2 Pedro 3:18 - Kashinawa : Diosun Jesúswen taexun yuba bena yiniki

¹⁸ Jakia nukun mekenan Xanen Ibu Jesucristo ana unankin beyajaidawai jawen nuiwen ewakubainkanwen. Jadan, dasibibun Jesús kenwankin jeneama jau apakenunbunwen. Jaskakidan. Jatiski, en janchadan. Pedro

Kaxinawá Bíblia (BR)

¹⁸ Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro

2 Pedro 3:18 Кръстосани препратки

Mateus 28:20

Jatu jaska wakin jaska en matu yusinmis jau jabundi chibanunbun dasibi jatu yusian akeakexankanwen. Man jatu jaska waya eadan, janu na mai jidabi anu badi keyudiamatian dasibi man ea ikunwainbube dasitan badi tibi en matu medabewapakexanaii— nuku waniki. Jatiski, nukun Xanen Ibukidi en jancha chanimadan. Mateo

Mateus 6:13

Nuku mekekin jawen chakabuti tibi nuku kainmaxunyamawe. Ja inun, jawada chakabu tibi nuku nemaxundiakubainwen, atiki— atan

João 17:3

Min mia besti Dioski, chanimadan. Jesucristo Mesías min yununidan, en ea bestiki. Nuku unantan na jiwekuinyanwen jiwexankanikiki, ikibi ikidan.

Romanos 11:36

Jaskaken betsa tukama tibi Diosun damiwanidan, jawenaski. Jawen kushipawen dasibibu maniabuki. Dasibibu ja jiweabuwen Dios benimakunkainxanun, iwanan, jabu tibi damiwaniki. Jaskaken kenwankin jeneyamakubainankanwen, Diosdan. Jaskakidan.

Efésios 1:17

Jaska inun, nukun Xanen Ibu Jesucriston Epa Dios nun kenwanmis en matu yukaxunmiski, jau jawen Yushinin ana matu ninkamakin unanepawakin matu medanxun jau chanima kayabi Dios matu unanjaidamanunan.

Efésios 4:15

Jakia bechipainamekin jancha kayabi yui nukun Xanen Ibu Cristo keskai ewai jiweyukubainankanwen, Cristo nukun buxkaken jaki dasi tsamitan nun jawen yuda ewawaidan.

Filipenses 3:8

Jaska tibi jayai en jawen kushipa biakunkaini natian en uianan, jamenki. Jesucristo en mekenan wakin en unainan, jawenadan, binujaidaki, en Xanen Ibu kayabidan. Jaskaken Cristowen taexun dasibi jamapai eanua chakabu en benu keyuniki. Jaska wakinan, en jiwea xeni chaka keska wakin jenetan janua jaki maei en jawen yudaniki,

Colosenses 1:10

Man jaska jabun nukun Xanen Ibu chibainbunan, jaskai jiwekin jaska bechipaiai benimawakin axunkubainkanwen. Jaskakin yuda betsabu uinmakin jawada daya pepa betsa betsapa akin Dioskidi tapin unanepai ewakubainkanwen.

Colosenses 3:10

Tadi bena sawea keska wakin matun jiwea man ma benawaki. Matun jiwea ma benawaidan, jaska Diosun bechipaimis keska jiwexunbainkanwen, jatun matu damiwani keskaidan. Jaskakin ichapa man jakidi unanxanaii.

2 Tesalonicenses 1:3

En betsabu inun en puibuun, chanima matun shinanen Jesús ikunjaidawai man ma yumei kushipai en matu unaiin. Jaskakin ana jeneama ikunwain betsabube kushipai nui jenenameyamakubainxankanwen. Man jaskaya matukidi shinankin Dios matu yukaxunkin matuwen nun Dios kenwankubainaii, jaska nuku yunuayadan.

2 Timóteo 4:18

Chakabu dasibi nukun Xanen Ibun ea binumakubainkin janu xanen ibuai pepa jawendua nai anu ea paxawatan ea mekexanai en unaiin. Jaskaken niti ikama ja duawakin kenwanankanwen. Jaskakidan.

1 Pedro 2:2

Bakeishta kain taea chuchu beya wamakin amabu jawen yumeti unanmis keskakin nukun Xanen Ibu Jesúsun yusian kayati wakin jawen juinti kushipanun ixun jawen jiwekuin paxati jancha tapin mestenkubainkanwen,

2 Pedro 1:11

Man jaskai jiwekubainaibu benimakin matu kenwanchakayamakin jawen mae bena anu janu man jikinun jawen beputi matu bepenxuntan: “Nedi jiki bekanwen”, matu waxanikiki, janu nukun mekenan Xanen Ibu Jesucriston matu bichikinan, niti ikama man jabe jiwepakexanunbunan.

2 Pedro 1:2

Dios inun nukun Xanen Ibu Jesús jaibuwakin man jatu unanjaidaya unanuma matu jiwemakin matu duawachakayamai bikubainkanwen.

2 Pedro 1:3

Dios kushipa paepatun jaska jatun bechipaiai keska jawen jiwekin nun jakidi shinankubainunbun nuku inanki, Jesucristo nun ikunwanyan Diosun nuku kenatan jawen daya pepa nun jayaxanunbun jawen kushipa medibiwen nuku katukinan.

2 Pedro 1:8

Man jaska tibi jaya man jawen ewaidan, chanima nukun Xanen Ibu Jesucristo unankin man jamen jaibuwamaki. Ja inun, matun jiweadan, jamenmadi ixanikiki.

2 Pedro 2:20

Ja dukun Nukun Xanen Ibu mekenan Jesucristo unantan jatun chakabu putakin pewabiani jabias chakabun ana jatu achixun yabuadan, bexmas ibiani ana chakabui pikujaidamisbuki.

Apocalipse 1:6

Na jabiatian jawen Epa Dios dayaxuni nuku jabe janchanika wakin jatun nuku xanen ibu keska waniki. Jaskawen taea dasibi jawenas kushipa jaya inun pepa jayaken niti ikama kenwankubainankanwen. Jaskakidan.