ПСАЛТЫР 112 - Біблія (пераклад В. Сёмухі)

Пс 112

¹ Алілуя. Хвалеце, рабы Гасподнія, хвалеце імя Гасподняе.

² Хай будзе імя Гасподняе дабраславёна ад сёньня і навечна,

³ ад усходу сонца да захаду хай будзе праслаўлена імя Гасподняе;

⁴ Высокі над усімі народамі Гасподзь; над нябёсамі слава Ягоная.

⁵ Хто - як Гасподзь, Бог наш, Які, жывучы ў высях,

⁶ прыхіляецца, каб дагледзець неба і зямлю;

⁷ з тла падымае беднага, з гразі ўзвышае ўбогага,

⁸ каб пасадзіць яго з князямі, з князямі народу Ягонага;

⁹ няплодную ўсяляе ў дом мацераю, што радуецца за дзяцей? Алілуя!