1 Pedro 1:3 - Kaxinawá Bíblia (BR)

³ Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

Kashinawa : Diosun Jesúswen taexun yuba bena yiniki

³ Nun jawen bakebus pepawen nuku kupia nun jabe jiwexanunbun nukun Xanen Ibu Jesucristo nukuwen nuijaidaya Diosun ana bestenwankin nuku bake kain bena keskati waniki, ja shinankin jiwea ikibi ika betsa ja manakai jiweti nuku inankinan. Jaskawen taexun nukun Xanen Ibu Jesucriston mekenika Dios, jawen Epadan, kenwandiakubainankanwen.

1 Pedro 1:3 Кръстосани препратки

Jonas 4:2

habe hãtxakĩ yuikĩ: —Uiã. Senhor Deusuũ, ẽ mae anu eki nukushũ Nínive anu mĩ ea yunua hatuwẽ nuikĩ mĩ hatu kupiama ishanaiwẽ taea eska shinaĩ ẽ hawaira Társis anu pashai ẽ hunekaĩkatsis ikimaki. Mia mĩ mekenã Deus pepa tsuabura hatuwẽ dabanã ikĩ mĩ hawaira sinataisma kupikatsi hatu banabimabiatã tsuaburawẽ nuihairakĩ mĩ shinã mĩ betsa watiru mĩ ea uĩmaii.

João 1:13

Haska inũ, Deusũ hawẽ bakebu hatu pepa wakinã, txutakĩ akama inũ yurabũ xinãwẽ akama hakia Deusũ hawẽ kuxipawẽ besti hawẽ bakebu wakĩ hatu hiwekuĩmakĩ taewaniki.

Romanos 12:12

Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 4:25

Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

Romanos 8:24

Haska nũ manaiwẽ taea nũ ma mekea hayaki. Na bika nũ uĩaĩwenã, nũ hawẽ mekeamaki. Hakia nũ uĩriama nũ ha manakai hiwea haki nukui nũ hawẽ mekeshãkanaii, hawara ha Deusũ nuku yubanirã.

1 Coríntios 13:13

Ha inũ, na xinã dabe inũ besti keyuismaki, ikũwaĩnã, yubakani dateama manatirã, nuikipa kayabirã. Na xinã dabe inũ besti hatũ binu keyuarã, nuikipa kayabiti bestiki.

1 Coríntios 15:20

Hãtxa txanima matu yuinũ nĩkairakãwẽ. Cristo mawaxina ha dukũ Deusũ bestẽwaniwẽ taea yuraburi mawakubainaibu hawẽ taeari besteĩ keyushãkanikiki.

2 Coríntios 1:3

Nukũ Shanẽ Ibu Jesus Cristõ Epa Deus, habias nukũ Epari nukuwẽ nuikĩ nukũ huĩti punu nukai tsiũ ikai nuku daewakĩ benimawakubaĩmisrã, kẽhairawakubainãkãwẽ.

Gálatas 6:16

Haska ẽ matu yuiai keska xinã betsa watã Jesus besti ikũwaĩ mã hawẽ dasibi hiweaibu txanima mã Deusunabu kayabiki. Hanua Deus matuwẽ nuikĩ hau unãnuma matu hiwemariakubainũwẽ.

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Efésios 2:4

Hakia Deus nui heneisma nukuwẽ nuitxakayamakĩ nuku duahairawakĩ

Efésios 3:20

Haska inũ, hamapai nũ yukamis inũ hamapai betsa betsapa nũ xinãriama inũ nũ yukariama hawẽ kuxipahairawẽ Deusũ nuku ashũtiruwẽ taeshũ niti ikama kẽwanãkãwẽ.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Tesalonicenses 4:13

Ẽ betsabu inũ ẽ puibuũ, Jesus ikũwaĩ betsa mawaya mã punu nukayamashanũbũ matu yusĩnũ ea nĩkakãwẽ. Jesus ikũwaĩ mawai habũ Jesus ikũwãma keskabumaki. Haskawẽ taea kashai bis itxakayamai: “Ana hiweamaki”, iwanã, xinãkĩ yuiyamakubaĩkãwẽ.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

1 Timóteo 1:14

Nukũ Yavé Deus ha besti nuikipahairakĩ ea duawatxakayamakĩ hawẽ xinãwẽ ẽ xinã ea betsa wamatã Jesus Cristo ẽ itxakawabiaya ha ikũwaĩbuwẽ ea hatuwẽ nuitiwaniki, Jesus Cristowẽ taeshunã.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

1 Pedro 1:13

Jesus Cristo mã ikũwaĩwẽ taea ana tatimama dasibi matũ xinã mestẽwãtã haskaki txiti itã dateyamakubaĩkãwẽ. Jesus Cristo ana hushanai manakakĩ Deusũ hawẽ pepawẽ matu duawashanai ikũwãkĩ haskakiri besti manayukubaĩkãwẽ.

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 Pedro 1:23

Mã haskakũkaĩshanũ Deusũ ana matu kaĩ bena keska waniki, matũ ibubu txutanamekĩ matu bawani keskama hakia Deusũ hãtxa hiwea betsaisma haya mã ikũwãkĩ xinã betsa waiwẽ taeshunã, nukunabube danãnanãma mã abunamekubainũbunã.

1 Pedro 2:2

Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

1 Pedro 3:5

Habiaskariai ẽ shenipabu aĩbu pepabũ Deus ikũwãkĩ hatũ mabu hawẽrua saweawẽ hawẽruama hakia hatũ benẽ hãtxa nĩkai hawẽruapaunibukiaki.

1 João 2:29

Txanima Jesus Cristõnã, hawa kaneama ini mã unaiĩ. Haskawẽ taea tsuabũra hawara Deusũ abuai akubainaiburã, pepabu Deusũ bakebu mã unãtirubuki.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.

1 João 3:9

Haratura nũ ma Deusũ bakeburã, nũ ana txakabu mekubaĩtirubumaki, hawẽ hiweti xinã pepa ma nuku merã naneawẽ taearã. Haskawẽ taea nũ Deusũ bakebu nukũmebi nukũ hiwea nũ mekekubaĩtirubuki, ana txakabuwamarã.

1 João 4:7

Ẽ betsabu inũ ẽ puibuũ, nui pae Deus anua humiski. Haskawẽ taea tsuabura nũ hawẽ bakebui ikaiburã, Deus unãkĩ haibuwakanikiki. Haskakẽ nukubu nui abunamekubainãkãwẽ.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.

1 João 5:18

Tsuãra ikũwãkĩ Deus hawẽ Epa wai ma haki dasiarã, ana txakabu mekubaĩtiruma nũ unaiĩ, Deusũ bake Jesusũ mekekubainayarã. Ha dikabi Satanásã yunukĩ ikũwaĩbu kanematirumaki.

1 João 5:4

Nũ tsuabura Deusũ ma hawẽ bakebu nuku wa tsuabũra hatũ hiwea txakabu txibãkĩ Deus danaĩbu nũ hatu maemaii. Nũ Jesus ikũwaĩwẽ taeshũ hawẽ kuxipayakĩ ha yurabũ txakabu akaibu nũ ma hatu binuaki.