ПСАЛТЫР 46 - Біблія (пераклад В. Сёмухі)

Пс 46

¹ Кіроўцу хору. Сыноў Карэевых Псальма.

² Пляскайце ў далоні, усе народы, клікніце Богу голасам радасьці;

³ бо Гасподзь Усявышні грозны, - вялікі Цар над усёю зямлёю;

⁴ скарыў нам народы і плямёны пад ногі нашыя;

⁵ выбраў нам спадчыну нашу, красу Якава, якога палюбіў.

⁶ Узышоў Бог пад воклічы, Гасподзь пад гукі трубныя.

⁷ Сьпявайце Богу нашаму, сьпявайце; сьпявайце цару нашаму, сьпявайце;

⁸ бо Бог - Цар усёй зямлі; сьпявайце ўсе разумна.

⁹ Бог зацараваў над народамі, Бог сеў на сьвятым троне Сваім;

¹⁰ сабраліся валадары народаў да народу Бога Абрагамавага; бо шчыты зямлі - Божыя; Ён узьнесены над намі.