1 Coríntios 4:7 - Kaxinawá Bíblia (BR)

⁷ Matũmebi xinã txakakĩ: “Ikũwaĩbu betsabu nũ hatu binuaki”, ikĩ mã kaneaii. Mã tsua binuamawẽ taea haskayamakubaĩkãwẽ.

Kashinawa : Diosun Jesúswen taexun yuba bena yiniki

⁷ Matunmebi shinan chakakin: “Ikunwainbu betsabu nun jatu binuaki”, ikin man kaneaii. Man tsua binuamawen taea jaskayamakubainkanwen.

1 Coríntios 4:7 Кръстосани препратки

Provérbios 2:6

Senhor Deusũ yusiã tsuãra pe tapĩkubaĩkinã, haska unanepatiru inũ haska betsa betsapakiri tapĩhairatiru Senhor Deusũ yusĩkĩ hatu inãshanikiki.

Daniel 5:18

Ẽ mia yuishunai ea nĩkawe. Hawẽ hãtxa nĩkakĩ dasibibũ hau hawẽ kena unãkubaĩshanũbũ mĩ hutxi Nabucodonosor kushipa wakĩ Deus kushipa dasibi hatu binuatũ shanẽ ibuhaira wanishũ duawakubainiki.

Daniel 5:23

Hakia nai anua Senhor Deuski kashekĩ hawẽ Templo anua hawẽ kẽwãti kẽtxa itxapa hau bitanũbũ mĩ hatu yunua bitãshũ ha besiaibubetã Senhor Deusũ kẽtxawẽ uva vinho akubaĩkĩ matũ dami yushĩ ouro inũ, prata inũ, bronze inũ, ferro inũ, hi inũ, nẽkati dami itxapa wanibu habũ hawa uiãbuma inũ, hawa nĩkabuma inũ, hawa unãbumahaira mĩ hatu kẽwãmashuki. Hakia betsarã, Deusũ besti mia hiwemakubaĩkĩ dasibi mĩ hiwea mia tsuma keyubia mĩ ha kẽwaĩsmaki.

Lucas 19:13

Txai mae betsa anu kariama hawẽ dez dayashunikabu kenashũ pei heshe itxapahaira ha tibi hatu inãkeaketã hatu yunubaĩkĩ: “Ẽ huriama na ẽ peiwenã, hamapai tibi bitã hawẽ inãnanãkĩ ana binumashãkãwẽ”, hatu watã txai kaimakẽ

João 1:16

Deusũ dasibi pepa nuku inãtiruwẽ taea nukuwẽ nuikĩ nuku tibi hawẽ aka kuxipa tibi betsa betsapa nuku inãkeakemiski, txakabu katumamarã.

João 3:27

Joãonẽ hatu yuikĩ: —Huni betsa Deusũ yunuama shanẽ ibu kayabi itirumaki.

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Romanos 12:3

Haskakẽ Deus ewẽ nuikĩ ea duawakĩ hawẽ hãtxa yuishunika kuxipa ea waniwẽ taeshũ matu yusĩnũ ea nĩkakãwẽ. Haska matu tibibu Deusũ duawakĩ matu ikũwãmakeakea xinãkĩ unãtã matũmebi xinã txakakĩ yuikĩ: “Ẽ huni pepakẽ Deusũ ea katuniki”, iwanã, xinaĩ ibubis kẽhairayamakubaĩkãwẽ, betsabube hãtxairã.

Romanos 12:6

Nũ haskawẽ taeshũ nuku tibi hawẽ dayati kuxipa nuku inãmiski, haska nuku tibi nuku inãkatsis ikĩ inãkinã. Haskakẽ Deusũ hawẽ hãtxa yuishunika haratura matu katua ikũhairawai hawẽ kuxipa hayakĩ shabakabi hawẽ kakape hatu yusĩ hãtxakubaĩkãwẽ.

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

1 Coríntios 3:5

Nũ haskarawẽ taeshũ mã nukukiri xinaĩ ikai? Tsuamẽ, Apolorã? Tsuamẽ, Paulorã? Mã haska nukukiri xinaĩnã? Nuku daberã, nũ Jesusũ dayaru bestiki. Haskawẽ taeshũ hawẽ daya nũ ashuãyã nukuwẽ taeshũ mã ikũwãniki, haska nukũ Shanẽ Ibũ nuku yununiwenã.

1 Coríntios 5:6

Mã eska keskaki. Matu yuinũ nĩkakãwẽ. Misi wamisbu mã unaiĩ. “Misi wakĩ hawẽ shasha wati eskarabes kapã shashai ewapamiski”. Haska keskai hawara txakabu ha hunĩ matu anushũ akĩ matu daũkĩ akawabia unãbiai pepai mã keaiĩ, haskatimabiakenã.

1 Coríntios 7:7

Earã, aĩuma hiwea ẽ aĩyãkatsi ikamaki. Tsuabura ea keska hiwetiruburã, haska peki. Hamẽ Deusũ huni tibi haskas nukũ aka nuku inãma betsa tibi nũ ha dayashunũ nuku inãmiski, yunukinã.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

1 Pedro 4:10

Haska Deusũ matu kuxipa inãkĩ duawamis hawẽ dayakĩ pewakubaĩkãwẽ, hawẽ duapa kuxipa tibi ma matu inãni mã hayawẽ taeshũ betsabu uĩmai merabenaĩnã.