1 João 3:17 - Kaxinawá Bíblia (BR)

¹⁷ Hakia tsuara mabuhairayatũ ikũwaĩbu betsa nuitapai uĩbiai beru txãkãshũ hatu merabewama hawa inaĩsmarã, hawa Deusũ nui hayamaki.

Kashinawa : Diosun Jesúswen taexun yuba bena yiniki

¹⁷ Jakia tsuada mabujaidayatun ikunwainbu betsa nuitapai uinbiai bedu chankanxun jatu medabewakin jawa inainsmadan, jawa Diosun nui jayamaki.

1 João 3:17 Кръстосани препратки

Provérbios 12:10

Huni pepabũ hatũ inabuwẽ nuikĩ hatukiri shinãkĩ pe mekekubaĩmisbuki. Hakia huni txakabuburã, hamapai tibiwẽ hawa nuiama hakiri shinaĩsbumaki.

Provérbios 14:31

Tsuãra nuitapaibu bika tenemakĩ itxakawakinã, hatũ damiwani Deus danaĩ haki sinatamamisbuki. Hakia tsuara nuitapaibuwẽ nuikĩ hatũ damiwani Deus duawakĩ benimawakubaĩmisbuki.

Provérbios 19:17

Nuitapaibu merabewakĩ hau hawẽ dayanũ mã hatu pei inãyumisrã, Senhor Deus mã inãyua keskaki. Nuitapai pewaima keska wakĩ Senhor Deusũ manakukĩ ana inãshanikiki.

Provérbios 21:13

Tsuara nuitapakĩ hatu ea abiabu hawa merabewakĩ hatu uĩmaismarã, txipu habiaskariai merabe yuka iki ea iriaya ha manakukĩ tsuã hari hawa inãma ishanikiki.

Lucas 3:11

Joãonẽ hatu yuikĩ: —Deus daewakinã, mĩ tari dabeyarã, ha nuitapai tariuma mã betsa inãtiruki. Ha inũ, mĩ pitiyarã, yura betsa piti hayama mã betsa inãtiruki— iwanã, hatu yuikubainaya

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Hebreus 13:16

Ha inũ, Deus xinã txãkãwanũ, iwanã, ana matũ hamapaiwẽ nuiama pepakĩ ikũwaĩ betsabuwẽ nuikĩ hatu merabewai hawara mã haya itxapa kasmai eskarabes pashkashũ yauxiama hatu inãkĩ heneyamakubaĩkãwẽ, haska wakĩ Deus xinã txãkãwãkinã.

Santiago 2:15

Xinãkãwẽ. Eska ikũwaĩ betsa huni kasmai aĩbu haratura nuitapai tariuma inũ pitiuma natiã hawa hayama hiweyukẽ

Santiago 2:16

tsuãra tari inũ piti hatu inãkĩ merabewayukatsi ikama hawa hatu merabewatikiri hawẽ xinãnẽ merabenã besũmai hatũ kesha bestiwẽ yuikĩ: “Tari pe sawetã hawara piti mã pikatsis ikai pikĩ yaniwatã unãnuma hiwekũkaĩwẽ”, iwanã, hãtxa pepa yuibiakĩ haska hatu uĩmakĩ ashũamabia matũ hãtxa hamẽki.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.