Colosenses 3:2 - Kashinawa : Diosun Jesúswen taexun yuba bena yiniki

^2-3 Cristobe man ma mawani keskawen taexun matun jiwea Diosun nai anu matu mekexunaki, jadi Cristobe man jiwexanai anudan. Janua na mai anu man jawen jiwea mabukidi besti shinanma Diosun jaska bechipaimiskidi shinankubainkanwen.

Kaxinawá Bíblia (BR)

^2-3 Cristobe mã ma mawani keskawẽ taeshũ matũ hiwea Deusũ nai anu matu mekeshunaki, hari Cristobe mã hiweshanai anurã. Hanua na mai anu mã hawẽ hiwea mabukiri besti xinãma Deusũ haska abumiskiri xinãkubaĩkãwẽ.

Colosenses 3:2 Кръстосани препратки

Mateus 16:23

Jesús jawen tsumabukidi nasauketan uinkin Pedro nemakin yuikin: —Satanásan shinanwen min ea teawakatsis ikai ana jadi jaskayamawe. Jawada Diosun uiain keska min uianmaki, eska shinankinan, jaska yudabun uinmis keskawen min ea nemaidan— abain

Mateus 6:19

ana jatu yuikin: —Na mai anuxun juni ichapabu jiwexun mabuwen kemukin ichawamisbuki. Jakia matunan, mabuwen kemukin ichawayamaxankanwen. Jawada bikin man ichawa jawen masanen pesa pesa akin inun nakaxan pidiatiduki, matu benunkinan. Ja inun, junibu yumetsubun matun jiwe anu jikitan matun mabu dasibi man adu pewabiaken matu bianbaintidubuki.

Lucas 12:15

yudan kaian yuikin: —Man mabuwen kemuaidan, matu yuinun ninkakanwen. Man mabuyabia jatun matu jiwematidumawen taea jamapai mabu shadabu besti bechipai ja jayanun ika man kemukunkainaidan, uindakanwen— iwanan,

Lucas 16:11

Jaskaken mai anua mabuwen kemukin man pe meketidumaken Diosun daya pepajaida matu yunuamadi ixanikiki.

Filipenses 1:23

Ean ibubis jaska dabe en katuadan, bikajaidaki. En shinanan, mawatan en Cristobe ma jiwei kai pejaidaki, enadan.

Colosenses 3:1

Cristo mawa bestenwantan Diosun jawen yusiudi tsaumanixun jabe xanen ibu waiwen taexun matun shinan betsa watan man ma ikunwainbu man ma jabe besteni keskawen taea jawada naiudia Cristowen Diosun pepa benakubainkanwen.

Colosenses 3:5

Jaskaken na mai anua matun kemudan, tenankin akawadikanwen, eska tibi Diosun nemani jeneidan. Ana ainbu betsa tibiwen kemuama inun, ana jamapai tibibe chutanamebaunama inun, jawada kemu atimapa betsa betsapa man akatsis ikai inun, ana pei inun mabu betsa ichawanun, iwanan, yaushikin kenwanti betsa keska wakin pei inun mabuwen kemukin kenwanyamakubainkanwen.