1 Tesalonicenses 2:10 - Kaxinawá Bíblia (BR)

¹⁰ Haska mã ikũwaĩbube hiwea pepakũkaĩkĩ hawa kaneama nũ matu hawa txakabuwama ikũkainima Epa Deusbetã mã unaiĩ.

Kashinawa : Diosun Jesúswen taexun yuba bena yiniki

¹⁰ Jaska man ikunwainbube jiwea pepakunkainkin jawa kaneama nun matu jawa chakabuwama ikunkainima Epa Diosbetan man unaiin.

1 Tesalonicenses 2:10 Кръстосани препратки

Hechos 20:18

uĩbirani Mileto anu mekenikabu beabu Paulõ hatu yuikĩ: —Matũ mae pakea Ásia anu ẽ matu anu hiki taeyama haska ẽ hiwekũkaĩmis mã unaiĩ.

Hechos 20:26

Haskakẽ ikis matu yuinũ nĩkakãwẽ. Dasibi Deusũ yurabu yubani hawa huneama shabakabi ẽ matuki txanimiswẽ taeshũ tsuãra habũ danãkĩ Jesus ikũwãbumawẽ taeshũ Deusũ ea kupiama ishanikiki.

Hechos 24:16

Haskawẽ taeshũ Deuski inũ hunibuki ẽ xinã txakaismaki, haskai hiwei pepanũ ishunã.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 11:11

Haskai haska ẽ hãtxai? Ẽ matuwẽ nuiamawẽ taeshũ ẽ yuiai? Haskamahairaki. Ẽ matuwẽ nuikĩ abuhairai Deusũ unaĩkiki.

2 Coríntios 11:31

Ẽ haska txani keãyã nukũ Shanẽ Ibu Jesus Cristõ Epa Deusũ ẽ hãtxa nĩkakĩ txanima hãtxa besti ẽ yuiai unaĩkiki, ha ikibi ini yurabũ kẽwãkubaĩshanaibunã.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

2 Coríntios 5:11

Haskakẽ nukũ Shanẽ Ibũ kuxipa meseki datekĩ hawẽ kaka pepakiri yurabũ hau Jesus ikũwanũbũ nũ hatu yusĩbaunai haskai nũ hiwemis Deusũ nuku unãhairaikiki. Haskawẽ taeshũ hau mã tapĩrianũbũ pe hiwekĩ hãtxa txanima nũ matu yusĩmis unãkĩ mã xinãtiruki.

2 Coríntios 7:2

Mã pe hiweabuwẽ taea matukiri nĩkatã xinaĩ hawa dateama matukiri shabakabi hãtxakĩ ẽ matu kẽwaiĩ. Hamapai bika nũ tenerabebiai haska mã pe hiweabu nĩkai ẽ huĩti benimahairaii. Matũ txakabu henetã nuku keskakĩ Deus duawanũ ika mã hiweaya matuwẽ nuihairai ẽ matuki ana ha ikamaki. Haskarã, ma bebũkiri ẽ xinãwẽ ẽ matukiri txanimaki, ẽ matube hiwekatsi ikai inũ ẽ matube mawakatsis ikairã. Hanua nũ tsua txakabuwaismabiakẽ yura eskarabes matu anushũ nukukiri xinã txakakĩ: “Paulo inũ habetã yusĩmisbũ nukũ hamapai biãkĩ nuku nuitapawakĩ itxakawakĩ nuku paraĩmabuki”, ikaibu nũ hatu haska waismawẽ taeshũ hatu ikũwãyamakãwẽ. Hakia nũ matũ haibuaibuwẽ taea matuwẽ nuihairakĩ nũ matu pe xinãmis keska wakĩ nukukiriri pe xinãkãwẽ.

1 Tesalonicenses 2:5

Haska wakĩ hãtxa hawẽrua bestiwẽ hau hawẽ mã nuku kẽwãnũbũ nũ matu parãma ikima mã unaiĩ. Ha inũ, matu parãtã pei binũ, iwanã, nũ matu yusĩama ikima Deusũ unãriaikiki.

2 Tesalonicenses 3:7

Hamẽ earã, matube hiweyushũ hawa tirumakĩ matu daketapawama tsuabũra piti nũ hamẽ piãma ikimaki. Haskakĩ nukũ hamapai ibubis bi bariri inũ mexu merã dayatxakayamai yumãkĩ nũ matu bikawama ikimaki. Matube hiweshũ nũ matu uĩmaima keska ikubaĩkãwẽ, tsua hamẽ ea iki daketapamarã.

1 Timóteo 4:12

Mĩ berunã huni ewariamabiatũ mĩ hatu yusĩaĩ hau mia danãyamanũbũ pe bestikũkaĩwẽ. Ha inũ, mĩ hãtxa pe tashnimakĩ duapai hatuwẽ nuikĩ Jesus Cristõ yusĩa ikũhairawakĩ mĩ ikũwaĩ hatu uĩmawe, hau haskariakĩ yura betsã ikũwãtã hiweriakubainũbũ ikũwaĩbu hatu yusĩkubaĩwẽ.

2 Timóteo 3:10

Mianã, ha parananaĩbu mĩ hatu txibãmaki. Hamẽ haska yusĩ ẽ hiwemis keska mĩ txibãmiski, eska tibi ea txibaĩnã. Haska ẽ xinãmis inũ, haska ẽ ikũwãmis inũ, haska hawaira hĩ hĩ ikama ẽ tenemis inũ, ẽ nui abunamemis inũ, hamapai ekiri kaĩbiranai tenei ẽ kuxipamis inũ,

1 Pedro 5:3

Ha inũ, maturã, habu matube itxamisburã, mã hatũ ibumaki. Haskawẽ taeshũ matũ hiwea pepa hatu uĩma bestikĩ txibãmakubaĩkãwẽ, hatube merabenãkinã.