ПСАЛТЫР 129 - Кнігі Святога Пісання - Біблія - Біблія — пераклад Чарняўскага (выданне 2017 года)

1 Песня ўзыходжання.

¹ Песня ўзыходжання. Часта нападалі на мяне з маладосці маёй; хай кажа цяпер Ізраэль,

² часта нападалі на мяне з маладосці маёй, але не перамаглі мяне.

³ На маёй спіне аратаі аралі, праклалі яны доўгія барозны свае.

⁴ Справядлівы ж Госпад разбіў каркі грэшнікаў.

⁵ Хай пасаромяцца і абернуцца назад ўсе тыя, што ненавідзяць Сіён.

⁶ Хай стануцца яны падобныя да травы на страсе, якая высахла раней, чым яе вырвуць,

⁷ не напоўніць ёю рукі сваёй касец, ані пазухі той, хто збірае снапы.

⁸ І не скажуць праходзячыя міма: «Дабраславенне Госпада вам! Дабраслаўляем вас у імя Госпада!»