ПСАЛТЫР 23 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Псальм Давідаў. Госпад — Пастыр мой, і нічога мне не бракуе.

² На пашах зялёных Ён мяне ўладкаваў, па-над воды супачыну прывёў Ён мяне.

³ Падмацаваў душу маю, вывеў мяне на шлях справядлівасці дзеля імя Свайго.

⁴ Бо калі буду ісці і лагчынаю ценю смерці, не збаюся ліха, бо Ты са мною. Жазло Тваё і кій Твой — толькі яны мяне суцяшаюць.

⁵ Ты накрыў перада мною стол насуперак тым, што ўціскаюць мяне; намасціў алейкам галаву маю, і келіх мой поўны з вярхом.

⁶ Спагаднасць і міласэрнасць будуць крочыць за мною следам, і пасялюся я ў доме Госпада на доўгія дні.