Apocalipse 6:8 - Kashinawa : Diosun Jesúswen taexun yuba bena yiniki

⁸ en uianyan janua caballo betsa pashin bexunaki tsuada betsa jawen kena Mawamanika jaki katsaua inun janu mawabu bumisbu jabun xanen ibu jachun juai en uianyan Diosun mai jidabi anuabu yudabu xukua tibi jabu anua paxka akeakekin ja dabe xanen ibu watan ja cuarta parte jatu inankin kushipa wakin yunukin nupewen jau detenamenunbun inun, buniwen jau tenanmanunbun inun, isin betsa betsapawen jau tenanmenunbun inun, yuinaka pubenbun jau jatu pimanunbun ja kushipa inan bibainaya

Kaxinawá Bíblia (BR)

⁸ ẽ uĩayã hanua cavalo betsa paxĩ beshunaki tsuara betsa hawẽ kena Mawamanika haki katsauwa inũ hanu mawabu bumisbu habũ shanẽ ibu hatxũ huai ẽ uĩayã Deusũ mai hirabi anuabu yurabu shukua tibi habu anua pashkakeakekĩ ha dabe shanẽ ibu watã ha quarta parte hatu inãkĩ kuxipa wakĩ yunukĩ nupewẽ hau detenamenũbũ inũ, buniwẽ hau tenãmanũbũ inũ, isĩ betsa betsapawẽ hau tenãmanũbũ inũ, yuinaka pubẽbũ hau hatu pimanũbũ ha kuxipa inã bibainaya

Apocalipse 6:8 Кръстосани препратки

Mateus 11:23

Ja inun, Cafarnaúm anu jiweabun man shinankin: “Nun pepabuwen taexun Diosun nuku kenwanxanikiki”, ibiakin man ea ikunwanbumawen taexun janu chi nukaisma anu Diosun matu yunuxanikiki. Jakia Cafarnaúm anuxun jawen unanti dami kushipa betsa betsapa en matu uinmakubainima keska Sodoma anu jiweabutiandi jaskadi uintan jatun chakabu jenenibunan, jatun bababudi nuku dapi jiwekeankanaii.

1 Coríntios 15:55

Diosun jancha yuixunika betsa Oseasindi kenekin: “Diosbe jiwea niti ikamadan, nun mawamawen taea nun ana jawa tenetiduma ixanaii”, ini man ninkadiatiduki.

Apocalipse 1:18

Ea en jiwea en mawani natian ana en besteni niti ikama en jiwepakeaii. Ja inun, jiwemati kushipa inun kupiti kushipadan, ea besti en jayaki. Janu mawai ikibi ixanaibu anudan, ean besti en yunutiduki.

Apocalipse 12:4

tsuanda bishi jatiubukuns watan pake dabe inun besti jabiatius waken pakea betsa yushibu xeanantun jawen jina bekun bekun akin bishi pakea betsa mai anu udentan ja yushibu xeanantun ainbu tuya bake kainun ikai ja dapi jawen besuudi nixun jawen bake kaiain achixun xeanun, iwanan, manaya

Apocalipse 9:15

jaska was ja nai tsuma dabe inun dabe jatu peka mai jidabi anu yuda tibi manibaunabu jau na jabia hora inun, día inun, uxe inun, año tercera parte jau jatu tenan atanunbun nai tsuma betsan ja nai tsumabu dabe inun dabe jatu nichian taxnibainaibun

Apocalipse 9:18

dabe inun besti pakea anu yudabu ja dabe inun besti isin chakabu ja caballo jaxpa anua kainkainkin chi inun, kuin inun, azufre kainkainkin jatu tenan keyuken