Filipenses 3:10 - Kashinawa : Diosun Jesúswen taexun yuba bena yiniki

¹⁰ Jaskakin Cristo ana en unanjaidakatsis ikaii. Jaska inun, jawen Epa Diosun mawabu ana bestenwanti kushipa en jayakatsis idiaii. Jaska inun, ana jaki dasijaidanun ika ja nuitapawanibu keska eadi dateama mei mawakin en chibankatsis ikaii.

Kaxinawá Bíblia (BR)

¹⁰ Haskakĩ Cristo ana ẽ unãhairakatsis ikaii. Haska inũ, hawẽ Epa Deusũ mawabu ana bestẽwãti kuxipa ẽ hayakatsis iriaii. Haska inũ, ana haki dasihairanũ ika ha nuitapawanibu keska eari dateama mei mawakĩ ẽ txibãkatsis ikaii.

Filipenses 3:10 Кръстосани препратки

Mateus 20:23

Jesúsun ana jatu yuikin: —Chanima ea ichakawaibu en isin tenexanai keska man idiaxanaii. Jakia en yusiudi inun en yusmaudi tsauntan tsua ebe xanen ibuxanaidan, ibubis en yunutidumaki. En Epa Diosun jatu katunidan, jabudan, ebe ixankanikiki, xanen ibuidan— jatu waya

João 10:18

Jaskaken tsuan ea debu watidumaki. Jakia ikatsis iki ibubis en shinanen en debutiduki. Mawakin en jiwea en jeneshina en ana bitiduki, ja kushipa en Epan ea yununiwen taeadan— jatu waya

João 17:3

Min mia besti Dioski, chanimadan. Jesucristo Mesías min yununidan, en ea bestiki. Nuku unantan na jiwekuinyanwen jiwexankanikiki, ikibi ikidan.

Romanos 8:17

Jaskaken Cristoki nun ma dasiabuwen taea nun ma Diosun bakebuki. Jaska inun, yuda betsabun jawada bika nuku tenemaibu Criston tenekubaini keska wakin jawa yuiama nun tenekubainaii. Jaskawen taea naiudi jawa ana bika teneama nun jabe jiwexanaii.

Romanos 8:29

Janua Diosun bake iyua nukun Juchi Kayabi Iyua Jesucristo ja dukun iniki. Janua jawen betsabu midima ixanaibu bebunkidi Diosun unankin kaindiabuma Jesucristo keskakin nun ja chibanxanunbun bebunkidi Diosun unaniki.

Romanos 8:36

Jaskakidi Diosun jancha yuixunikatun kenekin: “Epaan, nun mia chibankubainmiswen taexun badi tibi nuku ichakawakin tenankatsis ikubainkanikiki. Chaxuwan samama detekatsis imisbu keska wakin nukudi ichakawakanikiki”, aniki, Davidin yuikinan.

2 Coríntios 1:10

Ja inun, nun mawapanan jaska Diosun nuku mekeyama keska wakin nuku axunkubainxanai jawa dateama ikunwankin nun manakubainaii.

2 Coríntios 1:5

Jaskaken jaska Cristo bikajaida jiwekin tenekubaini keska nun jawenabudi jawen taea dayadiai bikabiaken nun jiweabudan, tsuabuda jabundi ikunwain dayaxunkin tenediaibu Cristo jau jatuwendi nuinun jabu juinti nishmabu binumakin jatu benimawakin shinan chankanwankubainankanwen.

Gálatas 2:20

Natian na en yudawen en jiweyuaidan, Diosun baken ea bechipai ewen taea mawanixun ea shinan betsa wamani ja ikunwain en jiweyuaii. Jaskawen taea eadan, en ana emebi yunui en jiweamaki. Jakia Cristo bestitun ea yunuai ewen jiweyuikiki.

Gálatas 6:17

Jesúski dasinixun jakidi en yusinkubainaya ea ichakawakin detekin ea baka kextuwa akeakenibuwen taexun en yusian ea yuankin ana ea bikawayamakanwen.

Efésios 4:13

Jaskakunkaini dasibi putanameama ikunwainbuki dasitan Diosun bakekidi tapinkubainkin Cristo ikunjaidawai jawa shinan betsa wama Cristokidi unanepai dasibibu nun itidubuki.

Filipenses 3:8

Jaska tibi jayai en jawen kushipa biakunkaini natian en uianan, jamenki. Jesucristo en mekenan wakin en unainan, jawenadan, binujaidaki, en Xanen Ibu kayabidan. Jaskaken Cristowen taexun dasibi jamapai eanua chakabu en benu keyuniki. Jaska wakinan, en jiwea xeni chaka keska wakin jenetan janua jaki maei en jawen yudaniki,

Colosenses 1:24

Natian matuwen taea nuitapaidan, en benimaii. Jau jawen taea nun bika tenekunkainxanun Criston nuku yunutan ja dukun chanima jawen yudawen ja ikunwanxanaibu medabewanun ika jatu bika tenexunkin jaskawen taea eadi ibubis en yudawen menei en ixundiaii, man ja ikunwainbuwen taeadan.

Colosenses 2:13

Jamen uatian matu jiweadan, matun chakabu man jenediamawen taeadan, man mawa keska jiwenibuki. Jakia natian tsuabunda Cristo man ikunwainbu dasibi matun chakabu Cristowen matu buaxuniwen taexun Diosun Cristoki ma matu dasiwatan jawen taexun jawen jiwea kayabi matu inaniki.

Colosenses 3:1

Cristo mawa bestenwantan Diosun jawen yusiudi tsaumanixun jabe xanen ibu waiwen taexun matun shinan betsa watan man ma ikunwainbu man ma jabe besteni keskawen taea jawada naiudia Cristowen Diosun pepa benakubainkanwen.

1 Pedro 1:3

Nun jawen bakebus pepawen nuku kupia nun jabe jiwexanunbun nukun Xanen Ibu Jesucristo nukuwen nuijaidaya Diosun ana bestenwankin nuku bake kain bena keskati waniki, ja shinankin jiwea ikibi ika betsa ja manakai jiweti nuku inankinan. Jaskawen taexun nukun Xanen Ibu Jesucriston mekenika Dios, jawen Epadan, kenwandiakubainankanwen.

2 Pedro 1:13

Natian en jiweyuadan, chanima jaska en shinanmis na janchawen matu e imakin matun shinan en ana matu mestenwanmakatsis ikai ea ninkakanwen.

1 João 2:3

Ja Diosun yununi nun jabuan chibankubainaidan, nukubun nun ma unanti watan mestenwanan, chanima nun ma janu jaki dasiabuki.

1 João 2:5

Jamen tsuada shinan betsatan Diosun jancha chibankin axunkayabiaidan, chanima kayabi jawen xabakabi Diosun nui jaya ja medanua taxnikiki. Jamen nukubu nun jaskadiaibudan, nun jakidi dasiabu nun ma unankanaii.

Apocalipse 1:18

Ea en jiwea en mawani natian ana en besteni niti ikama en jiwepakeaii. Ja inun, jiwemati kushipa inun kupiti kushipadan, ea besti en jayaki. Janu mawai ikibi ixanaibu anudan, ean besti en yunutiduki.