Efésios 3:21 - Kashinawa : Diosun Jesúswen taexun yuba bena yiniki

²¹ Jesucristo nun chibainbu ikunwain betsabubetan Dios kenwankin jeneama duawakubainankanwen, niti ikamadan. Jaskakidan.

Kaxinawá Bíblia (BR)

²¹ Jesus Cristo nũ txibaĩbu ikũwaĩ betsabubetã Deus kẽwãkĩ heneama duawakubainãkãwẽ, niti ikamarã. Haskakirã.

Efésios 3:21 Кръстосани препратки

Mateus 6:13

Nuku mekekin jawen chakabuti tibi nuku kainmaxunyamawe. Ja inun, jawada chakabu tibi nuku nemaxundiakubainwen, atiki— atan

Lucas 2:14

“Mai anuxun tsuabunda jabun Dios chibankin duawamisbu Dios kushipajaidatun jau jatu unanuma jiwemanunwen. Jaskaken dasibibun Dios kushipa nai anua jau kenwandianunbunwen”, jatu watan

Romanos 11:36

Jaskaken betsa tukama tibi Diosun damiwanidan, jawenaski. Jawen kushipawen dasibibu maniabuki. Dasibibu ja jiweabuwen Dios benimakunkainxanun, iwanan, jabu tibi damiwaniki. Jaskaken kenwankin jeneyamakubainankanwen, Diosdan. Jaskakidan.

Romanos 16:27

Dios ja besti unanepajaida kenwankubainankanwen, niti ikamadan, jawen bake Jesucristowen taexunan. Jaskakidan. Jatiski, en janchadan. Pablo

Gálatas 1:5

Jaskaken nukun Epa Dios kushipa jau kenwankubainunbunwen. Jaskakidan.

Efésios 1:6

Jaska nuku wakinan, Dios duapajaida nun jawen kenwanpakexanunbun nuku jaska waniki, jawen bake bechipainiwen nukudi jawen duawanun ixunan.

Efésios 2:7

Jaska wanunbadikatsi jawen pepa nuku unanmakatsi ikinan, Jesucristowen taea nukuwen nui kai nuku axuniki.

Efésios 4:1

Nenu eska en bika tenei jiweyuxun meaidan, nukun Xanen Ibun ea yununi en akubainaiwen taexun ea achitan ea mekeimaxun ea jeneabumaken jau man ikunwainbu Diosun matu kenani jiwei pepai jaskakin man unankubainunbun en matu yunuai shinaindakubainkanwen.

Filipenses 1:11

Ja dikabi matu man jatu bebuxunaibunan, Jesucristowen taexun jawada pepa man akai tsuabunda uinkin Epa Dios duawakin kenwanxankanikiki.

Filipenses 2:11

dasibibun unankin: ‘Jesucristodan, chanima dasibibun Xanen Ibu Yavéki’, ikin Epa Dios kushipa kenwanxankanikiki”.

Filipenses 4:20

Jaskaken nukun Epa Dios pepajaida duawakin kenwanankanwen, jeneamadan. Jaskakidan.

2 Timóteo 4:18

Chakabu dasibi nukun Xanen Ibun ea binumakubainkin janu xanen ibuai pepa jawendua nai anu ea paxawatan ea mekexanai en unaiin. Jaskaken niti ikama ja duawakin kenwanankanwen. Jaskakidan.

Hebreus 13:21

Diosun jaskakidi matu shinain yubakani jatun jau matu dasibi pewakubainunwen. Jabiaskadi wakin jaska bechipaiai keska wakin jau nuku amadiakubainunwen, Jesucristowen taexunan. Jaskaken nukun medabenan Cristo kenjaidawakubainankanwen. Jaskakidan.

1 Pedro 2:5

Man jaskakunkainaya man Jesús ikunwainbu dasibi mishki jiwe keska wakin jawen kenwanti kayabi matu wakubainikiki, jaskai duanamei man ma jaki dasiabudan. Matu dasibi man Diosbe janchaxunikabudan, man jawenabu medibiki. Jesucristo man ikunwainbuwen taexun jaska Diosun bechipaiai akin man Dios benimawakubainaii.

1 Pedro 5:11

Ja nukun Dios xanen ibu kushipajaidadan, jau jabiaskas ikunkainunwen, niti ikamadan. Jaskakidan.

2 Pedro 3:18

Jakia nukun mekenan Xanen Ibu Jesucristo ana unankin beyajaidawai jawen nuiwen ewakubainkanwen. Jadan, dasibibun Jesús kenwankin jeneama jau apakenunbunwen. Jaskakidan. Jatiski, en janchadan. Pedro