1 Tesalonicenses 3:6 - Kashinawa : Diosun Jesúswen taexun yuba bena yiniki

⁶ Jakia man ikunwain chintuanbuma inun man bechipainamei jeneama Tesalónica anua jaska kaka Timoteon ninkatanshinxun nuku yuia ninkai jaska nun matuwen nuiai keskadiai matundi nuku ana beisnun ika man nukukidi shinain matu uintani jushinxun nuku yuikin benimawashinaki.

Kaxinawá Bíblia (BR)

⁶ Hakia mã ikũwaĩ txĩtuãbuma inũ mã abunamei heneama Tessalônica anua haska kaka Timóteõ nĩkatãxĩshũ nuku yuia nĩkai haska nũ matuwẽ nuiai keskariai matũri nuku ana beisnũ ika mã nukukiri xinaĩ matu uĩtani huxĩshũ nuku yuikĩ benimawaxinaki.

1 Tesalonicenses 3:6 Кръстосани препратки

Hechos 16:1

janua Pablo inun Silas kakunkainkin Derbe inun Listra ja mae dabe anu yusin Listra anua Jesús ikunwain betsa jawen kena Timoteoki nukunibukiaki. Jawen ewa judio ainbun Jesús ikunwanyan jawen epa griegonawan Jesús ikunwanmaken

Hechos 18:1

Janua chipu Pablo Atenas anua kainkaini kai maewan betsa Corinto anu jikitan

Hechos 18:5

janua mai pakea betsa Macedonia anua Silas inun Timoteo jaki nukui ma beshianbun januxun jawen daya jenei datan Pablon Jesúskidi besti judiobu jatu yusinjaida bestiyunun ixun ana daya kayabi akama jatu yuikin: —Chanima Diosun Mesías nukun Xanen Ibu nun manakubainmisbudan, Jesúski— akin jatu unanmai

1 Coríntios 11:2

En matu yusintani jabi chibain man chintuanmawen taexun benimakin en matu kenwaiin.

1 Coríntios 13:13

Ja inun, na shinan dabe inun besti keyuismaki, ikunwainan, yubakani dateama manatidan, nuikipa kayabidan. Na shinan dabe inun besti jatun binu keyuadan, nuikipa kayabiti bestiki.

Gálatas 5:6

Jaska inun, Jesús ikunwankin jina kubichi mexteaibu inun mexteabuma jamen ikanikiki. Jakia Jesucristo ja besti ikunwain nui benimai nun jaki chiti ikubainaibu besti nun jawenabuki.

Filipenses 1:8

Jaska inun, matube dasibi jaibunain nun pekubainibudan, Diosun nuku unainkiki, Jesucriston nui duapa ea inan en matu axuniwen taea matukidi en jakimaismaki.

Colosenses 1:4

Matukidia kaka juai en ninkamiski, man Jesucristo ikunwain nukubetan ikunwainbu betsa jatube bechipainamei man jatuwen nuimis ninkaidan.

Colosenses 4:18

Na kene keyukinan, en Pablon emebi en mekenen en jancha matu bumakin ma en keyuaii, jatun ea kenexunmistun akai mebintanan. Ea bichikin akawaxun ea nexayamabu ekidi shinankin jeneama Dios ea yukaxunkubainkanwen. Nukun Epa Diosun jau matu unanuma jiwemakin pewakin duawapakekubainunwen. Jatiski, en janchadan. Pablo

1 Tesalonicenses 1:3

Man eskai jiwea ikunwain Jesúski chiti itan, ikunwain betsabube medabenain bika tenebiai jawa chintuanma nukun Xanen Ibu Jesucristo man manaya nukun Epa Diosbe janchakin matu dayuixunkin matukidi shinankin nun jeneama ikunkainaii.

1 Tesalonicenses 2:17

En betsabu inun en puibuun, matu anuxun nuku bika tenemabu nun juima uxe ichapama matu shinankin manui matu ana uin kanun, iwanan, Dios matu yukaxunkin nun matu shinankubainaii.

1 Tesalonicenses 2:9

En betsabu inun en puibuun, Diosun kakape matu yusin kaxun matun piti pikin matu bika wakin nun matu chikish wakatsi ikama badidi inun meshu medan dayajaidai yumankin nukun dayawen taexun nukun piti nun bikubainima man unaiin.

1 Tesalonicenses 3:7

Jaskaken en betsabu inun en puibuun, nuku bika tenemakin yumanwanbiaibun ja shinanma man Jesús ikunwain chintuanbumaken jaska matu ninkatan jawa ana matuwen dateama nun shinan chankaiin.

2 Tesalonicenses 1:3

En betsabu inun en puibuun, chanima matun shinanen Jesús ikunjaidawai man ma yumei kushipai en matu unaiin. Jaskakin ana jeneama ikunwain betsabube kushipai nui jenenameyamakubainxankanwen. Man jaskaya matukidi shinankin Dios matu yukaxunkin matuwen nun Dios kenwankubainaii, jaska nuku yunuayadan.

1 Timóteo 1:5

Na jaskakidi shinankin en mia yunuaidan, tsuabuda jatun juinti detsisma pepawen shinankin dakeama Jesucristo ikun kayabi waibu jau jatuwen nui nun jabube bechipainamekubainunbun jaskabu besti ikunwainbu chanima jatu yusinkubainwen.

2 Timóteo 1:3

Punu nuka juinti nishma min bashikuimaken mia shinankin janu en Diosbe janchaitian badidi inun meshu tibi mia jakimama mikidi Dios kenwankin en mia yukaxunkubainmiski, ean Dios duawakinan. Jaska en shinan jawa chakabumakidi ea shinanmaya en akubainaii, jaska nukun xenipabun Dios ikunwankin apaunibu keskadi wakinan.

Hebreus 13:3

Ja inun, Jesús ikunwainbuwen taexun bichiti jiwe anu jatu bichiabu jatuwen pechiama jatuwen nuikin matu jabe bichiabu keska shinankin jatu medabewakubainxankanwen, jaskai nuitapaibu unankinan. Ja inun, jatu ichakawaibuwen nuikin jatu medabewakanwen, jabiaskadi matu waibu man metidu shinankinan.

Hebreus 13:7

Jaska inun, Diosun jancha Cristokidi jabun matu yusinkin matu pe mekekubainkin matu shinan betsa wamanibuki. Jaskawen taexun jabun Dios ikunwankin chibankubainibu jaska jatun jiwea pepa akin jenebainibu shinankin matundi ikunwandiai jabiaskadiai jiwediakubainkanwen.

1 João 3:23

Jawen bake Jesucristo nun ikunwanxanunbun inun nun bechipainamekubainunbun Diosun jawen yunuti yununiki. Jabias keskadi jawen baken nuku yunudianiki.