũ hatũ bushka mekekĩ hunekĩ mane maiti sawemisbu keskai nukuri dateama pe mekea nũ hiwetirubuki.

1 Timóteo 2:15

Hakia aĩbuaibũ Jesus Cristo ikũwaĩ pe hiwei betsabuwẽ nui duanamekĩ haska Deusũ abuai ashuĩ meribikĩ txibãkubainaiburã, tsuãra bake bitã hatuwẽ nuikĩ pe yumewakubaĩmisburã, Deusũ ha aĩbuaibu mekekubaĩshanikiki.

1 Timóteo 2:9

Ha inũ, habiaskariai aĩbuaibũ ikũwaĩ mapuarã, hawẽruashũ hunibu kemumama inũ hatũ yuraki batxi hawẽ kemumati hatu xinãmakĩ hau saweyamanũbũwẽ. Bu txũpia inũ mane itxapa inũ batxi karuhaira haska bestiwẽ hau hawẽruayamakubainũbũwẽ.

1 Timóteo 3:11

Habiaskari wakĩ aĩbuaiburi merabewanika katukatsis ikinã, hakiri pe xinaĩ haki kasheisbuma inũ, hatũ txani tuekĩ hatu nĩkamaisma inũ, patapai kasheisbuma inũ, dasibi hawẽ pepa hatu uĩmakubaĩmisrã, haska keskabu besti akubaĩkãwẽ, katukinã.

1 Timóteo 3:2

Na eska yunua daya birã, hau eska tibi ikubainũbũwẽ. Duapa hakiri txakabu yuisbuma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ hãtxa kayabi binumakĩ kaneama pe xinãkĩ akubaĩmisbu inũ, haki kasheisbuma inũ, bai mapuabu hatu itã hatu ushãmisbu inũ, yusĩnanaĩ pekũkaĩmisbu itirubuki.

2 Timóteo 4:5

Hamẽ mia ikirã, dasibi mĩ xinãnẽ mekei pekĩ bika tenebiai Jesus Cristokiri kakape datã akĩ hatu yuikĩ daya pepa ẽ mia yunubainai xinã betsa wama hatu yusĩkubaĩshãwẽ.

Tito 2:12

Haska Deus nukuwẽ nuikĩ pashati nuku unãmakĩ yusĩaĩnã, hawẽ txakabu atimapa tibi inũ hawẽ kemuti tibi na mai anushũ nũ amis hawẽ kuxipa pepawẽ nũ txitetirubuki, natiã hiwea bena bestiwẽ hiwekatsis ikĩ hawa ana xinã txakabuwẽ xinãma pe besti akĩ haska Deusũ nuku hiwemakatsi ikai hawẽ pepati akirã.

Tito 2:6

Ha huni ewabu inũ berunãbu hau hatũ xinã pe mekekubainũbũ

1 Pedro 1:13

Jesus Cristo mã ikũwaĩwẽ taea ana tatimama dasibi matũ xinã mestẽwãtã haskaki txiti itã dateyamakubaĩkãwẽ. Jesus Cristo ana hushanai manakakĩ Deusũ hawẽ pepawẽ matu duawashanai ikũwãkĩ haskakiri besti manayukubaĩkãwẽ.

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

1 Pedro 5:8

Inu keneya pĩtsikĩ yuinaka atxitã pinũ ika benabauni pubeĩ hãsh hãsh iki tekerẽ tekerẽ imis keskakĩ diabo Satanásã matu beparãtã matu maemanũ ishũ benakubaũriaikiki. Haskawẽ taea ibubis pe mekekĩ hamapai txakabu ana meama hanũ bestẽtã uĩrakubaĩkãwẽ.

Apocalipse 16:15

Haskai ẽ uĩayã Jesus hãtxai: “Uĩa. Ea ana matu anu kairã, ẽ yumetsu kai keskakaĩshanaii, tsuã haska ana xinãmakenã. Habu mã benimashanaiburã, usha keskama bestẽshũ mĩ hiwea mĩ tari mĩ meke pewa keska ishãkãwẽ, hawa mĩ tari pekatã nia keskamarã, matũ yura tariuma nia hawẽ mã daketiru keska iyamakãshunã”, ea waya

Apocalipse 3:2

Hanua haska Deusũ matu xinãmakĩ hawẽ hãtxa matu txibãmakatsis ikai txibãkĩ mã keyuriamahaira unãkĩ matu yununũ nĩkakãwẽ. Ẽ hãtxa unãhairabiakĩ mã akĩ pewamaki. Ana txibãma mã hakimakĩ mã ma heneaii, mawai keskairã. Mã tsuabura haskarã, usha besteĩ keskatã matũ huĩtinĩ xinã mestẽwãtã ana ẽ Deus txibãhairakubaĩkãwẽ.