ЛІКІ 7 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Калі Майсей пабудаваў скінію, і ўзняў яе, і памазаў яе, і асвяціў яе з усімі яе прыналежнасцямі, таксама ахвярнік і ўсе яго прыналежнасці,

² тады князі Ізраэля і галовы родаў, якія былі пастаўлены на чале кожнага пакалення, якія былі пералічаны,

³ прынеслі дары перад аблічча Госпада: шэсць крытых вазоў і дванаццаць валоў. Прынеслі па адным возе ад двух кіраўнікоў і па адным воле ад кожнага; і паставілі гэта перад скініяй.

⁴ І сказаў Госпад Майсею:

⁵ «Вазьмі гэта ад іх, каб яны спраўлялі службу ў палатцы сустрэчы, і перадай гэта левітам адпаведна парадку іх паслугі».

⁶ Дык узяў Майсей вазы і валоў і аддаў іх левітам.

⁷ Адпаведна іх патрэбам сынам Гэрсона даў два вазы і чатыры валы.

⁸ Восем валоў і чатыры другія вазы даў сынам Мэрары, адпаведна іх абавязкам пад наглядам Ітамара, сына Аарона святара.

⁹ А сынам Кагата не даў валоў і вазоў, бо яны служылі ў свяцілішчы і насілі грузы на сваіх плячах.

¹⁰ Такім чынам на пасвячэнне ахвярніка ў дзень намашчэння прынеслі кіраўнікі сваю ахвяру перад ахвярнікам.

¹¹ І сказаў Госпад Майсею: «Хай кіраўнікі па адным штодзень прыносяць свае дары на пасвячэнне ахвярніка».

¹² У першы дзень прынёс сваю ахвяру Наасон, сын Амінадаба, з пакалення Юды.

¹³ І ў ёй былі срэбраная міса ў сто трыццаць сікляў вагі, срэбраная чара ў семдзесят сікляў вагі, па вазе святыні, абедзве напоўнены былі пшанічнаю мукой, запраўленай алеем, на ахвяру з ежы,

¹⁴ залатая чара ў дзесяць сікляў золата, напоўненая кадзілам,

¹⁵ адзін бычок ад статка, баран і гадавалае ягня ў ахвяру цэласпалення,

¹⁶ і казёл у ахвяру за грэх;

¹⁷ і ў ахвяру прымірэння два валы, пяць бараноў, пяць казлоў і пяць аднагадовых ягнят: гэта — ахвяра Наасона, сына Амінадаба.

¹⁸ У другі дзень прынёс Натанаэль, сын Суара, князь з пакалення Ісахара,

¹⁹ місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,

²⁰ залатую чару ў дзесяць сікляў вагі, напоўненую кадзілам;

²¹ аднаго бычка ад статка, барана і аднагадовае ягня ў ахвяру цэласпалення,

²² і казла ў ахвяру за грэх;

²³ і ў ахвяру прымірэння двух валоў, пяць бараноў, пяць казлоў і пяць аднагадовых ягнят: гэта была ахвяра Натанаэля, сына Суара.

²⁴ У трэці дзень князь сыноў Забулона, Эліяб, сын Гэлона,

²⁵ прынёс місу срэбраную ў сто трыццаць сікляў вагі, чару срэбраную ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,

²⁶ залатую чару ў дзесяць сікляў вагі, напоўненую кадзілам,

²⁷ бычка ад статка, барана і аднагадовае ягня ў ахвяру цэласпалення

²⁸ і казла ў ахвяру за грэх;

²⁹ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта — ахвяра Эліяба, сына Гэлона.

³⁰ У чацвёрты дзень князь сыноў Рубэна, Элісур, сын Сэдэура,

³¹ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,

³² залатую чару ў дзесяць сікляў вагі, напоўненую кадзілам,

³³ аднаго бычка са статка, барана і аднагадовае ягня ў ахвяру цэласпалення,

³⁴ і казла ў ахвяру за грэх;

³⁵ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Элісура, сына Сэдэура.

³⁶ У пяты дзень князь сыноў Сімяона Саламіэль, сын Сурысадая,

³⁷ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

³⁸ залатую чару ў дзесяць сікляў вагі, напоўненую кадзілам,

³⁹ аднаго бычка са статка, барана і аднагадовае ягня ў ахвяру цэласпалення,

⁴⁰ і казла ў ахвяру за грэх;

⁴¹ двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Саламіэля, сына Сурысадая.

⁴² У шосты дзень князь сыноў Гада Эліясаф, сын Дэуэля,

⁴³ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

⁴⁴ залатую чару ў дзесяць сікляў вагі, напоўненую кадзілам,

⁴⁵ і аднаго бычка са статка, барана і аднагадовае ягня ў ахвяру цэласпалення,

⁴⁶ і казла ў ахвяру за грэх;

⁴⁷ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Эліясафа, сына Дэуэля.

⁴⁸ У сёмы дзень князь сыноў Эфраіма Элісама, сын Аміюда,

⁴⁹ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

⁵⁰ залатую чару ў дзесяць сікляў вагі, напоўненую кадзілам,

⁵¹ аднаго бычка са статка, барана і аднагадовае ягня ў ахвяру цэласпалення,

⁵² і казла ў ахвяру за грэх;

⁵³ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Элісамы, сына Аміюда.

⁵⁴ У восьмы дзень князь сыноў Манасы Гамаліэль, сын Падасура,

⁵⁵ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

⁵⁶ залатую чару ў дзесяць сікляў вагі, напоўненую кадзілам,

⁵⁷ аднаго бычка са статка, барана і аднагадовае ягня ў ахвяру цэласпалення,

⁵⁸ і казла ў ахвяру за грэх;

⁵⁹ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Гамаліэля, сына Падасура.

⁶⁰ У дзевяты дзень князь сыноў Бэньяміна, Абідан, сын Гедэона,

⁶¹ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

⁶² і залатую чару ў дзесяць сікляў вагі, напоўненую кадзілам,

⁶³ і аднаго бычка са статка, барана і аднагадовае ягня ў ахвяру цэласпалення,

⁶⁴ і казла ў ахвяру за грэх;

⁶⁵ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Абідана, сына Гедэона.

⁶⁶ У дзесяты дзень князь сыноў Дана Ахіязэр, сын Амісадая,

⁶⁷ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

⁶⁸ залатую чару ў дзесяць сікляў вагі, напоўненую кадзілам,

⁶⁹ аднаго бычка са статка, барана і аднагадовае ягня ў ахвяру цэласпалення,

⁷⁰ і казла ў ахвяру за грэх;

⁷¹ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Ахіязэра, сына Амісадая.

⁷² У адзінаццаты дзень князь сыноў Асэра Пэгіэль, сын Акрана,

⁷³ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

⁷⁴ залатую чару ў дзесяць сікляў вагі, напоўненую кадзілам,

⁷⁵ аднаго бычка са статка, барана і аднагадовае ягня ў ахвяру цэласпалення,

⁷⁶ і казла ў ахвяру за грэх;

⁷⁷ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Пэгіэля, сына Акрана.

⁷⁸ У дванаццаты дзень князь сыноў Нэфталі Ахіра, сын Энана,

⁷⁹ прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,

⁸⁰ залатую чару ў дзесяць сікляў вагі, напоўненую кадзілам,

⁸¹ аднаго бычка са статка, барана і аднагадовае ягня ў ахвяру цэласпалення,

⁸² і казла ў ахвяру за грэх;

⁸³ і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Ахіра, сына Энана;

⁸⁴ а было прынесена ад князёў Ізраэля на пасвячэнне ахвярніка, у дзень яго намашчэння: дванаццаць срэбраных міс, дванаццаць срэбраных чар, дванаццаць залатых чар,

⁸⁵ так што кожная міса важыла сто трыццаць сікляў срэбра, а кожная чара — семдзясят, гэта значыць увогуле ўсіх пасудзінаў са срэбра было дзве тысячы чатырыста па вазе святыні;

⁸⁶ чар залатых, напоўненых кадзілам, было дванаццаць; кожная чара важыла дзесяць сікляў, па вазе святыні, гэта значыць было ўсяго сто дваццаць сікляў золата;

⁸⁷ усіх бычкоў са статка для цэласпалення было дванаццаць, дванаццаць бараноў, дванаццаць аднагадовых ягнят і ўзліванняў да іх і дванаццаць казлоў у ахвяру за грэх.

⁸⁸ Усіх валоў у ахвяру прымірэння было дваццаць чатыры, шэсцьдзесят бараноў, шэсцьдзесят казлоў і шэсцьдзесят аднагадовых ягнят: яны былі прынесены на пасвячэнне ахвярніка, калі ён быў намашчоны.

⁸⁹ І калі Майсей уваходзіў у палатку сустрэчы, каб гаварыць з Госпадам, чуў ён голас, што гаварыў з ім з па-над перамольні, што была над каўчэгам сведчання паміж двума херубінамі, адтуль казаў Ён яму.