ПСАЛТЫР 87 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Сыноў Корэ. Псальм. Песня. Асновы яго — на святых гарах; любіць Госпад

² брамы Сіёна больш за ўсе палаткі Якубавы.

³ Слаўнае гавораць пра Цябе, горад Божы!

⁴ Успомню я Рагаб і Бабілон сярод тых, што ведаюць мяне; вось Філістэя і Тыр з Этыёпіяй: яны нарадзіліся там.

⁵ А пра Сіён будуць казаць: «Той і гэты нарадзіўся ў ім; і Сам Найвышэйшы ўмацоўвае яго».

⁶ Госпад занясе ў кнігу народаў: «Яны нарадзіліся там».

⁷ І будуць спяваць, быццам у карагодзе: «Усе крыніцы мае ў Табе».