ПСАЛТЫР 114 - Біблія (пераклад В. Сёмухі)

Пс 114

¹ Алілуя. Я радуюся, што Гасподзь пачуў голас мой, малітву маю,

² прыхіліў да мяне вуха Сваё; і таму буду клікаць Яго ўсе дні мае.

³ Агарнулі мяне хваробы сьмяротныя, пакуты пякельныя агарнулі мяне; сустрэў я ўціскі і смуткі.

⁴ Тады клікнуў я імя Гасподняе: Госпадзе! уратуй душу маю.

⁵ Гасподзь літасьцівы і справядлівы, міласэрны Бог наш.

⁶ Асланяе Гасподзь прастадушных: я ўвесь зьнямог, і Ён дапамог мне.

⁷ Вярніся, душа мая, у спакой твой; бо Гасподзь умілажаліўся зь цябе.

⁸ Ты збавіў душу маю ад сьмерці, вочы мае - ад сьлёз і ногі мае - ад спатыканьня.

⁹ Буду хадзіць прад абліччам Гасподнім па зямлі жывых.