1 Tesalonicenses 4:11 - Kaxinawá Bíblia (BR)

^11-12 Hakia haska nũ matu yusĩkĩ nũ matu uĩmatanima mã nuitapaibukiri xinãma txikixama ea iki daketapama matũ mekenẽ dayakũkaĩkĩ matũ hamapai bikubaĩkĩ unãnuma hiwekĩ hatu yuãmayamakãwẽ, mã haskaibu ikũwãbumã matukiri pe uĩkĩ hawa txakabuuma hau xinãnũbunã.

Kashinawa : Diosun Jesúswen taexun yuba bena yiniki

^11-12 Jakia jaska nun matu yusinkin nun matu uinmatanima man nuitapaibukidi shinanma chikishama ea iki daketapama matun mekenen dayakunkainkin matun jamapai bikubainkin unanuma jiwekin jatu yuanmayamakanwen, man jaskaibu ikunwanbuman matukidi pe uinkin jawa chakabuuma jau shinanunbunan.

1 Tesalonicenses 4:11 Кръстосани препратки

Provérbios 17:1

Besikĩ piti itxawashũ pibiai sinatai detenameyabi betsabu hiwemisbuki. Hamẽ misi natiãma bawaima kushi besti pibiai unanuma hiwekĩ hatu binumisbuki.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Marcos 13:34

Haska inũ, huni txai kakĩ hawẽ tsumabu hawẽ daya tibi hawẽ hiwe anu yunuakeaketã hiwe beputi keshemis yunutã bumisbu keska wakĩ ẽ matu yunubaĩkĩ akawaii.

Hechos 18:3

Ha Áqüila hawẽ aĩbetanã, habias daya Paulõ amisri akĩ tari hiwe wamisbukẽ haskawẽ taea hatube dayanũ ika hatu anu baxikuima Paulo hiwea

Hechos 20:35

Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,

Romanos 12:11

Ha inũ, hawara nukũ Shanẽ Ibũ abuai dayashũkĩ ibubis txikixama hamapai tibi xinãkĩ huĩtinĩ xinaĩ benima paewẽ ashũkubaĩkãwẽ.

Romanos 15:20

Hatu yusĩ kairã, hanushũ tsuã Jesus Cristokiri hatu yusĩriabumanu besti ẽ kakũkaũkatsis imiski, hanushũ Jesus Cristokiri kakape yusĩnã betsã ma hatu yusĩma anu naxui iki kamarã.

1 Coríntios 4:12

Haska tenebiai nukũ mekenẽ dayai nũ heneismaki, babuamarã. Nuku yupukĩ shuũ abiaibũ nukũ hatu kemakinã, pewẽ besti nũ hatukiri shuũ amiski. Nuku itxakawakĩ bika tenemabiaibũ nũ hawa yuiama tenemiski.

2 Coríntios 5:9

Ha inũ, dasibi nukuburã, nũ hamakiri kama nukũ Shanẽ Ibuhaira Cristo hanu tsaushũ unãti wamis anu haki nukutã nuku tibibũ habis nũ beisshãkanaii. Nuku tibi unãkĩ Cristõ nuku manakuakeakeshanikiki, na yurawẽ hiweshũ nũ pepa amis inũ nũ txakabu amis unãtã nuku tibi kupikinã. Haskakẽ na mai anu nũ habe hiweriama kasmai nũ habe hiwei kashanairã, nukũ yurawẽ nukũ Shanẽ Ibu nũ benimawakatsi ikaii.

Efésios 4:28

Ha inũ, metimai mã yumetsumisburã, hanũ matũ yumetsu henetã xinã betsa watã hanũ matũ mekenẽ daya xinãbaũ hamapai tibi dayakĩ pawarikãwẽ. Hanushũ ha dabukũ pashkashũ yura nuitapaibu mã hatu inãtirubuki.

1 Timóteo 2:2

Deusũ yusĩa pepa txibaĩ unãnuma benimai hiweshũ hawama pepa besti hawa dakeama nũ hiweyukubainũbũ shanẽ ibubu inũ yununikabu haska tibikiri hatu yukashũkubainãkãwẽ, hau Deusũ nukukiri hatu pe xinãmanunã.

1 Timóteo 5:13

Haska inũ, yushaburiama hatũ piti inũ hatũ mabu inãkĩ mã hatu merabewaiwẽ taea haska besti bi ana dayakatsi ikama hiwe tibi anu besti hikikũkauni txikix pikutirubuki. Ha txikix pikuimarã, haska bestiama hiwe betsa tibi anu tsaushũ hatubetã txani yui inũ betsabuki txanitxakakĩ haska txani yui beyatirubuki, haskai txakabui pikuirã.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

1 Pedro 3:4

Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki.

1 Pedro 4:15

Matũ yura betsa nuitapairã, eskawẽ taea imisbuki, pubẽburã, yumetsuburã, itxakanikaburã, yura betsa bika waiwẽ taeshũ hatu yumãwãmisbuki. Hamẽ matu ikirã, mã hatu keska hiweamabia matu yumãwaĩburã, haska peki.