1 João 5:20 - Kashinawa : Diosun Jesúswen taexun yuba bena yiniki

²⁰ Diosun bake taxnitanan, jamen juama Dios mekenika kayabi nun unanxanunbun jawen unanepa nuku inanun ika juni nun unaiin. Nun ma ja chanima kayabiki dasia jiweabudan, jadan, jawen bake Jesucristoki nun ikaki, jabias Dios mekenika kayabitun jiwei ikibi ika nuku inanmisdan.

Kaxinawá Bíblia (BR)

²⁰ Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

1 João 5:20 Кръстосани препратки

Mateus 13:11

nuku yuikin: —Matudan, jaskai Dios xanen ibumiskidi Diosun jawen pepa juneni xabakabi man en tsumabu matu yusinkin unanmaikiki. Jakia jabudan, en jatu jaska unanmamaki.

Lucas 24:45

ja kenenibu una jau ninka pewanunbun

João 1:18

Ja inun, natian tsuabunda Dios uinakamabiaken jawen bake bestichai Diosbe janchanameai Dios ja keskajaidadi jawen Epabe ketaxamexun xabakabi jatun besti Dioskidi nuku unanmakubainiki.

João 10:30

Ea inun en Epa Dios ja dabe nun bestichai keskaki, dapaxkanaismadan— jatu wa

João 14:20

Ja xabatian jaskakain en Epaki en dasia man unanyan janua matuki ana nukui en matuki dasidiatan en matube nipakexanai man unanxanaii.

João 14:23

Jesúsun kemakin: —Tsuabunda ea bechipaikinan, en yusian jancha chibankanikiki. En Epan jatu bechipaiaya ea inun en Epa jua nun jatuwen jiwexanaii.

João 14:6

Jesúsun kemakin: —Jawen kati bai inun jawen chanima unanti inun jawen jiwekuintidan, jabia en eaki. Ea besti ikunwankin chibain Epa Dios anu man jikitidubuki.

João 14:9

—Felipeen, jatixun en matube jiwebiakunkainai ¿min ea unandiamamen? Chanima ea uinkin Epa Diosdi man uiaiin. ¿Jaskakin: “Epa Dios nuku uinmawe”, akin min ea yukai?

João 15:4

Jakia jawen taxu anua jawen mebi betsa meskea ana jaska bimitidumaki. Jabiaskadi wakin ea jenebainkin man Dios benimawatidumaki. Jaskaken en matu putama keska wakin eadi putayamaxankanwen.

João 17:14

Mikidi en jaibuaibu en jatu yusianyan jabun shinan betsa wai pepaibu jabun ea dananmisbun ea jatube dananmisbuki, nun yudabun shinan keska jayamakenan.

João 17:25

Epaan, min kaneismaki. Mai jidabi anu yuda jiweabun mia unanbumabiaken ean, en mia unaiin. Na ebe mapuabun min ea yununi unankanikiki.

João 17:3

Min mia besti Dioski, chanimadan. Jesucristo Mesías min yununidan, en ea bestiki. Nuku unantan na jiwekuinyanwen jiwexankanikiki, ikibi ikidan.

João 20:28

uintans damapaikin Tomásin yuikin: —Chanima min en Xanen Ibuki, en mekenan yushin Diosdan!— aka

João 8:42

—Dios anua en juniwen taexun Dios matun ibu kayabikenan, jaska shinankin man ea bechipaidiakeanaii. Eadan, en shinanen aki en juamaki. Jakia jawen shinanen Diosun ea yununi aki matube jiwei en juniki.

Hechos 20:28

Jaskaken ibubis mekekin Diosun Yushin Pepatun matu katua medabewakin ikunwainbu mekekubainxankanwen. Diosunabu jatu wakatsi ikin jawen bake yunua mawaxunkin jawen jimiwen jawenawakin medibi jatu wani jatu putama jatu uindaxunxankanwen.

Romanos 9:5

Jabiadi nukun xenipabu Israelbu anua Mesías Cristo yuda kayabitan taxniniki. Nukun mekenika Diosun dasibibu mekei xanen ibujaidamisdan, kenwankin jeneyamakubainankanwen. Jaskakidan.

1 Coríntios 1:30

Jaska wakin matu katukin Jesúski matu dasiwakin Diosun jamebi matu katuniki. Jaskaken Jesucristonan, jawen shinanwen nuku unanepa wamiski. Ja inun, jabiatundi nukun chakabu buakin Dios nuku daewaxunmiski. Ja dikabi nuku medibi wakubainmiski. Ja inun, jabiatundi nukun chakabu buatan Satanás anua nuku mebikinaniki.

2 Coríntios 5:17

Januxun tsuabunda Cristo ikunwain jaki nukui dasiayadan, jabun shinan xeni Diosun betsa waya jawada mekin chakabuwamis jenetan jatun Xanen Ibu Cristo chibanun ika yuda bena keskabuki.

Efésios 3:18

Eskaki, matu yuinun ninkakanwen, Criston nui kayabidan. Jaxpajaida inun, chaipajaida inun, keyatapajaida inun, uke medan bismajaida keska tibi Criston nui man tapintidubuki, man ja ikunwainbunan.

Filipenses 3:9

jaki nukutan jaki dasidan. Jaska inun, Moisin jancha chibain jawen nuku ibubis nun pepajaidakunkainkatsis ikaiwen ea akama Cristo ewen nui eki nukutan ea shinan betsa wama en ikunwaniwen taexun Diosun jawena ea wakin en chakabu ea buaxuniken Jesús besti en chibankubainaii.

1 Timóteo 3:16

Dasibi Jesucristo nun ikunwainwen Diosun nuku duawai nun unan keyutidumabia chanima xabakabi jaska wani jaska shinain tsuabuda jaskakidi yui nun jawen ja itidubumaki. Jakia jawen bake ikunwankin Dios nun benimawatiduki. Eskaki, mia yuinun ninkawe: Cristo juidan, junin yuda bitan taxniniki. Cristodan, jawa chakabu jayama pepa bestiki, iwanan, Diosun Yushin Pepatun jawen jiweakidi yuiniki. Bestenkaina Diosun nai tsumabundi uindiakubainibuki. Ja inun, nawa betsa betsapa anuxun Jesúsun tsumabun kakape jakidi yusinkubaunaibun ichapabun ikunwainbun Diosun nai anu ana jawendi ainitan xanen ibu wani nun unaiin.

Tito 2:13

Jaska jiwekunkainkin nukun Dios binua inun nukun mekenan pepa kushipa Jesucristo xanen ibujaidai ana nuku chintunxunkidanxanai manai nun benimaii.

Hebreus 1:8

Januxun jawen bakekidi yuikin: “Diosuun, mia xanen ibuidan, min ea keska xanen ibui ikibi ipakexanaii, xanen ibui jawa chakabu jayamadan.

1 João 2:23

Jaska inun, tsuabuda Diosun bake danain jaki dakeidan, jawen Epa Dioskidi dakediaikiki. Ja inun, tsuabuda dakeyamakain jakidi janchai peii: “En Jesús ikunwaiin”, ikin jawen Epakidi xabakabi wadiaikiki.

1 João 2:24

Jaskaken matunan, Diosun jancha man ninka taewanidan, matun juinti medan ja kaka pepa man mekea matuki ma dasia janu jawen bake inun jawen Epabe man ma jatuki dasia jiwekunkaindiaxanaii.

1 João 2:6

Ja inun, tsuanda yuikin: “Ma Dioski dasia en jiweaii”, ikidan, jaska Jesucristo jiwekunkaini keskai jau idiakubainunbunwen.

1 João 4:14

Chanima Epa Diosun jawen bake jau yudabu mai jidabi anu jatu mekekubainxanun yununi nukubun uinixun nun xabakabi jakidi chanikunkainmiski.

1 João 4:16

Chanima Dios nun bechipaiaidan, ikunwankin nun ma Dios unankanaii. Diosdan, nuikipa bechipainamenikaki. Tsuada ja nui jaya jiweadan, Dioski dasia jiweaki, Diosdi jaki dasidiadan.

1 João 4:2

Jaskakidi janchaibu man unantidubudan, jabu Diosun Yushin Pepa jayadan, jabun ikunwankin yuikin: “Jesucristo taxnidan, yuda kayabi bitan kainiki”, ikaibu Diosun Yushin Pepa jaya man unantidubuki.

1 João 5:1

Tsuabunda Jesús ikunwankin yuikin: “Chanima Jesús Diosun Mesíaski”, akin yuiaibudan, Diosun bakebuki. Ja inun, tsuanda Epa Dios bechipaiaidan, Diosun bake betsabudi bechipaidiaikiki.

1 João 5:15

Nun jabe janchakin yukai Diosun ma nuku ninkatan jawada nun ma yuka nuku inanxanai nun unaiin.

1 João 5:18

Tsuanda ikunwankin Dios jawen Epa wai ma jaki dasiadan, ana chakabu mekubaintiduma nun unaiin, Diosun bake Jesúsun mekekubainayadan. Ja dikabi Satanásan yunukin ikunwainbu kanematidumaki.

1 João 5:5

Januxun: “Jesús Diosun bakeki”, akin tsuanda ikunwankin yuikinan, jabu bestitun Dios danainbu jatu binukanikiki.

Apocalipse 15:3

Jabu nawakin Diosun tsuma Moisés inun Jesús chaxuwan bake ja dabetan nawatiwen Dios kenwankin nawakin yuikin: “Dasibi jamapai dami ewapa tibi akin min jatu e imati anidan, min mia bestiki, Yavé Dios kushipa dasibi binu keyuadan, mai jidabi yudabun min Xanen Ibudan. Tsua padanma min shinan kayatapiawen chanima min nuku pe mekekubainmiski.

Apocalipse 19:11

Janua nai bepeanyan xanen ibu jawen kena Chanima Jancha Kaneisma caballo juxupaki katsaua en uinxu matu yuinun ninkakanwen. Xanen Ibu pepatun yudabu unanti wai jatube detenamenun inun ikaidan,

Apocalipse 3:14

Ana Jesúsun en Juan ea yuikin: “Jatun Diosun jancha dayaxunika Laodicea anu ichamisbu mekea na jancha en mia yuiai kenexundiwe. ‘Dasibi Diosun jakidi yuiai en Jabiaskaki, imistun mai jidabi inun nai jidabi damiwakin ewen Diosun ani chanima jancha besti chanii en kaneismatun en matu yuiai ninkakanwen.

Apocalipse 3:7

Ana Jesúsun ea yuikin: “Jatun Diosun jancha yuinika Filadelfia anu ichamisbu mekea na jancha en mia yuiai kenexundiwe: ‘Ea en medibi inun en chanimajaida David kushipa ini keska binua jawen bepenti shabi en jayaki. Tsuanda ja mae bepean tsuan beputiduma inun ja mae bepua tsuan bepentidumaki. Jaska mekeatun en matu yuiaii.

Apocalipse 6:10

jabun jancha kushipawen yuikin: “Min nukun Xanen Ibu binu keyua medibi min chanima kayabiki. Jaskaken mai anuxun jabun nuku tenanibudan, ¿jatian min jatu unanti watan jatu nuku kupixunxanai?” akabu