1 Tesalonicenses 2:5 - Kaxinawá Bíblia (BR)

⁵ Haska wakĩ hãtxa hawẽrua bestiwẽ hau hawẽ mã nuku kẽwãnũbũ nũ matu parãma ikima mã unaiĩ. Ha inũ, matu parãtã pei binũ, iwanã, nũ matu yusĩama ikima Deusũ unãriaikiki.

Kashinawa : Diosun Jesúswen taexun yuba bena yiniki

⁵ Jaska wakin jancha jawendua bestiwen jau jawen man nuku kenwanunbun nun matu padanma ikima man unaiin. Ja inun, matu padantan pei binun, iwanan, nun matu yusianma ikima Diosun unandiaikiki.

1 Tesalonicenses 2:5 Кръстосани препратки

Provérbios 20:19

Matxupa yuanãtũ ikaibu hawaira kaka pawabaũmisbuki, hawa hatu huneshunamarã. Haskabuberã, hatube ibunanãyamakubaĩkãwẽ.

Isaías 30:10

Ha habũ haskashanai bebũkiri unãmisbu habiabũri hatu yuikĩ: “Nama keskakĩ ana uĩyamakãwẽ”, ikĩ hanushũ Deusũ hãtxa yuishunikaburi yuikĩ: “Haska txanima mã uiaĩ ishanai nukuki txaniyamakãwẽ. Hawara nũ ikai hawẽ nuku dake wama nuku hãtxa pe besti wakãwẽ. Nũ kanebiaya haskaira nuku nemayamakãwẽ.

Miquéias 3:5

Deusũ hãtxa yuishunika paranananikabũ hatu yusĩ txakaibuwẽ taea enabu hiwei peama bai txakabu tanabaini hamakiri bukubaĩkanikiki. Tsuabũra hatu pimakubainaibu bestikiri unanuma hiwetikiri hatu banabimakubaĩmisbuki. Hakia tsuãra hatu yaniwamabumawẽ taeshũ tsakanamei beaibukiri hatu yuikubaĩmisbuki. Senhor Deusũ habukiri eska hatu yuikiki, nĩkakãwẽ, habu hawẽ hãtxa yuishunikabubiakenã.

Malaquias 1:10

“Matuwẽ ẽ hawa benimamaki. Inabu tesẽshũ txiwẽ mã ea menushũbia ana benimama ẽ danãkubaĩshanaiwẽ taeshũ ẽ kẽwãti txi tapu anu hanu mã hamẽ ana txi keti wayamashanũbũ eki nukuti Templo hemaĩtĩ mishki kenebaunibu hikiti shui beputi tibi tsuã mã beputirumẽkaĩ? iwanã, ẽ shinaiĩ.

Mateus 22:16

hanushũ hatuki txiti ika betsabu inũ shanẽ ibu Herodeski txiti ika betsaburi hau Jesus unãti watanũbũ hatu yunuabu Jesus anu bushũ yuikĩ: —Yusĩnaã, huni betsabu miki sinatabiaibũ hawa hatuki dakekĩ habu daewama ikũ hãtxa besti yusĩkĩ haska wakĩ Deus txibãtirubu besti mĩ shabakabi hatu yusĩkubaĩmis nũ unaiĩ.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Hechos 20:33

—Daketapakĩ ibubis matũ pei inũ matũ mabu matu bianũ ika kemuama

Romanos 1:9

Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Romanos 9:1

Jesus Cristo eã ẽ ikũwaĩwẽ taea haki dasishũ ikũkĩ txanima hãtxa ẽ matu yuiaii. Yushĩ Pepatũ ẽ xinã mestẽwãshũ ea yuimai ẽ hawa matu paraĩ txani txakamaki.

2 Coríntios 12:17

Yusĩnã betsabu ẽ matu anu yunuxinabunã, habũ matũ pei itxawakĩ: “Ea bishũtãkãwẽ”, iwanã, ẽ hatu yunuamaki.

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

2 Coríntios 7:2

Mã pe hiweabuwẽ taea matukiri nĩkatã xinaĩ hawa dateama matukiri shabakabi hãtxakĩ ẽ matu kẽwaiĩ. Hamapai bika nũ tenerabebiai haska mã pe hiweabu nĩkai ẽ huĩti benimahairaii. Matũ txakabu henetã nuku keskakĩ Deus duawanũ ika mã hiweaya matuwẽ nuihairai ẽ matuki ana ha ikamaki. Haskarã, ma bebũkiri ẽ xinãwẽ ẽ matukiri txanimaki, ẽ matube hiwekatsi ikai inũ ẽ matube mawakatsis ikairã. Hanua nũ tsua txakabuwaismabiakẽ yura eskarabes matu anushũ nukukiri xinã txakakĩ: “Paulo inũ habetã yusĩmisbũ nukũ hamapai biãkĩ nuku nuitapawakĩ itxakawakĩ nuku paraĩmabuki”, ikaibu nũ hatu haska waismawẽ taeshũ hatu ikũwãyamakãwẽ. Hakia nũ matũ haibuaibuwẽ taea matuwẽ nuihairakĩ nũ matu pe xinãmis keska wakĩ nukukiriri pe xinãkãwẽ.

Gálatas 1:20

Deusũ ẽ xinã txanima unãyã ẽ matu keneshũkĩ yuiairã, txanimaki.

1 Tesalonicenses 2:10

Haska mã ikũwaĩbube hiwea pepakũkaĩkĩ hawa kaneama nũ matu hawa txakabuwama ikũkainima Epa Deusbetã mã unaiĩ.

1 Timóteo 3:3

Ha dikabi eska tibi meama xinãmisburã, paẽakiri xinaĩsbuma inũ, detenamekatsi ikĩ xinaĩsbuma inũ, mabu inũ peiwẽ kemuisbuma inũ, duapakatsis iki pepamisbu itirubuki.

1 Timóteo 3:8

Habiaskari wakĩ merabewanikabu katukinã, eskari akubaĩkãwẽ. Hunibũ hakiri pe xinaĩ haki kasheisbuma inũ, hawara yubaka bestitã kaneisbuma inũ, paeĩsbuma inũ, hatu beparãtã pei inũ hatũ mabu ibubis binumatã itxawaisbuma hau ikubainũbũwẽ.

Tito 1:7

Ha daya pepa ikatsi ikĩ hatu bebushunũbũ mĩ hatu katutirurã, bebukĩ Deusũ enabu hatu mekemakatsi ikĩ haska tibi Deusũ abuai akatsi ikaibu hatu katukĩ yunukinã, hatũ hiwea hawa txakabu hayama pe besti ikubainaibu hatu akubaĩwẽ. Hatũ xinã betsa maewatirubuma akama inũ, sina besu akama inũ, paẽkatsis imisbu inũ, hãtxawẽ hatu bekũyã amisbu inũ, hatu beparãtã hatũ pei inũ hatũ mabu ibubis binumatã pei itxawamis haskabu uĩtã katutimaki.

1 Pedro 5:2

Deusũ enabu txashuwã keska matube hiweabu Deusũ matu yununi hatu mekeirakubaĩkãwẽ, mã haska pe xinãkĩ hatu merabewakatsi ikairã, haska Deusũ abuai keska wakinã. Hatu yunu bestiama inũ pei binũ ika kemuama hakia xinã tibi wama pe bestiwẽ nuikĩ hatu pe mekekĩ ashũkubaĩkãwẽ.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

2 Pedro 2:3

Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.

Judas 1:11

Uĩa. Habu ikirã, Caim hawẽ betsa tenãni keska ha txibãkĩ txakabuwakanikiki. Haska inũ, huni betsa Balaão pei binũ ika kemui ini keskariakĩ Deusũ bai kayatapia benui yusĩnã betsabu parananaĩ peiwẽ kemuriakanikiki. Haska inũ, huni betsa Corã Deusũ yunua danaĩ benuni keskai ha parananãmisbu habu mawariai pemashãkanikiki.