ЛІКІ 26 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Пасля гэтай плягі сказаў Госпад Майсею і Элеязэру, сыну Аарона святара:

² «Палічыце ўсю колькасць грамады сыноў Ізраэля ад дваццаці гадоў і вышэй па сем’ях і родах іх, усіх, здатных ваяваць».

³ Такім чынам, Майсей і святар Элеязэр сказалі гэта на раўнінах Мааба, насупраць Ерыхона, над Ярданам

⁴ тым, хто меў ад дваццаці гадоў і вышэй, як Госпад загадаў Майсею. Вось колькасць сыноў Ізраэля, якія выйшлі з зямлі Егіпецкай:

⁵ Рубэн першародны Ізраэля. Сыны Рубэна: Гэнох, ад якога род Гэноха, і Паллю, ад якога род Паллю,

⁶ і Хэцрон, ад якога род Хэцрона, і Хармі, ад якога род Хармі.

⁷ Гэта роды з пакалення Рубэна, колькасць іх дасягае сарака трох тысяч сямісот трыццаці.

⁸ Сыны Паллю: Эліяб.

⁹ Яго сыны: Намуэль, Датан і Абірам. Датан і Абірам — гэта тыя князі народа, якія ўзбунтаваліся супраць Майсея і Аарона ў час бунту Корэ, калі яны паднялі бунт супраць Госпада,

¹⁰ і зямля адкрыла вусны свае і праглынула іх і Корэ, і паўміралі многія, калі агонь спаліў дзвесце пяцьдзесят чалавек; і сталі яны знакам [перасцярогі].

¹¹ Хаця Корэ памёр, але сыны яго не загінулі.

¹² Сыны Сімяона па іх родах: Намуэль, ад якога паходзіць род Намуэля; Ямін, ад якога — род Яміна; Яхін, ад якога — род Яхіна;

¹³ Зара, ад якога — род Зары; Саўл, ад якога — род Саўла.

¹⁴ Гэта роды з пакалення Сімяона, агульная колькасць якіх — дваццаць дзве тысячы дзвесце.

¹⁵ Сыны Гада па сваіх родах: Сэфон, ад якога — род Сэфона; Хагі, ад якога — род Хагі; Шуні, ад якога — род Шуні,

¹⁶ Озні, ад якога — род Озні; Эры, ад якога — род Эры,

¹⁷ Арод, ад якога — род Арода; Арэлі, ад якога — род Арэлі.

¹⁸ Гэта роды Гада, агульная колькасць якіх — сорак тысяч пяцьсот.

¹⁹ Сыны Юды: Гэр і Анан, яны абодва памерлі ў зямлі Ханаан.

²⁰ Вось сыны Юды па іх родах: Шэла, ад якога — род Шэлы; Пэрэс, ад якога — род Пэрэса; Зара, ад якога — род Зары.

²¹ А вось сыны Пэрэса: Эсром, ад якога — род Эсрома: Гамул, ад якога — род Гамула.

²² Гэта роды Юды, агульная колькасць якіх — семдзесят шэсць тысяч пяцьсот.

²³ Сыны Ісахара па родах сваіх: Тола, ад якога — род Толы; Пува, ад якога — род Пувы;

²⁴ Ясуб, ад якога — род Ясуба; Сэмрон, ад якога — род Сэмрона.

²⁵ Такія роды Ісахара, агульная колькасць якіх — шэсцьдзесят чатыры тысячы трыста.

²⁶ Сыны Забулона па іх родах: Сарэд, ад якога — род Сарэда; Элон, ад якога — род Элона; Яхэлэль, ад якога — род Яхэлэля.

²⁷ Гэта роды Забулона, агульная колькасць якіх — шэсцьдзесят тысяч пяцьсот.

²⁸ Сыны Язэпа па іх родах: Манаса і Эфраім.

²⁹ З Манасы нарадзіўся Махір, ад якога — род Махіра; Махір быў бацькам Галаада, ад якога — род Галаада.

³⁰ Галаад меў сыноў: Язэра, ад якога — род Язэра; і Гэлека, ад якога — род Гэлека;

³¹ і Асрыэля, ад якога — род Асрыэля; і Сэхема, ад якога — род Сэхема,

³² і Сэміда, ад якога — род Сэміда; і Хэфэр, ад якога — род Хэфэра.

³³ Хэфэр быў бацькам Салпаада, які не меў сыноў, а толькі дачок, імёны якіх: Маала, Ноа, Хэгла, Мэлха і Тэрса.

³⁴ Гэта роды Манасы, і колькасць іх — пяцьдзесят дзве тысячы семсот.

³⁵ А Эфраіма сыны па іх родах былі такія: Сутала, ад якога — род Суталы; Бэхэр, ад якога — род Бэхэра; Тэхен, ад якога — род Тэхена.

³⁶ Далей сынам Суталы быў Эран, ад якога — род Эрана.

³⁷ Такія роды сыноў Эфраіма, колькасць якіх — трыццаць дзве тысячы пяцьсот. Яны нашчадкі Язэпа па сваіх родах.

³⁸ Сыны Бэньяміна па родах сваіх: Бэла, ад якога — род Бэлы; Асбэл, ад якога — род Асбэла; Ахірам, ад якога — род Ахірама;

³⁹ Супам, ад якога — род Супама; Хупам, ад якога — род Хупама.

⁴⁰ Сыны Бэлы: Арэд і Нааман; ад Арэда паходзіць род Арэда, ад Наамана — род Наамана.

⁴¹ Гэта — сыны Бэньяміна па родах сваіх, колькасць іх — сорак пяць тысяч шэсцьсот.

⁴² Сыны Дана па сваіх родах: Сухам, ад якога — род Сухама; гэта — роды Дана па сваіх пакаленнях:

⁴³ усе былі сыны Сухама, колькасць іх — шэсцьдзесят чатыры тысячы чатырыста.

⁴⁴ Сыны Асэра па родах іх: Емна, ад якога — род Емны; Ішві, ад якога — род Ішві; Бэрыя, ад якога — род Бэрыі.

⁴⁵ Сыны Бэрыі: Гебэр, ад якога — род Гебэра, і Мэлхіэль, ад якога — род Мэлхіэля.

⁴⁶ А дачкі Асэра імя было Сараі.

⁴⁷ Гэта — роды сыноў Асэра, колькасць іх — пяцьдзесят тры тысячы чатырыста.

⁴⁸ Сыны Нэфталі па іх родах: Ясіэль, ад якога — род Ясіэля; Гуні, ад якога — род Гуні;

⁴⁹ Язэр, ад якога — род Язэра, Шылем, ад якога — род Шылема.

⁵⁰ Гэта — роды сыноў Нэфталі па сваіх пакаленнях, колькасць іх — сорак пяць тысяч чатырыста.

⁵¹ Агульная колькасць сыноў Ізраэля, што былі палічаны, — шэсцьсот адна тысяча семсот трыццаць.

⁵² Потым сказаў Госпад Майсею, кажучы:

⁵³ «Паміж імі будзе падзелена зямля на ўласнасць паводле ліку імёнаў.

⁵⁴ Больш шматлікім большую частку дасі; менш шматлікім — меншую; і кожнаму асобна, як цяпер яны былі палічаны, будзе дадзена уласнасць;

⁵⁵ зямля павінна быць падзелена жэрабем. Спадчыну маюць атрымаць паводле колькасці пакаленняў бацькоў сваіх.

⁵⁶ Жэрабем трэба падзяліць уласнасць між вялікімі і малымі родамі».

⁵⁷ А гэта колькасць сыноў Леві па іх родах: Гэрсон, ад якога — род Гэрсона; Кагат, ад якога — род Кагата; Мэрары, ад якога — род Мэрары.

⁵⁸ Гэта — роды Леві: род Лобні, род Геброна, род Махалі, род Мусі, род Корэ. Кагат жа быў бацькам Амрама,

⁵⁹ які меў жонку Ёхабэд, дачку Леві, якая нарадзілася яму ў Егіпце. Яна нарадзіла Амраму, мужу свайму, сыноў Аарона і Майсея і сястру іх Мірыям.

⁶⁰ Аарон меў сыноў: Надаба, Абігу, Элеязэра і Ітамара,

⁶¹ з якіх Надаб і Абігу памерлі, калі прынеслі чужы агонь перад аблічча Госпада.

⁶² І ўсіх, каго палічылі, было дваццаць тры тысячы мужчын ад аднаго месяца і вышэй; бо яны не былі палічаны сярод сыноў Ізраэля і не была дадзена ім уласнасць разам з іншымі.

⁶³ Гэта колькасць сыноў Ізраэля, пералічаных Майсеем і Элеязэрам святаром на раўнінах Мааба, над Ярданам, насупраць Ерыхона;

⁶⁴ між імі не было нікога з тых, каго Майсей і Аарон лічылі ў пустыні Сінай:

⁶⁵ бо прадказаў ім Госпад, што ўсе яны перамруць у пустыні; і не застанецца з іх у жывых ніводзін, апрача Калеба, сына Ефоны, і Ешуа, сына Нуна.