ПСАЛТЫР 47 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Кіраўніку хору. Сыноў Корэ. Псальм.

² Усе народы пляскайце ў далоні, слаўце Бога голасам радасці.

³ Бо Госпад — найвышэйшы, страшны, магутны Валадар над усёй зямлёй.

⁴ Ён падначальвае нам народы і плямёны пад нашы ногі.

⁵ Выбраў Ён для нас спадчыну нашу, хвалу Якуба, якога палюбіў.

⁶ Уваходзіць Бог між радасці і Госпад пры гуку трубы.

⁷ Спявайце Богу, спявайце. Спявайце Валадару нашаму псальмы.

⁸ Бо Валадар усёй зямлі — Бог, спявайце ж з мудрасцю.

⁹ Бог валадарыць над народамі, Бог сядзіць на пасадзе Сваім святым.

¹⁰ Князі народаў сышліся з народам Бога Абрагамава, бо шчыты зямныя — у Бога: Ён узвысіўся вельмі высока.