1 Pedro 3:7 - Kaxinawá Bíblia (BR)

⁷ Ha dikabi mã huni aĩyãbuũ, maturi yuinũ nĩkakãwẽ. Matũ aĩ matube hiwea habebis nĩkakanãkubaĩkãwẽ. Hatũ yura kuxipa beshmas mã unaiĩ. Haskabiakẽ Deusũ habe matu hiwekuĩa inãshanai keska haska Deusũ abuai keska matũ aĩri hatu uĩmakĩ duawariakubaĩkãwẽ. Mã haskamiswẽ taeshũ Deusbe hãtxakĩ mã yukai matu nĩkakubaĩshanikiki. Hamẽ haskama mã habe hiwetxakashũ Deus yukairã, matu hawa nĩkama ishanikiki.

Kashinawa : Diosun Jesúswen taexun yuba bena yiniki

⁷ Ja dikabi man juni ainyanbuun, matudi yuinun ninkakanwen. Matun ain matube jiwea jabebis ninkakanankubainkanwen. Jatun yuda kushipa bexmas man unaiin. Jaskabiaken Diosun jabe matu jiwekuian inanxanai keska jaska Diosun bechipaiai keska matun aindi jatu uinmakin duawadiakubainkanwen. Man jaskamiswen taexun Diosbe janchakin man yukai matu ninkakubainxanikiki. Jamen jaskama man jabe jiwechakaxun Dios yukaidan, matu jawa ninkama ixanikiki.

1 Pedro 3:7 Кръстосани препратки

Jó 42:8

Haskawẽ taeshũ na habiatiã 7 ina awa bene inũ 7 txashuwã bene katushũ ẽ tsuma Jó anu butãkãwẽ. Mã ha bushuã Jó ea daewakĩ matũ inabu tesẽshũ txiwẽ matũ ina hirabi matu kuakĩ keyushũtã Jó matu merabewakĩ ea matu yukashunaya ẽ matu itxakawama ishanaii. Ẽ tsuma Jó hãtxa txanima yuishina keska wama haska mã betxipaiai keska mã ekiri hãtxa txakabubiashĩkẽ ẽ matu kupiama ishanaii”, aka

Mateus 18:19

Ha inũ, ikũwaĩbu dabe kasmai dabe inũ besti itxabu ẽ kenawẽ hãtxakĩ yukaibu ẽ kuxipawẽ ẽ hatube naxui ika ikũkaĩshanaii. Habiaskari wakĩ matu dabetũri habias xinãkĩ hawara pepas Deus mã ea aka matu ashũshanikiki— nuku waya

1 Coríntios 7:3

Haskakatsi ikama aĩbube biakanãtanã hunĩ hawẽ hina yauxiama inũ aĩbũri hawẽ shebi yauxiamari hau txutanamekubainũbũwẽ.

Efésios 3:6

Uatiã Deus yubakakĩ hunenirã, shabakabi matu yuinũ nĩkakãwẽ. Yurabu betsa betsapa tsuabũra Jesus Cristokiri kakape nĩkakĩ ikũwaĩbu Deusũ hiwekuĩa hatu inãkatsi ma hatu kenaikiki, habias yura inũ habias yubani Israelbube hawenabu ashanai keska wakinã.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

Efésios 5:33

Habiaskari wakĩ haska huni tibitũ hawẽ yura ibubis mekemis keska wakĩ hau hawẽ aĩ pe mekekĩ duawakubainũbũwẽ. Haska inũ, hatũ aĩnĩ hawẽ benẽ yunuai hau nĩkashũkubainũbũwẽ.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Colosenses 3:19

Aĩyãbuũ, maturi yununũ nĩkakãwẽ. Matũ aĩ abui hatuwẽ nuikĩ hatu ha akĩ bikawayamakubaĩkãwẽ.

1 Tesalonicenses 4:4

Haska inũ, Deuskiri unãma inũ ikũwãbumã aĩbuaibu tibiwẽ kemukĩ txutabaũmisbu keska iyamakubaĩkãwẽ. Hakia Jesus ikũwaĩ aĩyãkatsis ikĩ shabakabi Deus uĩmai pe hiwenũ ika habe biakanãtã nuitapawama hatũ mabu mekei hau pe besti ikubainũbũwẽ, hatũ aĩbe menamei txutanameirã.

Tito 3:7

Nukũmebi nũ Deus hawa pepa ashũtirumabiakẽ duapa nukuwẽ nuikĩ nukũ txakabu nuku buashũtã hawẽ pepawẽ hawẽ hiwekuĩti nũ bishanai nũ hawẽ manakanũ hawẽ Yushĩ Pepa nukuki dasiwaniki.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

1 Pedro 3:1

Aĩbu beneyabuũ, maturi yuinũ nĩkairakãwẽ. Matũ benẽ matu yunua nĩkatã habebis yununamei hẽ iyamama ashũkubaĩkãwẽ. Haskakĩ hatiritũ matũ benẽ Deusũ hãtxa ikũwãriama duawai mã pepakũkainai matu uĩkubaĩmiswẽ taeshũ hãtxawẽsma mã pepawamiswẽ matũ bene bestibu Jesus mã ikũwãmatiruki,