1 Tesalonicenses 4:6 - Kaxinawá Bíblia (BR)

⁶ Hanushũ bebũkiri nemakĩ haska nũ matu yuima ana nĩkairakãwẽ. Tsuabũra huni betsa parãkĩ hawẽ aĩ mekĩ hatu itxakawaibu Deusũ hatu kupishanikiki.

Kashinawa : Diosun Jesúswen taexun yuba bena yiniki

⁶ Januxun bebunkidi nemakin jaska nun matu yuima ana ninkaidakanwen. Tsuabunda juni betsa padankin jawen ain mekin jatu ichakawaibu Diosun jatu kupixanikiki.

1 Tesalonicenses 4:6 Кръстосани препратки

Êxodo 20:15

Ha inũ, betsarã, yura betsabũ hamapai tibi biaĩ yumetsutaskayamashãkãwẽ.

Êxodo 20:17

Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã”, akĩ Senhor Deusũ hawẽ hãtxa hatu yuia

Provérbios 11:1

Hawẽ balançawẽ tana pewamarã, Senhor Deusũ danãkĩ betxipaismaki. Hamẽ hawẽ balançawẽ tana pewamisrã, Senhor Deusũ betxipaimiski.

Provérbios 16:11

Hau hatu parãyamashanũbũ hawẽ shãkama unãti inũ hawẽ txaipa tanati tibi Senhor Deusũ hawẽ hatu unãti wakatsi hatu dami wamaniki. Hamapai tanati pepa hatu yunubiani hawẽ yumetsukĩ hatu benukubaĩmisbu hatu kupishanikiki.

Provérbios 20:14

Huni betsã mabu bikĩ hawẽ karu maikiri shekamanũ, iwanã, yuikĩ: “Mĩ mabu pema duakabiki”, tsuara ikaiwẽ taeshũ hawẽ karu maikiri shekashuna biãtã benimabaĩmisbuki.

Provérbios 20:23

Hawẽ shãkama unãti pemawẽ tanakĩ hatu paraĩbu ha shãkama unãti txakabu hawẽ dayaibu Senhor Deusũ hatu betxipaiama danãhairamiski.

Isaías 5:7

Na uva baikiri miyuirã, Senhor Deus dasibi kushipahairatũ habu betxipaikĩ uva bai banayama keskarã, Israel hiweabu hatũ mai pakea inũ Judá enabũ mai pakeaki. Hanushũ hawẽ yunuti inũ hawẽ nematiki mesekĩ hau txibãkubaĩshanũbũ Senhor Deusũ hatu manabiaya habu anurã, sinatai inũ detenameaibu besti hayaki. Ha inũ, hawẽ yunuti kushipa pepa katuaibu hatu manabia haska hiweama hatu nuitapawaibu isĩ tenei biski ikaibu ẽ nĩka bestikubainaii.

Miquéias 2:2

Hatũ yunu bai pepa ibuyabiakẽ hawẽ kemukĩ biãkĩ mã hatu mebĩmisbuki. Hatũ hiwe pepa anu ibu hiwebiakẽ kemukĩ biaĩ mã yumetsumisbuki. Baiya hatũ bake heneshũbaĩshanaibu ha yurabu hawenabuyabis hatu itxakawakĩ mã hatu nuitapawamisbuki.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Marcos 10:19

Mianã, Deusũ yunuti inũ hawẽ nematirã, mĩ unãmamẽ? Eska yuinirã: “Aĩbu mĩ aĩma txutatimaki. Huni betsaki sinatakĩ tenãtimaki. Yumetsutimaki. Huni betsaki txanitxakatimaki. Parananãtimaki. Ha inũ, mĩ epa inũ mĩ ewa duawakubaĩtiki”— aka

Lucas 12:5

Hakia haki besti mesei mã datekubainũbũ matu yuinũ nĩkakãwẽ. Tsuãra matũ hiwea tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Txanima ẽ matu yuiairã, ha bestiki datei mesekubaĩkãwẽ.

Romanos 1:18

Yura hirabi hiwebaunabu hatũ txakabuwẽ txakabukubaĩkĩ hãtxa txanimawẽ hiwekatsi ikabumawẽ taeshũ betsabũ ikũwãtirubũ hau nĩkayamanũbũ txanima hãtxa hunekĩ nemamisbuki. Habũ hatu nemamisbu Deus nai anu hiwea hatuki sinatakĩ natiã hatu kupikĩ habu tenemaikiki.

Romanos 12:19

Ẽ betsabu inũ ẽ puibuũ, matuwẽ nuikĩ matu yuinũ ea nĩkakãwẽ. Yavé Deusũ hatu yuikĩ: “Tsuãra matu txakabuwai ibubis ẽ hatu kupishanaii”, ikaya nuku keneshuniki. Haskawẽ taea tsuãra matu txakabuwakĩ itxakawayarã, hau Deusũ hatu kupishanũ ibubis hatu kupiama teneyukubaĩkãwẽ.

Romanos 13:4

Haska inũ, mã txakabukubainaibũ matũ xinã mã betsa wanũbũ yurabu Deusũ hatu katua matũ txakabuwẽ habuã Deus matu kupishũshanai unaĩ governõ hatu yunuaibuki mesei hatuki datekãwẽ. Hamẽ ikabumaki. Haska kenu txaipa sawea mapuaburã, hatũ dau bestimaki. Hakia txakabuaibu hatuki tanarã, kashemaki, habũ txakabuaiburã.

2 Coríntios 7:11

Hakia maturã, matũ txakabu haska Deusũ matu unãmaiwẽ matũ huĩti nixmabiatã pepanũ, iwanã, ẽ yusĩa txibaĩ ẽ haska abuai ea uĩmai eki mesekĩ ha hunĩ txakabukĩ matu txakabuwaima haska waima ẽ matu xinãma matu datei haki sinatatã pewai hawa kuxi dakewakĩ mã nemaimaki. Haska ẽ matu waima ha huni pewai mã hawa hawẽ txakabu ana habe hayama nũ unaiĩ.

Gálatas 5:21

Haska inũ, hawara tsuara betsa haya binũ, iwanã, hawẽ kemuirã, beyuskĩ nushuti paepa aki paeinã, pikehaira bestinũ ika yushĩ betsa kẽwaĩ nawakĩ hamapai txakabu betsa betsapa wamisbu hanu Jesus huaitiã ha yura haskabu habe buama ishãkanikiki. Haskakẽ bebũkiri bari betsatiã ẽ matu yusĩkĩ yuima: “Hamapai txakabu betsa betsapa akaibu dũkekubaĩkãwẽ”, iwanã, habiaskari ẽ ana matu yunuaii.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

Efésios 4:28

Ha inũ, metimai mã yumetsumisburã, hanũ matũ yumetsu henetã xinã betsa watã hanũ matũ mekenẽ daya xinãbaũ hamapai tibi dayakĩ pawarikãwẽ. Hanushũ ha dabukũ pashkashũ yura nuitapaibu mã hatu inãtirubuki.

Efésios 5:6

Tsuabũra matu beparãkĩ hamẽ matu yusĩkĩ paraĩburã, hatu nĩkayamakãwẽ. Tsuabũra Deus nĩkama hawa merabewatimakiri yusĩmisburã, Deusũ hatu kupitxakayamashanikiki. Uĩrakubaĩshãkãwẽ.

1 Tesalonicenses 2:11

Nũ matu eska wani mã unãriaii. Bestibu tibi matu benimawakĩ nũ matu pewakubainirã, haska epabũ hatũ bakebũ txakabuwai nemamis keska wakĩ mã Deus hiweshũkĩ haska abuai keska maturi mã inũbũ nũ matu yunua matũ txakabu unãtã mã henekubainimaki. Haska Deusũ hawẽ mae kayabi pepa anu matu hiwemakatsi ikai ma bebũkiri matu kenani haskakiri nũ matu merabewakubainimaki.

Hebreus 13:4

Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.

Hebreus 2:6

Hamẽ kene betsa anushũ Davĩ shabakabi wakĩ yuini matu yuinũ nĩkakãwẽ: “Nũ yurabu hawauma keskabiakẽ haska mĩ nukuwẽ nuimis ẽ xinãmiski.

Santiago 2:6

Matubunã, xinãkãwẽ, habuwẽ datekĩ mã haska hatukiri xinaĩnã. Ha yura mabuwãyãbu mã duawairã, habunã, matu itxakawamisbuki. Ha inũ, habiabũri matu atxishũ sharabaĩkĩ shanẽ ibubu matu inãmisbuki.

Santiago 5:4

Haskashanikiki. Nĩkairakãwẽ. Dayakapabu hatu dayamakĩ matũ bai hatu urumakĩ hatu parãkĩ haska wakĩ mã hatu beshpa betximis yuiaibu nukũ Epa Deus kuxipahairatũ hatu nĩkamiski. Ha inũ, matũ yunu matu tsekashũ mãtxĩshũmisbũ haska mã hatu pakama yui matuki ha ikaibu nĩkariamiski, Epa Deusunã.