ПСАЛТЫР 110 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Давідаў. Псальм. Сказаў Госпад Госпаду майму: «Сядзь праваруч Мяне, аж дакуль пакладу непрыяцеляў Тваіх пад ногі Твае».

² Жазло магуцця Твайго вышле Госпад з Сіёна: «Валадар Ты сярод непрыяцеляў Тваіх!

³ За Табою першынства ў дзень магуцця Твайго, у ззянні святым, з улоння на досвітку нарадзіў я Цябе».

⁴ Прысягнуў Госпад і не пашкадуе: «Ты святар навекі на ўзор Мэльхісэдэха».

⁵ Госпад праваруч Цябе: у дзень гневу Свайго зрыне Ён цароў.

⁶ Ён будзе судзіць народы: будзе поўна трупаў, зрыне Ён галовы на зямной прасторы.

⁷ Па дарозе нап’ецца з ручая і дзеля таго падыме галаву.