Filipenses 4:22 - Kashinawa : Diosun Jesúswen taexun yuba bena yiniki

²² Ja dikabi dasibi jabun Jesús ikunwainbu inun Roma xanen ibujaidatun jiwe anu dayaxunaibundi jatun jancha matu bumadiakanikiki, matu shinain matuwen nuikinan.

Kaxinawá Bíblia (BR)

²² Ha dikabi dasibi habũ Jesus ikũwaĩbu inũ Roma shanẽ ibuhairatũ hiwe anu dayashunaibũri hatũ hãtxa matu bumariakanikiki, matu xinaĩ matuwẽ nuikinã.

Filipenses 4:22 Кръстосани препратки

Mateus 5:47

Ja inun, ikunwain betsabu bechitan jabube besti janchakin yuda betsabu danain ikunwanbuma jabiaskadiamisbuwen taexun pepakin man jatu binuamaki.

Hechos 20:38

“Ana man ea uianma ixanaii”, ikin jatu yuixuwen taea jawen nuichakayamai ana benimama punu nukatan jabiaskabia nichinun ika ianenwan kexa anu xaxu anu Pablo iyuabun

Hechos 9:13

Ananíasin ninkatan Jesús yuikin: —Xanen Ibuun, Jerusalén anuxun minabu medibi min jatu wai ja junin mia jatu ichakanwanmiskidi ichapabun jakidi janchakin chakabu ea yuimisbuki.

Romanos 16:16

Jaska inun, Jesús chibainbu dasibibu tibi jatuki nukutan jatu dananma yuka iki jatube ikukunankubainxankanwen. Jaska inun, na nenu jiweabu Jesucristo chibainbu ichati jiwe tibi anuabun jabun janchadi matu bumakanikiki, Diosun jau matu dasibi duawakubainunan.

2 Coríntios 13:13

Nukun Xanen Ibu Jesucriston jawen pepawen jau matu duawakubainunwen. Ja inun, matuwen nuikin Diosun jau matu medabewakubainunwen. Ja inun, Diosun Yushin Pepatun jau dasibibu matu jaibunamemakubainunwen. Jatiski, en janchadan. Pablo

Filipenses 1:13

Jaska Roma xanen ibun jatu binuantun jiwe ewapa jawendua anuabu soldadobun ea mekemisbu inun yuda betsa betsapabun ea uinkin janu ea pewayamabu anuxun Cristokidi kakape en jawen jancha chaniai dasibibun ea ninkamisbuki, ja meketi jiwe anu en jiwe anuxunan.

Hebreus 13:24

Ja inun, matu yusinkin matu mekekubainmisbu inun Diosunabu matubetan ikunwanmisbu dasibidi en jancha en matu bumaii. Ja inun, Italia mai pakea anuxun ikunwanmisbun jatun jancha matu bumadiakanikiki.

1 Pedro 5:13

Roma anuxun ikunwainbu Diosun jabu matube katuni inun Marcos en bake keskatun jatun jancha matu yunudiakanikiki.

3 João 1:14

Jakia samama mia anu ka uinanain en mibe janchai kaxanaii.