1 Tesalonicenses 3:8 - Kaxinawá Bíblia (BR)

⁸ Hakia nukũ Shanẽ Ibu ikũwaĩ mã txĩtuãmawẽ taea nũ ana hawa punu nukama matuwẽ benimai nũ hiweaii.

Kashinawa : Diosun Jesúswen taexun yuba bena yiniki

⁸ Jakia nukun Xanen Ibu ikunwain man chintuanmawen taea nun ana jawa punu nukama matuwen benimai nun jiweaii.

1 Tesalonicenses 3:8 Кръстосани препратки

João 15:4

Hakia hawẽ tashu anua hawẽ mebi betsa meskea ana haska bimitirumaki. Habiaskari wakĩ ea henebaĩkĩ mã Deus benimawatirumaki. Haskakẽ ẽ matu putama keska wakĩ eari putayamashãkãwẽ.

João 15:7

Hanua maturã, ebe ketashameshũ ẽ hãtxa xinãkĩ unãhairai hakimama txibãkubaĩkĩ hawara bikatsis ikĩ mã Deus yuka matu ashũshanikiki.

João 8:31

hanushũ ha shanẽ ibubũ ikũwãkĩ taewaibu Jesusũ hatu unãti wanũ ishũ hatu yuikĩ: —Tsuabũra ẽ hãtxa nĩkatã txanima uke merã mestẽwãtã mã txĩtuãmarã, mã ẽ tsuma kayabi itirubuki. Haskawẽ taeshũ txanima hãtxa unãkĩ mã tapiãyã txakabũ matu ana tsuma wama ishanikiki— hatu wa

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

Gálatas 5:1

Haska inũ, Moisés nemati inũ hawẽ yunuti nũ ana txibãyamanũbũ Cristõ nuku kaĩmaniki, Moisés yusĩa txibaĩ nũ ana hatũ escravo iyamanunã. Matu haska nemanikẽ Jesus besti txibaĩ ana xinã betsa wama judeubũ yusĩa danaĩ ana hatũ dayaru escravo iyamakubaĩkãwẽ.

Efésios 3:17

Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.

Filipenses 1:21

Natiã ẽ hiweyuarã, Cristo ẽ hiweshũyukũkainaii. Hakia hawẽ taea ẽ mawarã, ẽ nenu hiwemis binuaki.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Filipenses 4:1

Ẽ betsabu inũ ẽ puibuũ, ẽ matu abutxakayamai inũ, ẽ matuwẽ nuiai inũ, ẽ matuwẽ benimaiwẽ inũ, matuwẽ taeshũ Deusũ ea manakua ẽ bishanaiwẽ taea xinaĩ ẽ matu ana uĩ kakatsis itxakayamaii. Ẽ matu haska xinãyã txĩtuãma nukũ Shanẽ Ibu txibãpakekãwẽ.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

1 Tesalonicenses 3:7

Haskakẽ ẽ betsabu inũ ẽ puibuũ, nuku bika tenemakĩ yumãwãbiaibũ ha xinãma mã Jesus ikũwaĩ txĩtuãbumakẽ haska matu nĩkatã hawa ana matuwẽ dateama nũ xinã txãkaiĩ.

Hebreus 10:23

Habias mestẽwãtã xinã betsa betsapa wai txĩtuãma haska nũ ikũwãkĩ yuiai besti manakakubainãkãwẽ. Txanima Deus yubakanishũ nuku ashũshanikiki, kaneamarã.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

2 Pedro 3:17

Ẽ betsabu inũ ẽ puibuũ, matuwẽ nuihairakĩ ma bebũkiri haskashanaibu ẽ ma matuki txanishuki. Mekeirakubaĩkãwẽ, mã pebiakainaya hau huni txakabũ matu parãkĩ hau matu txĩtũmayamashanũbũ mestẽshãkãwẽ.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.

Apocalipse 3:3

Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.