Santiago 5:6 - Kashinawa : Diosun Jesúswen taexun yuba bena yiniki

⁶ Matunan, jadatubunda jawa matu chakabuwaisbuma betsabu tenankin ichapabu man jatu ichakawamiski, jabun jawa matu nemakin yuiabumadan.

Kaxinawá Bíblia (BR)

⁶ Matunã, haratubũra hawa matu txakabuwaisbuma betsabu tenãkĩ itxapabu mã hatu itxakawamiski, habũ hawa matu nemakĩ yuiabumarã.

Santiago 5:6 Кръстосани препратки

Mateus 21:38

jawen bake jatuki kemai kai bechitan yuinamei: “Bai ibu mawashinken na jawen baken jawen bai tibi inun jawen jiwe tibi dasibi jawenawayuikiki. Na bai nukunas nun wanun tenanankanwen”, ixun

Mateus 27:20

Pilato ninkamama june Diosbe nukunabu janchaxunika xanen ibubu inun xanen ibu betsabun yudan kaian Jesúski jatu sinatajaidamakin yunukin: —Barrabás jau nuku taxnimaxuntan Jesús jau jatu tenanmanun yunukanwen— jatu waibu mae anuabun ninkaibun

Mateus 5:39

Jawen jancha peki. Ana jabia keskadi ja binua matu yusinun ninkakanwen. Tsuada miki sinatakin yusiudi mia ispais aka jabebis sinatakin kupiyamakanwen. “Uke betsadi ea awe”, ika dabekexunai keskakin shinankubainxankanwen.

Hechos 22:14

ana ea yuikin: “Ja nukun Dios nukun xenipabun kenwanpaunibu jabiatundi mia katunixun mia unankin jau jawen shinanwen jawen bake pepa Jesús min uinun jawen juiwen mia jancha washinaki.

Hechos 7:52

Jaska inun, Diosun Katua pepa juxanai Diosun jancha yuixunikabun bebunkidi jakidi chanibiakubainaibun jawa ninkakatsi ikama matun xenipabun jatu dasibi danankin jatu ichakawakin detekubainibuki, jatu tenankinan. Janua natian Diosun Katua juni jawa kaneisma jakidi matu yuinibu ma nuku anu juni shinanma nawabu achimatan man ja juni pepa Jesús jatu tenanmadiaimaki.

Hechos 8:32

jabias kene yuixu Etiopianawan ana Felipe yuixunkin yuikin: ‘Chaxuwan detenikatun detenun, iwanan, iyumis keska wakin tsuan nemama iniki. Ja inun, chaxuwan bake dani damexteabu chaxuwan jawan ikama pesmis keskai jawa yuiama iniki.

Hebreus 10:38

Tsuabuda pepabunan, jaska en yubakai shinankin ikunwain jawen jiwexankanikiki. Jamen tsuabunda ja en yubakai ikunwankin mestenwankatsi ikama chintuainbudan, en ana jabuwen benimama ixanaii”, aka ninkaxun nuku kenexuniki.

Santiago 2:6

Matubunan, shinankanwen, jabuwen datekin man jaska jatukidi shinainan. Ja yuda mabuwanyanbu man duawaidan, jabunan, matu ichakawamisbuki. Ja inun, jabiabundi matu achixun xadabainkin xanen ibubu matu inanmisbuki.

Santiago 4:2

Ja inun, jawada bikatsis iki kemubiakin man bitidumawen taea jawada yuda betsa jaya uin jawen man kemuai yuda betsaki sinatakin man tenankatsis ikaii. Ja inun, yuda betsa mabu jayaken putamatan bianun ika nui sina detenun ikasmai man ja ibestimiski. Jabiaskabiaken jawada Diosun matu inantidu yukakin man ea aismawen taexun Diosun jawa matu inanmaki.

1 Pedro 4:18

Nun Diosunabu bika betsa betsapa tenebiai paxai Jesúsbe jiwenun ika nun manaibun jabun chakabuwakin Diosun jancha danankin ninkaisbuma jatun chakabuwen Diosun jatu kupiaitian jaskadada bika jatu tenemachakayamaxanikiki.