1 Reis 2:4 - Kaxinawá Bíblia (BR)

⁴ Senhor Deusũ bebũkiri ea yubaniwẽ taea mã ẽ bakebũ matũ shinã hirabiwẽ inũ matũ yushĩ hirabiwẽ mã enabu pakubaĩkĩ hawa txakabuwama txanima ibubis mekei pe hiwekũkaini mã enabu Israelĩ enabu shanẽ ibuhairai ikubaĩshãkanaii, hawa heneama ipakeirã, mã Senhor Deusũ hãtxa txibãkubainaiburã.

1 Reis 2:4 Кръстосани препратки

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

2 Samuel 7:25

Haskawẽ taeshũ Senhor Deusuũ, haska ea inũ enabu mĩ hatu yubashina hatu heneama, haska mĩ yuishina akĩ menekubaĩshãwẽ.

1 Reis 1:48

hatu yuikĩ: “Ẽ bake kayabi shanẽ ibuhairai shanẽ ibuhairatũ tsauti anu ma tsaua ẽ beruwẽ ẽ uiaĩwẽ taeshũ Israelĩ enabu mekenika Senhor Deus benimawakĩ duawakĩ hau kẽwãkubaĩshanũbũwẽ”, akai nĩkashũ ea yuikãshuki— akĩ Jônatasã Adonias yuia

1 Reis 11:36

Hanu ẽ kena ipashanai Jerusalém ẽ katuni anu meshu merã bĩ dekua keska ẽ tsuma Davĩ enabu huni bestitxai katukubaĩkĩ ea bebunua Jerusalém anu shanẽ ibutiru, Israelĩ enabu shukua bestitxai ẽ henekubaĩshanaii.

1 Reis 3:14

Haska shinãkĩ ẽ betxipaiai akubaĩkĩ ẽ yunuti inũ ẽ nemati mĩ txibãkubainaya haska mĩ epa Davĩ txibani keska mĩ ikaya bari itxapa ẽ mia hiwemayukubaĩshanaii”, aka

1 Reis 3:3

Salomãonẽ Senhor Deus betxipaikĩ benimawakĩ haska hawẽ epã Deusũ yunuti Davĩ kenekubaini nĩkakĩ txibãkubaĩkĩ hakia hawenabũ akai keska wakĩ mananã kashũ Senhor Deus kẽwãkĩ inabu nami inũ hawẽ sheni inĩtiyabi txiwẽ menukĩ Salomãonẽ hatubetã ariakubaini

1 Reis 6:12

“Na hanushũ ea kẽwãti hiwe mĩ ma menekubainaiwẽ taeshũ ẽ mia yuiai ea nĩkawe. Haska mĩ shenipabu ẽ yununi hãtxa nĩkakubaini pe hiwekaĩkĩ ẽ yunuti hãtxa inũ ẽ nemati hãtxa mĩ txibãkubainaya haska mikiri mĩ epa Davi ẽ yubani ẽ mia ashũkubaĩshanaii.

1 Reis 9:5

Israelbu minabũ hatu yunui hau shanẽ ibukubaĩshanũbũ bestitxai katushũ ẽ shanẽ ibuhaira wakubaĩshanaii. Mĩ epa Davi eã yuikĩ: ‘Mĩ ma mawakẽ hau mĩ shãtukũ Israelbũ hatũ shanẽ ibuwakĩ hawa heneama minabu bestitxai ẽ katukubaĩshanaii’, aki ẽ habe yubakani shinãkĩ eã miari yubakĩ ẽ mia ana mestẽwaiĩ.

2 Reis 23:25

Senhor Deusũ hãtxa haska Moisĩ unaki keneni txanima nĩkakĩ hawẽ shinã dasibiwẽ inũ, hawẽ yushĩ dasibiwẽ inũ, hawẽ kushipa dasibiwẽ Josiasĩ ikũwãkĩ hawẽ hiweakiri shinã betsa watã shanẽ ibuairã, uatiã inibu inũ hatiã ha bebũ ishanaibu Josias pepa keska tsua betsa hayama inibukiaki, hatu binuarã.

2 Reis 23:3

shanẽ ibuhaira benikaũ Senhor Deus kẽwãti hiwe utati mane txibu dapi nishũ dasibibũ nĩkaibũ Senhor Deus yubakĩ yuikĩ: “Eanã, hawẽ yubakani hãtxa Moisĩ unaki keneni dasibi hawara Senhor Deusũ betxipaiai ẽ akubainaii, hawa kanekĩ betsa wama heneama hawẽ yunuti inũ hawẽ nemati inũ haska pe hiwekĩ yusĩti hãtxa nĩkakĩ txibãkinã. Txanimahaira eã ẽ akubaĩshanaii”, ikaya yura dasibibũ nĩkatã: “Mĩ haska hãtxakĩ yuiayarã, nukubunã, nũ mibetã habiaskari txibãkubaĩshanaii”, iki hãtxanibukiaki.

Salmos 37:22

Tsuabura Deusũ pepawakĩ duawamisrã, habũ mai hirabi ibu washãkanikiki. Hakia habu Senhor Deusũ yupuarã, habu yamai keyushãkanikiki.

Salmos 37:9

Tsuabura txakabuburã, matũ mai pakea anua Senhor Deusũ hatu nitxĩshanikiki. Hakia tsuabura Senhor Deuski txiti imisburã, ha mai hatu yubani habũ ibuwashanikiki.

Mateus 22:37

Jesusũ yuikĩ: —Na eska yununi betsa betsapa tibi dasibi binuhairarã, na hãtxaki nĩkawe. “Yavé mĩ Mekenika Deus duawakĩ abukĩ mĩ huĩti hirabiwẽ inũ, mĩ yushĩ hirabiwẽ inũ, mĩ xinã hirabiwẽ txibãkĩ duawakubaĩwẽ”, ani

Deuteronômio 6:5

Haskakẽ matũ mekenika Senhor Deus betxipaikĩ matũ huĩti dasibiwẽ inũ matũ hiwea dasibiwẽ inũ matũ kushipa dasibiwẽ duawakubaĩshãkãwẽ, heneamarã.

Judas 1:24

Nukũ Epa Deus ha besti nukũ merabenã yushĩ dasibi kuxipa hayatũ matu kuxipa wakĩ matũ xinã txakabũ ana matu kanematiru nemashũkubainaya hawẽ bake shanẽ ibuhaira huaya yura dasibibu unãkĩ hatu kupiaitiã maturi ha bebũ hawa txakabu mã hayama hawẽ besuuri matu nitxĩtã benima pae matu inãyã mã benimahairashanaii. Haskakẽ nukũ Shanẽ Ibu Jesus Cristowẽ taeshũ Epa Deus duapa pepa inũ, hatũ besti kuxipa binu keyua inũ, yunuti kuxipa pae hayahaira iki taeni inũ natiã haya inũ ipashanai haya kẽwãkubainãkãwẽ, heneamarã. Haskakirã. Hatiki, ẽ hãtxarã. Judas