1 Tesalonicenses 2:6 - Kaxinawá Bíblia (BR)

⁶ Ha inũ, Jesusũ kuxipayakĩ nũ matu yunutirubia matu inũ yura betsabu hau nuku shanẽ ibu wakĩ kẽwãnũbũ nũ hari yunukĩ matu hãtxa wama ikimaki.

Kashinawa : Diosun Jesúswen taexun yuba bena yiniki

⁶ Ja inun, Jesúsun kushipayakin nun matu yunutidubia matu inun yuda betsabu jau nuku xanen ibu wakin kenwanunbun nun jadi yunukin matu jancha wama ikimaki.

1 Tesalonicenses 2:6 Кръстосани препратки

Ester 5:11

bushũ hatu yuiabu dasibi bei haki nukui itxaibũ ibubis kẽkĩ hatu yuikĩ: —Mabu inũ pei mirima ẽ hayaki. Ẽ bakebu itxapaburi ẽ hayaki. Shanẽ ibuhaira merabewanikabu inũ hawẽ shanẽ ibubu beshmasbu ea hatu binumakĩ ẽ habetã yunukubaĩshanũ shanẽ ibuhaira Assuerõ ea katuima ea besti ẽ pehairaki— itã

Daniel 4:30

hatu yuikĩ: “Babilônia mae ewapahaira hawẽrua uĩkãwẽ. Ẽ maewã uĩkĩ ẽ kushipa hau shinãkubaĩshanũbũ shanẽ ibukĩ nenushũ ẽ hatu yunukubainũ, iwanã, na maewã hawẽrua ẽ kushipawẽ ẽ hatu amakubainimaki”, hatu wai

João 12:43

Jesus xinãbiakĩ hawenabu kẽwãmayukatsis ikĩ Deuskiri beshmas kẽwãkĩ dateyabi xinãkinã.

João 5:41

Hawara pepa ekiri yuiaibu besti ẽ nĩkakatsi ikamaki, yurabũ hãtxawenã.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

João 7:18

Hamẽ huni betsa ibubis hatu kẽwãmakatsi ikirã, yusĩnã pepai hawẽruamisbuki. Hakia hatũ ea yununi ẽ matu kẽwãmakatsis ikaiwẽ taea txakabuuma pepa besti yui ẽ txani txakamaki. Haskawẽ taeshũ tsuã ha yusĩakiri ekiri metutirubumaki.

1 Coríntios 11:9

Huni damiwakĩ aĩbũ hau benewanũ, iwanã, damiwama iniki. Hakia aĩbu damiwakinã, hunĩ bitã hau aĩwãshanũ, iwanã, damiwashuniki.

2 Coríntios 13:10

Haskakẽ matu uĩ kashũ matu ha akĩ nixmawakĩ ẽ matu ana babu wayamashanũ hakia merabewakĩ ẽ matu kuxipa wakubaĩshanũ nukũ Shanẽ Ibũ hawẽ kuxipa ea inãniwẽ matu yamawama mã ikũwaĩbu ẽ matu kuxipa wakatsis ikaii. Haskawẽ taea matu anu kariama bebũkiri ẽ hãtxa keneshũ ẽ matu bumaiwẽ taeshũ xinaĩrakãwẽ.

2 Coríntios 4:5

Haska inũ, mai damiwakĩ Deusũ yuikĩ: “Mexu anua hau shabayunũwẽ”, anishũ habiatũri nukũ huĩti anu shaba peshani keska wakĩ Deusũ Cristo nuku unãmaya hawẽ kaka pepa Cristokiri nũ shabakabi matu unãmakubainaii. Haskakẽ yusĩkĩ: “Jesus Cristo nukũ Shanẽ Ibu kayabiki”, ikĩ, “Jesus Cristo abuhairakĩ nũ matũ dayaru bestiki”, ikĩ shabakabi dasibibuki txani ibubis nũ keĩsmaki.

Gálatas 1:10

Matũmebi xinã pewakãwẽ. Tsua ẽ benimawaimẽkainã? Ea ikirã, yurabu ẽ datã akĩ kẽwãmakatsi ikamaki. Hakia Deus besti datã akĩ ẽ hatu kẽwãmakatsis ikaii, yurabũ hau ea kẽwãnũ hatu abumairã. Haska abuaibu keska ẽ hatubetã pewakeanaii. Hatubetã haska akirã, ẽ Cristõ tsuma ikeanamaki.

Gálatas 5:26

Haskakẽ nukuburã, ibubis keãma betsa binũkatsis ikama hawara yura betsã bimiswẽ kemuama inũ hawẽ nuiama hiwekubainãkãwẽ.

Gálatas 6:13

Haska inũ, Moisés nemati inũ hawẽ yunuti habũ txibãkĩ keyuamabia matũ hina kubitxi nĩkamas matu bitã matuwẽ taea besti ibubis kẽkatsis ikanikiki.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Timóteo 5:17

Mekenikabukiri ana mia yuinũ nĩkawe. Moisés Deusũ hãtxa kenekĩ: “Mĩ hemaĩtĩ anushũ mĩ ina awã hawẽ taewẽ mĩ shekiwã pema pema akĩ mia shemeshunaya dispiwẽ sheneshyamakãwẽ, hau dabukũ pinunã”, iwanã, yununiki. Haska yuikinã: “Dayakapabu hau hatu pakakubainũbũwẽ”, ani keska wakĩ mekenikabu tibi habũ matu yusĩaĩburã, haratura bestitũ Deusũ hãtxa matu yusĩ henekatsi ikama matu yusĩkĩ matu merabewakubainaibuwẽ taeshũ matũri ha matũ mekenika duawakĩ peiwẽ kasmai hawarawẽ merabewakĩ hawẽ hawara inãkubaĩkãwẽ.